呢間新派中菜都開咗好多年,係晚晚都好多人排隊嘅人龍店🕗今日朋友生日,就book咗位試下~ 原個椰皇燉雞好足料🐥都有好幾件大舊嘅雞件係入面,燉雞都算滑,而個燉雞湯都幾清甜,令椰子味好突出🥥鍾意椰子嘅必食‼️ 除咗燉湯仲嗌咗幾個賣相好精緻嘅點心~黑金流沙係流心奶黃包,比我想像中大個好多😳入面嘅流沙餡都好澎湃一咬就流出嚟,奶黃...味都算重,幾推介🤤 菇型呢個係叫松露紅菇🍄其實就係香菇包打卡版😂冇咩特別可以skip🤭 蒸三色餃反而幾有驚喜🤤黑色個個墨汁餃皮薄又滑,仲有原隻蝦係入面,有啲似墨魚味蝦餃咁幾過癮🦑同行友人都話覺得皮薄餡靚😍 乳鴿都幾有肉汁肥瘦適中唔會柴亦唔會太膩~ 黑松露蝦多士都推薦👍🏻炸得好香口,蝦肉都爽口彈牙🦐唯一想挑剔嘅係黑松露醬比起蝦多士唔算熱,所以溫感差令個蝦多士有少少失色🥶 最後趁蟹季就嗌咗大閘蟹炒年糕,上到枱都好大份🤩個大閘蟹都有啲膏但就唔係好肥美個種,不過炒過都幾香口,醬汁都好多,年糕都掛到汁而且好煙韌🦀幾有特色可以一試🤙🏻 另外有萬聖節menu不過冇試到🎃 總括而言幾鍾意呢間餐廳嘅食物夠精緻,服務態度都幾好,生日蛋糕畀埋靚靚嘅碟同送蠟燭都唔收切餅費🥳成餐飯幾滿意❤️會再回訪更多