電影泉攻略｜黑寡婦有機會與恐龍玩追逐遊戲 Ryan Gosling或加入MCU丨EP95

王鎮泉 Jeoffrey 每星期為你提供最熱辣電影資訊，中外猛片專訪花絮上映時間全部集齊。「電影泉攻略」每周四買定爆谷陪你睇新戲。

之前講過《侏羅紀世界》已經完成咗上一個階段，跟住落嚟嘅新篇章，預計就唔會再有Chris Pratt同Bryce Dallas Howard主演喇，不過最近就傳出會有一位重量級女星參演，呢位女演員就佘黑寡婦Scarlett Johansson，據知Scarlett已經收到邀請，但就未知最後可唔可以成事。

講起Scarlett，自從佢離開MCU之後，只係拍過《小行星都市》一部電影，所以真係希望可以見到Scarlett同恐龍玩追逐遊戲。

本周嘅新片速遞：

《捉鬼敢死隊：冰封魅來》係《捉鬼敢死隊》40周年新作，今次原班人馬再度回歸，佢哋一起進軍紐約，嚟到捉鬼敢死隊的發源地，發現「消防局」基地已暗中進化成機密捉鬼科研中心，但隨住一件神秘遠古文物出土，邪惡幽靈被喚醒，紐約都瞬間被冰封，新世代同元祖級「捉鬼敢死隊」再度聯手捉鬼！

《奇蹟列車》1988年年邁嘅溫頓，仍然忘記唔到50年前嘅營救行動，當時二戰前夕，年輕嘅溫頓策劃營救行動，打算喺希特拉侵略前，將當地兒童經火車運送到安全嘅英國，營救分秒必爭，溫頓雖然克服重重困難，但救人列車最後都係發生意外，溫頓亦從此背負罪疚。但佢萬萬諗唔到，呢個橫跨半世紀嘅遺憾，有一日竟然會為佢能換嚟感動嘅結局。

《熱辣滾燙》直逼40億人民幣票房、內地賀歲賣座No1，賈玲繼《你好，李焕英》後又一自導自演作品。講述一個溫柔善良嘅重量級宅女，十年嚟一直躺平喺屋企啃老，偶然結識咗落魄拳擊教練而搵到寄託，更因為拳擊而重新振作，甚至想勇敢踏上擂台，為自己贏一次而展開熱辣滾燙嘅新生。


《非誠勿擾III》笑笑答應秦奮嘅求婚後，蜜月都未度完笑笑就要出差去保護環境，一走20年都冇返過嚟。2031年人工智能已經可以以假亂真，秦奮訂製咗一個AI笑笑，喺相處過程中，秦奮亦開始懷疑自己對AI笑笑產生出嚟嘅模糊感情。

有傳Ryan Gosling將會被挖角到MCU，而Ryan曾經喺訪問中講過，自己最有興趣參演嘅Marvel就係《幽靈車神》，點個Marvel嘅總裁聽到後，就真係有聯絡Ryan。其實Ryan除咗鍾意呢個角色外，佢老婆Eva Mendes亦係舊版《幽靈車神》嘅女主角，希望今次可以見到Ryan加入MCU啦！

本周票房戰況截至3月20號中午，第3位係《填詞L》、第2位係《可憐的東西》、第1位就係《沙丘瀚戰：第二章》。