StarTalk一氣呵成版丨陳法拉新戲零對白靠心靈感應 角色臉上充滿肉芽紋身日花4粒鐘化妝

陳法拉 日前宣布再添丁，湊成「好」字，法拉火速修身，產後首次受訪，喺TVB娛樂新聞台節目《StarTalk》訪問，為有份參演嘅荷李活電影《哥斯拉與金剛：新帝國》做宣傳。

法拉喺新戲飾演高智慧人種，唔係太需要語言，主要以心靈感應去溝通，法拉全程零對白演出，記得第一次同新戲導演見面，法拉當時有提起自己拍《溏心風暴之家好月圓》飾演阿慶，學咗40集手語對白，新戲導演聞言都好驚訝！

法拉喺新戲角色零對白靠心靈感應，佢透露每日花咗三至四粒鐘化妝，皆因角色面上充滿肉芽紋身；講到今次新戲有好多CGI鏡頭，法拉表示電影係搭建實境營造地心世界，當中飛船更係1:1搭景，整體感覺超真實！法拉讚美指用咗好多心機去做。

法拉近年長駐荷李活拍攝作品，佢都有分享與香港製作分別，由於新戲有好多特效，佢笑指以前喺香港一日要拍廿場戲，感覺最大分別係速度不一樣。同時，法拉亦好掛住用廣東話做戲，期待之後有機會參與香港製作！