- 前幾日提早做冬🤩屋企人揀咗尖沙咀iSquare陶源酒家 話見佢而家做緊優惠 $588 $788 $1288 三個set menu都係買一送一 優惠期做到12月31號🤤 我哋4個人就揀左中價嘅$788 當中有幾個餸都係我鍾意食嘅野 🥢西班牙叉燒拼滬江素鵝 叉燒好腍身 喺半肥瘦叉燒 兩舊啱啱好 唔會太漏 另外仲有兩塊素...鵝 脆卜卜 點埋個喼汁好開胃😋 🥢火龍脆皮遼參 第一次食炸海參 好特別 名副其實外脆內軟 海參其實係冇味道 多數食都係靠鮑魚汁去帶出鮮味 今次呢度竟然係用紅火龍果醬去夾 😯竟然又幾好味喎 甜甜的 仲有少量燕麥片墊底 呢個組合真係幾特別 🥢濃湯泡花膠 呢個真係不得了😍有冇睇到塊花膠幾大塊 啖啖肉 超級滿足 完全冇expect過塊花膠拎起來長過我塊面 🥢欖菜焗虎蝦 虎蝦肉質彈牙 加上欖菜鹹鹹地 又係幾夾個喎 顛覆咗我既味蕾 以為欖菜淨係配四季豆😂原來配蝦都一樣出色 🥢紐西蘭羊架伴天使麵 呢個睇個名係西餐嘅配搭 又會放咗去呢個Menu入邊？ 羊架孜然味勁重 燒得啱啱好 軟腍腍 加上一口天使麵 又幾得意😂 🥢清灼蚌片浸翡翠 個人覺得食到咁上下都有啲飽 三片蚌片 爽口唔韌 加上一碗豆苗 清清地 飲咗少少佢個湯都幾鮮味 🥢陶園一品炒飯 同一般嘅楊州炒飯大同小異 味道方面就不過不失 好正常 🥢楊枝甘露 有個甜品做結尾都唔錯 不過酒家唔係做開甜品就會偏向水左啲 唔係太足料 比較浠 芒果、西柚果嘅配料就較少更多

📍陶源酒家灣仔 又係大閘蟹放題🦀，首先一定要讚一樣野！侍應服務好周到，又有禮貌。見我地儲殼打卡仲拎隻大盤比我地放[色] 酒樓格局，枱布小許污漬。 燈光幾好，打卡嘅話只要避開人頭就可以😌 枱面有手套同濕紙巾[害羞]廁所亦好乾淨👍🏻👍🏻👍🏻 淨係大閘蟹就有三款:清蒸、花雕蒸同鹽焗，我認為都係清蒸最好味😋落or...der嘅時候填紙仔就可以，只要食得晒填幾多隻都冇問題👍🏻完全冇限制🙌🏻 除此之外仲可以任食片皮鴨，仲送左鮑魚[色]仲可以任叫甜品同小食😉 🦀清蒸大閘蟹係我認為最好味，蒸完出黎仲係熱到辣手，蟹膏好多好重味[色]黃過咸蛋黃[色][色][色] 🦀鹽焗同花雕自己唔太中意，可能都係中意簡單清蒸多D🤣 🦀鮑汁扣原隻鮑魚伴翡翠，即係鮑汁加鮑魚配西蘭花🥦鮑汁個味唔夠重，可以咸少少，鮑魚唔係罐頭👍🏻西蘭花硬左啲 🦀薑茶湯圓，好好食，飲哂D薑茶，一碗得一粒🤦🏻‍♀️要叫勁多碗🤣 其他食物唔特別介紹了，同其他酒樓冇乜太大分別。但呢個價錢食高質素大閘蟹👍🏻👍🏻👍🏻很值 嗰度嘅侍應全程都係對住我哋笑容非常好，又幫我哋清潔，又幫我哋拎我哋需要嘅嘢，又叫我地慢慢食，食多D。非常感謝，有再想去的念頭 評分時間❣️ (最多五顆星，如不推薦會打交叉） 食物質素⭐️⭐️⭐️⭐️ 環境⭐️⭐️ 服務質素⭐️⭐️⭐️⭐️⭐️ 價錢💸:埋單$1059更多

想起許久沒有與娘親爹爹一起喝個早茶，偶爾也是需要陪伴長輩的，所以今天便攜同娘親爹爹來到以往光顧過的陶源酒樓用餐，順道帶同他們外出閒逛走動。 水晶肴肉 水晶肴肉是江蘇鎮江的一款名菜冷盤，距今已有300多年的歷史，因皮色晶瑩光滑而得名。食用時瘦肉香酥清淡，肥肉結實不膩，沾上香醋調味同食，風味更佳。 花膠老雞湯 雞湯黏度稀薄，飲用...時雞味清淡，但價格只需 $138 即可享有四碗，質素可算是十分合理化算，而且湯料中亦配搭有數塊花膠，咀嚼時爽口結實，滑溜清香。 朱古力鴛鴦奶皇包 奶皇包外觀雪白圓潤，表層有着朱古力的螺旋紋圖案作點綴，賣相可愛吸睛。包點外層厚薄適中，柔軟鬆化，內餡黏度較低，鹹蛋和朱古力味亦甚少，但還好勝在奶黃的香氣濃烈出眾。 笋尖原隻鮮蝦餃 外層蝦餃皮製得薄身，色澤晶瑩剔透，可清楚看見內餡，食用時柔韌軟糯，黏度極高，而餡料使用笋尖、鮮蝦製成，新鮮的食材使口感爽脆彈牙，幼嫩清甜。 不見韮皇鮮蝦腸粉 表面的腸粉皮呈現半透狀態，可隱約看見橙、綠色的內層餡料，色調讓人感覺清新。外層口感滑溜軟糯，富有黏度，而使用韭黃和蝦肉製成的內餡則柔軟香嫩，新鮮爽彈。 蟹粉小籠包 秋冬正值吃蟹粉的最佳季節，因而便點選了此款小籠包。其外皮厚薄恰到好處，夾起不會輕易破爛，咀嚼時香糯柔軟，內餡的蟹粉分量充足眾多，味道濃郁嫩滑，鮮味十足。 極品原隻鮑魚燒賣 此款燒賣的特色之處是頂部放置有原隻小鮑魚作配搭，其口感煙韌彈牙，鮑魚香氣濃郁。底部的燒賣可見用料飽滿，入口滑溜鮮嫩，結實彈牙。 沙巴鮮蝦燒賣皇 燒賣皇配料充足豐富，使用上來自沙巴的鮮蝦、冬菇、蟹子製作而成，食用時甚具口感，層次十足，整體味道新鮮可口，結實爽彈，蝦味出眾。 總結而言，餐廳環境寬闊甚大，整潔舒適，落地大玻璃的裝潢設計，讓顧客可以一邊用膳一邊欣賞海景，感覺放鬆悠閒。食材方面製得精緻，味道可口味美，只有少數菜式有輕微不足，但仍尚可接受，是依舊會再次光顧的酒家。更多