冼靖峰透露將錄LOONG9團歌 盼為聲夢傳奇3任助唱嘉賓

冼靖峰 自從喺《亞洲超星團》出道，成為LOONG9成員之後，都一直閉關，呢日佢返TVB錄影佢有份主持嘅J Music。換咗一頭全黑髮嘅Archie，對於日前LOONG9微博官網公布有三位成員張鎬濂、郭殿甲同埋陳鑫昊加入組合，成為Loong9-S嘅成員，主力喺內地活動，而香港三位成員同原本嘅六位成員組成嘅Loong9-V主力喺香港活動，聽到呢個新安排，Archie都表示好歡迎，亦覺得係一件好事，可以擦出更大嘅火花，至於LOONG9幾時會開Show?Archie就話要大賣關子先，但就好期待同組員一齊錄團歌以及製作新歌，Archie話呢段日子，都有爭取時間增值下自己，好似學跳舞同埋練新唱腔。

其實Loong9-V 9 位成員各有特別嘅代號，Archie就有妙音龍子嘅封號，Archie話開頭都有改名嘅念頭，但最後都係決定用番呢個代號，至於點解會染番黑髮? Archie就話間中轉換下造型，令自己同觀眾都有一種新鮮感。

早前Archie喺網上開Live 嘅時候，透露有傳公司有計劃開拍《聲夢傳奇3》，Archie表示期待，仲話好想去做助唱嘉賓，幫選手出戰減減壓。