☕️ 食物：👍🏻👍🏻👍🏻👍🏻 /5 💰 CP值：👍🏻👍🏻👍🏻 /5 🤵🏻 服務：👍🏻👍🏻👍🏻👍🏻 /5 🛋 環境：👍🏻👍🏻👍🏻👍🏻 /5 那天踏進粉紅色大門，進入七彩繽紛萬花筒世界 🌈 七彩閃爍玻璃萬花筒隧道、彩虹色糖果系裝潢、繽紛琉璃珠子瓶，彷彿置身夢幻童話世界，色彩綻放，感覺讓人忘記當下，展望無限的可能性⋯⋯ OMG 😳 不要醒！不要醒！就讓我發夢一下下吧⋯⋯ 那管世界只是稍稍停在那一𣊬間⋯⋯ 💋 OMG 5C ($88) 愈來愈喜歡新鮮果汁🍹，點這款五小杯雜錦果汁來提升胃口，非常不錯 👍🏻 車厘茄及山楂、香橙及白桃、菠蘿及荔枝、青提子及青蘋果、火龍果及紅桑子，每一款味道都很匹配，果然有互相提鮮的作用，杯邊的糖粒帶點margarita感覺，但個人認為可省略。 💋 黃金蟹肉黑橄欖醬意大利粉 ($188) 從餐牌上就被這個蟹肉意粉深深吸引，味道果然沒有令我失望。黑橄欖醬味道十分香濃，加上蘑菇和滿滿的蟹肉，大啖大啖豪氣地吃也絕不為過～ 💋 有機開心果法式慢煮寶雲酥澳洲羊架伴脆薯條 ($348) 我平常不常吃羊架，但老公很喜歡吃所以就點了，加上用開心果仁碎鋪滿羊架來烤的傳統方法實在是很吸引。羊肉烤得剛好，帶可接受的微羶味，外層的開心果仁碎不單能保持肉汁，亦能令整個菜式增添香氣，實在很美味～ 💋 FIKA 身為外貌協會會員，當然要揀一個既IGable又能刺激腎上腺的甜品喇！😍 像青苔般的是脆脆抹茶金寶，底層是豆腐慕絲和牛奶麻糬，中間夾著紅豆醬，而頂層則是雲一般的蛋白霜；FIKA除了外貌可愛，各種材料的味道、口感都很配合，推介推介～ ✨ 整體： ✨ ✅ 超級IGable打卡餐廳，餐廳每個角落都是打卡聖地 ✅ 食物質素真心不錯，菜式新穎有創意 ❎ 略嫌價錢稍貴

近排唔知點解想食多啲唔同既菜式 西餐已經少食好多 於是揀咗間川菜 睇餐牌有烤魚 酸菜魚 水煮魚等等 都岩我口味‼️ - 🎏麻辣青花椒烤魚✨ 💰$318 好難係烤魚同酸菜魚之間做取捨 2樣都想食🥲 不過自知食酸菜魚多過烤魚 就揀咗後者 一上枱未開爐已經聞到烤魚既香味😻 有好多配料 豆卜蓮藕金菇芽菜 ((豆卜吸味真喺一流)) 魚肉都偏嫩滑 成條魚有兩隻手掌咁長 雖然叫咗小辣 但青花花椒愈煮越食愈辣 如果唔趕時間可以滾耐少少 等啲魚肉更入味 - 🎏酸菜肥腸✨✨ 💰$88 無食到酸菜魚就由酸菜肥腸補數 不得不讚酸菜真喺好出色🤫 酸得黎帶點甜點 如果加碗飯 可以2碗thanks 另外酸菜完全解到肥腸既肥膩 唔怕食到好漏 - 🎏北川涼粉 💰$58 味道十分討好 亦都好香 唔係普通辣椒+醋嘅味道 開胃一流🤤🤤 - 🎏清炒萵荀 💰$78 份量多到喊出黎 好清甜 美中不足就係多咗少少油🤏🏿

#大食小公主太古區出動👸🤪 ［太古 正宗泰國餐廳 Café Siam🇹🇭] 店員全部都係講英文嘅，裝修都好有格調👍 晚市二人套餐 $389 🚩 青木瓜沙律 本身個青木瓜沙律呢係辣嘅，但係我同我朋友唔係好食辣啦，所以就同店員講走辣 呢個沙律同我平時食嘅有少少唔同啦，濃味好多，同埋酸酸美味幾開胃👍 🚩 暹館大蝦金邊粉包蛋 賣相非常精緻 同平時食嘅金邊粉冇咁甜 味道足夠，係好食嘅金邊粉👍 🚩泰式飛天通菜 去到泰國就最鍾意食炒通菜 味道非常惹味 一上枱已經聞到超級香👍😛 🚩鑊炒帕查牛柳片 牛柳非常嫩滑👍👍 而且份量都好多 作為小菜，非常好食🥰🥰 再配埋唔同嘅配菜有豆、粟米條等等 🚩伊森泰式串燒 （豬肉牛肉） 串燒唔會燒得太乾身 保留左本身肉質👍😙 兩串share食啱啱好😍 🚩芒果沙冰 $48 真係見到店員真正芒果去做 夠cream👍😍 推薦😝😝 🚩泰式奶茶 $45 店員好細心，個糖水另上 可以自己選擇甜度 鍾意飲泰式奶茶嘅都可以選擇呢一個😛😛

星期六下午肚餓，同老公去食下午茶，需要食啲甜野補充能量。我知道呢間既窩夫好出色，所以必食窩夫，另外再叫左磅蛋糕同咖啡。Black Tea Apple Crumble Waffle with Ice Cream窩夫賣相精緻，窩夫外面好脆，配以好多crumble碎碎同一球雲尼拿雪糕，雪糕好軟滑，好味。Tieguanyin Crumble Pound Cake第一次食鐵觀音味既磅蛋糕，淡淡既鐵觀音味，蛋糕幾鬆散，唔會甜膩。Honey Cold Brew Soda
好少飲甘新穎既咖啡，冷萃咖啡中加左蜜糖，苦中帶甜，幾特別。

😮‍💨 經過一周極其疲累嘅工作，小編想依個周末有個mindful break，就咁放空食個台式午餐。 ［ 亂闖試飲試食 ］ 🥪 BBQ蜜糖火腿芝士台式厚吐司 😋😋😋😋😋 非常大份，切口同包裝都好靚仔！😎 吐司望落好厚身🍞，唔係烘嘅款式，但就充滿牛油香氣，咬落好軟綿綿。☺️ 內餡有意大利火腿同芝士🧀嘅鹹香成為吐司主要味道來源，仲有近鮮蕃茄🍅同生菜🥬，令整體變得新鮮。即使幾大份下，都唔會食到好飽滯！ 🧋 芝士奶蓋Oreo雪沙 😋😋😋😋 小編冇加減甜度，飲落啱啱好，唔會甜到封喉！飲嘅時候，食到Oreo碎碎同芝士奶蓋，口感奶滑、帶少少鹹甜鹹甜嘅味道，雪沙打得好均勻，唔會又大又細！👏🏻 午餐 💵💵 約港幣$70/人 💁🏻‍♀️ 依間小店由兩人打理，店舖只有兩個冷氣座位。主要做外賣自取，而且即叫即做，想去幫襯食吐司嘅朋友，要有心理準備等10-15分鐘喇！ 🙆🏻‍♀️ 最後，喜歡嘅話，歡迎follow @foodirectory.hk！

朝聖尖沙咀厚福街的肉搏食堂 @meatfight.hk 開業一年多 堅持選用高質食材製作各款肉類丼 另有日本直送海鮮刺身丼🇯🇵不時推出期間限定 裝修時尚簡約 白色雲石配搭木色地板 空間感足 · 香煎頂級牛肉配海膽丼🐮 細嫩肉質嘅Prime頂級牛肉 慢煮可鎖住肉汁 經香煎後 肉味更濃郁 非常juicy軟腍 份量又多 配上新鮮時令海膽 再灑上蔥花 好豪華的牛肉丼 除牛肉外 還有黑豚肉/雞肉🥓選擇多 任君選擇 · 角切魚生丼🍣 一口氣試多款魚生：三文魚 吞拿魚 油甘魚 蟹籽 配搭牛油果 日本生雞蛋 鮮味十足 好creamy啊 套餐升級優惠 +$22即可享用精選餐湯及飲品 *轉特飲+$16/ 轉生啤(250ml) +$38✨CP值高 · 朱古力曲奇沙冰🍫 濃郁朱古力和曲奇打成碎冰 加一層厚厚的忌廉 超級邪惡🍪採用tiki夏威夷雞尾酒杯 打卡一流 · 紫薯鮮奶🥛 漸層效果吸晴 味道也絕不遜色 奶蓋挺身厚實 紫薯鮮奶真材實料 能吃到紫薯粒🍠好香濃綿密 · 本家製日製豚肉餃子🐷 餃子外脆內軟 皮薄煙韌 而且豚肉餡料飽滿多汁 蘸香醋增添風味🥟下次會想試埋雞軟骨棒餃子

［小小串 屯門］ 📍屯門屯順街1號屯門市廣場1期2樓2183號舖 - 今日同屋企人喺市中心行街，發現有間新開嘅舖頭，見到好多人幫襯，就去咗試下了😙店內環境乾淨，店員仲要好貼心友善，推薦！ - 招牌烤比目魚 $158 比目魚係煎過嘅，好厚肉，而且好香口～重新煮完之後更加入味🔥另外仲加咗金針菇、蓮藕片、萵筍片、薯粉同炸油條作為配料，勁豐富🦦 - 蔬菜拼盤 $48 有金菇、杏鮑菇、萵筍、花菜、冬菇同蓮藕，好抵食！ - 麻辣牛展 $42 厚薄適中，正宗四川風味，有好多塊，兩個人都夠食啲🫶🏻🫶🏻 - 香口小酥肉 $38 炸到金黃色，咁賣相好吸引，份量幾多～ _ 桃之天天 $32 係桃汁嚟，仲可以飲到淡淡桃肉，解膩一流👏🏻👏🏻 - 奶油爆珠芒果冰 $28 飲落酸酸甜甜，口感清新又特別，推薦！ - 凍頂烏龍水果茶 $32 入邊加咗好多水果，好refreshing - 香辣炸雞翼（3隻）$32 雞翼每隻都大大隻，炸得恰到好處，外脆內嫰 - 麻酥辣子雞 $42 好香口，肉質鮮嫩！ - 串串鍋 ： 有D串辣湯底 $10 大腸 $12 原隻鮑魚 $18 手工蝦滑 $12 新鮮大蝦 $14 午餐肉 $8 - 絲苗白飯 $15

家人訂座星期六晚七點半 入座時全場爆滿，以為差極有限。 起初送了一碟乳豬，都脆皮的。 之後上套餐第一道菜色，燒味拼盤，分開逐個人上菜的。 味道中規中矩，卻想不到已經係全日表現最出色的一碟。。。 可能當日人手不足，我等等等等等足一小時 等到八點半先等到第二道雞煲翅。 當時仲要隔幾分鐘先上到一個人的砂煲，前前後後等齊又花了十分鐘。第一碗砂煲都等到凍哂。 之後上呢道蝦， 龍蝦湯+有炸過但放湯上的小虎蝦一隻， 味道可以的。 之後就直接上瑤柱蛋白炒飯， Skip了一道飽魚直接上炒飯整個傻眼 炒飯炒得乾身的，但懷疑廚師無落鹽， 啖而無味到要用返上一道菜的蝦湯來餸飯 然後期待了一晚的鮑魚， 上碟的狀況就係咁樣，頽態十足 鮑魚切片上其實唔緊要，可惜係唔好食的。 黑松露味失蹤都算啦，碟野仲要有點凍的 食完鮑魚本來都以為自己唔好彩，廚師失準啫。 但接下來呢道就真係令我要上來比負評。 一山還有一山高，一碟還有一碟低。 頹菜之王歸佢莫屬！ 分菜都費事 直接一整盤上。 將蕃茄 淮山 絲瓜 切粒 ，煲埋一碟就係「濃湯粒粒三寶蔬😸」 只能說夠哂住家菜 很有親切感。 食埋個好普通的甜品，呢個套餐就完喇。 呢個套餐$338一位 值唔值就見仁見智啦 隔離枱啲餸都無咁差 可能係自己唔識叫菜吧 只能說整體有待改善

𓄺 𓄺 來自日本的 Afternoontea Tearoom 推出了最新的秋日menu！用上秋天最當時得令的食材如栗子、肉桂和蘋果等，精緻賣相令整個餐桌滿滿秋天氣氛。 𓇣 Bisque Sauce Pasta with Shrimp and Asari Clams $178 爽口彈牙的意粉配上鮮蝦和蜆，配上蔬菜和芝士，惹味又健康。 𓇣 French Toast Sandwich with Smoked Chicken and 2 Kinds of Cheese $118 喜歡芝士的朋友，不要錯過這個法式多士！鹹香的芝士包著煙燻雞肉，每一口都是暖暖的滋味滿足！ 𓇣 Mont-Blanc Parfait with Chestnut and Apple $118 必點甜品！用上兩種栗子，配上肉桂蘋果和雲呢拿雪糕，再澆上濃郁的栗子奶油和清爽的蘋果味果凍，酸甜平衡得剛剛好！加上一流賣相，好看又好吃。 𓇣 Marron Tiramisu Shortcake $98 三層鬆軟的海綿蛋糕夾著絲滑濃郁的栗子奶油，再澆上Coffee Rum Syrup。非常喜歡它的香濃咖啡和淡淡冧酒香。 𓇣 Fruit Rooibos Tea Peach & Mango $68 𓇣 Double Apple Tea $68 兩款新推出的茶都是果香的紅茶。不論是蘋果茶還是芒果桃茶，都是非常適合秋冬的味道。 坐在日式的漂亮茶室，享受着充滿秋意的Autumn’s Menu，吃一口栗子芭菲，彷彿身處京都欣賞紅葉般寫意。 𓃄 𓄺 📸Pls follow my IG: manman.hygge

價錢算平亦有小朋友喜歡吃的雪糕壽司等等，冷盤沙律都唔錯，熟食就麻麻哋，最唔開心係啲粥都唔夠熱。我覺得全晚最好食係三文魚，同埋鐵板燒牛肉，同埋麻辣鴨血。甜品味道不錯。 不過我有一樣嘢很想分享 切牛扒和熱盤有兩位年輕男士負責 下兩個人真係好似我哋欠咗佢咁 我排隊攞乳豬佢淨係俾兩嚿好燶嘅我，我話可唔可以比多夠正常，佢就俾啲豬腳，後來片皮鴨，嗰陣時已經冇人攞因為好夜，我話可唔可以比鴨皮佢就繼續係俾啲肉我。如果唔係萬聖節為咗小朋友開心，大人來說折扣之後都要$500一位也不算是很值得

《尚夢 • 茳煳》 以前每個朋友圈子，每年都會見起碼兩、三次，因為疫情關係變成兩三年先見一次，甚至可能果次係大家最後見面既飯局。今日同3位舊同事到《尚夢 • 茳煳》聚一聚，當然要搵間好既餐廳。 一間好既餐廳，除左出品好之外，能夠比顧客有好既體驗相當重要。《尚夢 • 茳煳》係一間新派中菜餐廳，環境相當舒適。一般既中菜餐廳，會採用圓形枱，有時如果人多，圓形枱增加左大家既距離感，而呢一度係採用方形枱，而且枱面闊落，大家傾偈食飯相當舒適，而且呢一度嘅老闆亦都對環境美感有一定嘅要求，所以無論燈光、裝飾，都一一精心考量，而且餐廳總會有擺放老闆嘅珍藏作為裝飾嘅一部份，睇得出老闆係對餐廳放咗好多心機。 至於服務方面亦相當細心周到，侍應姐姐經常入嚟加茶執枱，而且經理亦都會詳細介紹菜式，服務相當窩心，仲有另外一點嘅係呢間餐廳係🐶Pet Friendly🐱，所以真係好適合一班朋友帶埋寵物一齊「飯聚」，而今日主要我哋都係聽餐廳經理嘅介紹點菜。 （1）荔枝凍蕃茄 ⭐️ 5 ⭐️ 荔枝汁配去皮車厘茄，清甜味道相當醒胃，作為前菜一絕！ （2）海星花膠湯 ⭐️ 5 ⭐️ 湯品係尚夢 • 茳煳既招牌菜，足料湯清味濃，湯料花膠、瑤柱、羊肚菌、姬松茸及瘦肉，配置埋蠟燭暖爐，冬天相當暖胃！ （3）特式蝦多士 ⭐️ 4.5⭐️ 蝦多士好多地方都有，做得好唔好，除左睇材料之外，還要睇師傅功夫。蝦多士蝦膠彈牙之餘，呢度既蝦多士既蝦膠讓入麵包中間，令到炸起既口感比起蝦膠鋪面更好，而更重要既係炸起左之後，師傅會用吸油級索左多餘既油，令到蝦多士油而不膩。 （4）澳龍三重芝士焗伊面 ⭐️4.5⭐️ 面頭有煎過既巴馬臣芝士，煎出芝士香味，配上龍蝦食，多左重芝士既咸香，龍蝦新鮮彈牙。 （5）豆酥銀雪魚⭐️3⭐️ 第一次嘗試豆酥，聽經理介紹，豆酥係湖南既一種醬料，用豆酥配銀雪魚用意，係因為香港既銀雪魚都係雪藏，所以配用豆酥去除冰鮮味道，並且能帶起魚既味道。小弟第一次品嘗豆酥，感覺上豆酥油膩而味淡，不及其他菜式。 （6）客家鴛鴦菜⭐️4⭐️ 鴛鴦菜即係炒梅菜、白菜，炒白菜落左一些辣椒，出品會帶點辣味，經理介紹用辣椒原意係去除白菜草青澀味，同行唔係好食辣既朋友，佢地覺得係比較辣左少少，可以落番少D 辣椒比較好。 （7）茳煳炒飯⭐️4⭐️ 茳煳炒飯有菜粒、櫻花蝦、咸菜炒成，菜粒增加炒飯口感，飯炒得略為唔夠乾身，較為濕淋。個人口味比較喜好有口感。 （8）滑嘟嘟大良炸鮮奶 ⭐️3⭐️ 炸得好，外皮脆，但可能因為下午3點幾，即時係雪櫃拎出黎炸，所以溫度控制有差異，外熱內凍，作為甜點，可以甜多少少。 （9）自家製糯米糍⭐️4⭐️ 師傅每日都會用唔同既餡料，而今日係用左平時鳳梨酥嘅餡，而呢個冬瓜蓉餡確食係好食，甜度適中，帶點鳳梨味道，有呢種果香味，增加左味道層次，作為飯局尾聲係不錯既選擇。 一間餐廳好唔好，其中一個角度係你帶你嘅朋友，之後佢地會唔會自己再嚟，而今日三位朋友都相當滿意，佢哋都諗住帶屋企人嚟食，即係話呢間餐廳係一間好既餐廳，茳煳再見！ #尚夢茳煳 #新派中菜 #灣仔 #譚臣道一號

今日同朋友見面，見到OpenRice呢間餐廳佈置好靚，就book咗。 餐廳比較細，靠窗嘅坐位係好靚，但一啲都唔舒服而且隔離枱超級嘈，講嘢好大聲，破壞咗成個氣氛。 我同朋友各人叫左主食（黑松露忌廉磨菇意粉、蟹肉蟹膏意大利飯）同兩杯咖啡。咖啡完全冇咖啡味可以講係一杯奶，並不是咖啡廳嘅質素。意粉同飯嘅味道係正常，但我返到屋企肚屙左兩次…個肚仲痛緊。 整體嚟講，環境係好靚，好適合打卡。但如果大家要求咖啡嘅質素，就可以唔洗黎嘆咖啡..

與家人撐檯腳吃傳統中菜。在HKU MTR附近這間中菜館，由電影《食神》的原型食神－名廚戴龍師傅開設。是晚恰巧遇見戴龍師傅也在場座陣，有初次來到的客人告訴他是特意慕名而來，部份熟客也跟他有傾有講，友善親民。 特醬燒乳鴿 $38
粵菜中個人最愛的小食之一，一上桌看到油光閃閃就垂涎欲滴，店員細心提供即棄手套和剪刀方便食用。乳鴿本身較瘦小，熱辣辣配上簡單調味已經很美味。 15年陳皮話梅骨 $118
採用肥瘦相間的腩肉和豬軟骨，肉質鬆軟淋滑，主角陳皮話梅汁酸酸甜甜，把豬肉煮得入味，惹味程度爆燈，醒胃下飯，而且份量不少，令人一口接一口，確實是白飯小偷。 蒜香玉乳脆鱔球 $168
雪白的鱔球裹上脆皮，再用蒜蓉、紅椒、南乳等香料爆香快炒，鹹香滋味滲入每一顆鱔球，啖啖肉無負擔。 金針菇炒豬面肉 $118
本身Order的是茶樹菇炒豬面肉，可是茶樹菇Sold Out，所以以金針菇取替。豬面肉有點像豬頸肉，肥瘦混雜，肉質爽脆彈牙，油香豐腴。這類油物配上配上瘦物蜜糖豆，油膩感瞬間Balance。 古原蠔油牛仔肉 $96
好有住家飯風味，還多一點大廚的鑊氣。以蠔油大炒牛仔肉片、冬菇、萵荀和蒜頭等配料，新鮮即炒熱辣辣。 晚餐有附送喳咋糖水，多豆綿密，甜度適中。

好耐冇同舊同事S見面，平時我地食譚仔都可以興奮到上天花板。但佢升職喎，緊係食返餐好少少賀一賀佢！！ 我地黎左尖沙咀行街，所以我提議不如去食返我早排同另一個舊同事食嘅墨西哥菜8Five2～ 我地叫左墨西哥牛肉玉米餅沙律 （$138）呢個沙律好豐富！玉米芝士炸丸子（$98）芝士好濃郁～雞肉墨西哥脆玉米片（$138）其實有d大份，差d食唔曬！墨西哥嘅調味加埋脆脆片，正！牛油果加黑豆墨西哥卷（$138）呢個係我想食，因為想知淨素嘅話會係咩味，但估唔到牛油果加黑豆個味都夾！ 飲品方面，S飲嘅係Big Bang（$88）芒果熱情果菠蘿比較fresh，而我就飲Peach Icced Tea（$68） 呢到氣氛不錯，無論係情侶拍拖定朋友聚會都好啱！雖然今晚我地冇飲酒，不過都比現場氣氛感染到～

今日想食甜品下午茶，最後決定去咗食城中最好食既日式梳乎厘班戟之一FLIPPER'S。周六6點到可以直入，幸運地霸到最入既一張圓枱坐。今日餐牌只係見到一張4款甜班戟同飲品。 期間限定變咗唔太吸引既Halloween班戟，今日只好食兩款長期喺餐牌既經典口味。 榛子朱古力焦糖香蕉班戟 $139 班戟一客三件大大件，其實比好多地方都抵食。可惜既係，明明都無客，我地等咗超過半個鐘先有得食。而且出菜位見到出咗班戟好耐都無人拎黎，最後我地忍唔住叫服務員拎黎先上。黎到隱約聞到蛋香，不過快手影兩張相之後即食就凍哂，完全唔好食，哂左成份班戟，簡直非常失望，空氣感大打折扣。班戟上面灑上少少糖霜，不過唔會太甜。班戟上面加左兩種啡色既榛子醬同朱古力醬，伴有焦糖香蕉半條同碎果仁。配料無乜榛子味，主要係朱古力味。果仁碎既榛子味都好弱。 綠茶紅豆班戟 $129 好耐無食呢款綠茶紅豆班戟。可惜班戟一樣都係凍既。配料就變左紅豆蓉，綠茶忌廉同綠茶漿，仲灑上綠茶味嘅碎碎，北海道奶油好滑。同上次唔同，今次居然有一細兜自家製天然楓糖漿，夠醬送班戟食。個人覺得呢款好味啲。綠茶嘅少少苦配甜甜嘅紅豆蓉永遠都係絕配。

總括而言，請餐廳認真留意下員工處理食物質素既態度，凍班戟同熱班戟質素真係差天共地。