朱千雪陀B享受老公女皇級待遇 感受身材變化：扣到鈕都扣唔到
撰文：鄺鈺瑩
出版：更新：
月初宣布陀B 5個月嘅朱千雪今晚（11日）現身銀行活動，雖然腳踏3吋高踭鞋，但見朱千雪健步如飛，且十分精神，睇嚟完全無受陀B影響。
朱千雪接受訪問時表示由於父母仍在加拿大，打算等二人返港後再公布BB性別，工作方面，除律師外上星期開始兼任講師，但由於大家十分照顧自己，加上身體狀況良好，所以未有停工打算。「頭幾個月有嘔，但呢個階段算係最精神，所以趁呢幾個月做多啲嘢，同埋有嘢就處理咗先。」千雪預計媽媽兩個月後由加拿大返港，到時再添置BB用品，而媽媽亦會留下來陪月。
朱千雪心情好好。（陳順禎攝）
問到可有享受老公女皇級待遇，朱千雪笑言早前與家人去旅行時，全程不用拎行李；而老公亦愈來愈貼心，只要有想食的東西，都會馬上去買。而她亦吩咐老公報讀產前班。「我都有問身邊朋友準備啲咩，有咩可以做唔可以做，但個個答案都唔同。我初期成日都自己嚇自己，但老公會安慰我無嘢唔好其實係好。」
朱千雪似乎預計產前兩星期才停工休息，以產後如果時間容許，都會接幕前工作。（陳順禎攝）
朱千雪又謂由於每日返工都要穿西裝，所以已感受到身材嘅變化。「由扣到鈕到扣唔到，每星期都感受到，無正式磅過重幾多，因為無論點都好，最緊要BB健康。」
朱千雪表示當初得知懷孕後，同老公都十分開心。（陳順禎攝）