餐牌主打高質花膠雞湯鍋，滿滿以土耳其風格風裝潢，好啱打卡！ 🍲招牌花膠雞湯鍋 巨型嘅大大片厚身花膠，先會片上枱後剪開！滾一滾再飲一碗靚湯！呈鮮黃色嘅湯底係用上三黃雞新鮮熬製！難怪湯頭順喉濃厚，濃郁而不膩，十分暖胃！三黃雞係半熟狀態，煮5分鐘就食得，雞肉軟嫩！ 🥩手切頂級安格斯牛肉（細） 切得厚薄均勻嘅手切頂級安格斯牛肉，紋理...清晰、肉味香濃、油脂香醇，肉質軟嫩無比！ 🥟餃子拼盤 （10粒） 坐住餃子木馬嘅自家製餃子拼盤，有5款共10粒，包括有足料鮮蝦雲吞、白松露野菌豬肉餃、黑松露蟹肉餃、蟹皇豚肉餃同韭菜豬肉餃；一次過試哂咁多手工餃子，款款都咁好食！餡料爆滿！ 🍢黃金雙拼 至愛嘅咸蛋黃醬響鈴同即炸響鈴，香酥鬆脆，味道香濃！口感脆卜卜唔油膩！ 🥬特盛蔬菜拼盤 多種新鮮蔬菜的組合，包括嫩綠嘅蔬菜、番薯同蘿蔔等！ 🎋蜂蜜菊花烏龍茶 色澤透亮嘅烏龍茶，用左好靚嘅茶壺，清香又帶點甜，非常滋潤。 火鍋隨意門 📍地址︰銅鑼灣堅拿道西10號更多
去咗呢間以旅遊做主題嘅火鍋店，餐廳劃分咗用唔同國家做主題嘅座位區，氣氛裝潢截然不同。我哋就坐喺中國風嘅區域，中式木枱凳仲有屏風，環境舒適。可能因為位處銅鑼灣核心地段，價位本身唔算平，但勝在唔同時段都有折扣優惠。 秘製消暑椰漿雞濃湯鍋 $298 呢到有好多款唔同湯底揀，款款都好有特色，我哋就揀咗餐廳其中一款招牌雞湯底，用咗高質...嘅三黃雞熬製，雞湯呈金黃色，非常吸引，加埋大量椰子仲有椰漿，湯頭勁鮮甜兼夾有香濃嘅雞味同椰子味。未開始打邊爐之前飲一碗真係超窩心。而且雞肉都好嫩滑鮮甜。 蘋果木煙燻手切牛頸脊(細) $298 火鍋料方面當然唔少得牛肉，叫咗份牛頸脊，食落雖然冇咩煙燻味，但牛肉好腍嫩，油脂分布平均，肉香同油香並重。 牛舌片 $98 另外叫咗牛舌片，上枱嘅時候有乾冰營造出煙霧離漫嘅效果，打卡一流。牛舌片份量唔算多，但口感非常之爽彈冇筋。 餃子拼盤 $148 餃子拼盤有成5款餃子，款款多好有特色，好似蟹黃豚肉餃、黑松露蟹肉餃、白松露野菌豬肉餃、韭菜豬肉餃咁，而且餃子皮夠滑夠薄。最鍾意蟹黃豚肉餃，橙紅色嘅餡料勁吸睛，蟹黃味好香濃，肉餡實淨足料。 豐盛蔬菜拼盤 $128 蔬菜拼盤有好多款唔同嘅蔬菜，好似油麥菜、蘿蔔、娃娃菜、木耳、南瓜、蕃茄、金菇等等，非常豐富。 竹蔗茅根 $78 打邊爐當然唔少得要飲嘢，呢度嘅飲品配合返旅遊嘅主題，用一個地球儀形狀嘅壺去裝，非常有心思。我哋叫咗竹蔗茅根，清甜解渴又消暑，飲一啖咩熱氣都冇晒。 。 。 火鍋隨意門 (銅鑼灣) 銅鑼灣堅拿道西10號冠景樓1樓A室 。 。更多
創意十足的火鍋店，店內有四個不同國家作主題。食物方面，提供各國特色湯底及食材。今次我揀咗土耳其🇹🇷主題風格 🐓 養顏花膠筒濃雞湯鍋 ～ 招牌花膠雞湯鍋，每天新鮮熬 制，用上三黃雞，其皮脆肉軟，用慢火將雞骨煎香，再配合雞肉熬制而成，除了雞味濃郁之外，花膠 更含有大量骨膠原，最啱一邊打邊爐，一邊美顏。（ 不斷加濃湯，可以由頭...飲到尾👏🏻👏🏻） 🐂 手切頂級安格斯牛肉（細） ～每塊牛肉厚薄得宜，而且油脂分布平均，牛味濃郁👍🏻 🥟 餃子拼盤（10粒） ～韭菜豬肉餃、足料鮮蝦雲吞、西洋菜香菇豬肉餃、黑松露蟹肉餃、蟹皇豚肉餃😍 🥚 黃金雙拼（咸蛋魚皮、咸蛋響鈴） ～新鮮即炸，可以即食、或者放入湯底滾一滾😋 🥬🍅特盛蔬菜拼盤 ～ 一串串嘅蕃茄、白蘿蔔、南瓜，仲有金菇雲耳，娃娃菜、生菜、油麥菜 🍯 蜂蜜菊花烏龍茶 ～疏風明目，清熱解毒 ❄️ 店鋪冷氣充足，夏天打邊爐都唔會覺得好熱好焗。更多
🖤銅鑼灣·火鍋隨意門🖤 一入到去仿如去咗旅行咁空間好大 餐廳分開咗4個唔同區域 分別係日本🇯🇵法國🇫🇷土耳其🇹🇷中國🇨🇳 今次去咗中式宮廷風區角 充滿特色嘅裝潢 幾搞笑係中式設計但播緊英文歌曲🎶 🌈九宮格醬料盤 打邊爐必備嘅調味料 擺滿9格自己配搭 豉油配料辣椒比預期中辣 落一粒已經🥵 特別點名其中...一格係黑蔥油 油香味足 🌈招牌花膠雞湯鍋 $318 話明招牌湯底 真係唔講得笑👍🏻✨ 雞湯味濃郁香氣撲鼻熱辣辣 飲兩碗唔夠喉 仲有著住飛機師服飾嘅侍應 將啲大大塊花膠剪入雞湯😌😉 花膠厚身彈牙 唔似出面果啲會煮到爛晒 雞有半隻份量 兩人份量好滿足🥰☺️ 上枱時本身已經7成熟 入湯淥3-4分鐘就食得 又快又貼心🥹 🌈蘋果木煙燻手切牛頸脊 $298 口感爽嫩幾滑 油脂分佈均勻 厚身但唔會太鞋 帶有嚼勁 但味道較清淡 食到後期有少少似瘦肉片 🌈餃子拼盤 $148 一碟5款共10粒 黑松露蟹肉/蟹皇豚肉/韭菜豬肉/鮮蝦雲吞/西洋菜香菇肉 紅色係蟹皇豚肉餃 雖然偏鹹但好香蟹味 黑松露蟹肉濃厚黑松露 有啲蓋過蟹味 西洋菜香菇肉餃口感鲜美 鮮蝦雲吞嘅蝦夠爽口 味道正常 韭菜餃豬餃少鹹 多啲韭菜會更香 🌈牛黃喉 $98 比較特別嘅部位 係牛嘅血管 聽都覺得新鮮 口感鲜美 厚實而有彈性 色澤乳黄 勁道十足 🌈特盛蔬菜拼盤 $128 整體比平時嘅好食 煮得耐但仍然爽脆 蔬菜種類夠足 打邊爐要食返菜解下膩 娃娃菜/雲耳/蕃茄/金菇/生菜/蘿蔔/南瓜 特別係雲耳超級爽口 食到嗦嗦聲 仲有啲竹籤叉住 幾得意可愛 🌈竹蔗茅根 $78 味偏清淡但天然 唔會太甜生津解渴 食火鍋有啲熱氣 最啱用嚟瀉火解熱 造型盞鬼又方便 大大壺可以斟到幾杯 2人分享剛好更多
火鍋隨意門 (銅鑼灣) 📍銅鑼灣堅拿道西10號冠景樓1樓A室 嚟到銅鑼灣同女朋友行完街睇完戲，夜晚想要搵一間特別小小嘅火鍋店打吓邊爐，上網就搵到附近有呢一間好似幾出名🤩 火鍋店門面簡潔舒服，離遠已經見到入邊掛咗好多土耳其燈，感覺特別。入邊嘅牆壁同埋櫈，全部都係參照土耳其嘅設計，異國情調濃🥰 我地叫左消暑冬瓜瑤柱脯湯，...海鮮味濃，加上冬瓜和蝦煲湯特別鮮甜，一定要試🤤 手打芝心牛丸唔知算唔算係佢哋招牌菜？第一次食咁既牛丸，用新鮮牛丸包住芝士，咬落芝士滲出黎，好食到暈🤤😋 薩比利亞橡果豬都好食，肉質鮮嫩唔溜，肥瘦度岩岩好，推薦一試👍 打邊爐最後一定要食菜，我哋叫咗個蔬菜拼盤，消消油膩感，成晚食肉平衝一下🥰更多
趁住天氣仲涼浸浸， 小編就捉緊冬天嘅尾巴去火鍋隨意門打咗次邊爐😝餐廳環境充滿着土耳其嘅氣息，打卡一流 - 𝐅𝐨𝐨𝐝 𝐑𝐞𝐯𝐢𝐞𝐰 食評 ✍🏻 🥘招牌花膠雞湯（半隻） $318 湯底非常濃郁雞味，配上7-8塊厚身花膠同大半隻肥雞雞，火滾之後，小編飲咗一啖湯底，已經停唔到口，呢個招牌雞湯名不虛傳👍🏻 ...- 🦐特盛海鮮拼盤 $598 呢個拼盤包括 - 4隻扇貝 - 4隻飽魚 - 4隻蝦 - 4隻 - 4片鱔片 - 8粒蜆 價錢不過不失，勝在海鮮新鮮，各位西客自行決定試唔試啦🤩 - 🐮手切頂級安格斯牛肉 $398 呢份牛肉上到枱真係好surprise到小編， 影相打卡一流，而且亦都食到香濃牛味，食水亦都好靚，推薦大家食一份 - 🍹竹蔗茅根 $68 睇到呢個波形飲料，小編都打咗個問題，問咗侍應先知原來係竹蔗茅根，又係打卡一流嘅餐品，唔飲啤酒嘅西客亦都可以試吓，因為倒出嚟嘅形式好似倒啤酒咁，幾過癮🤩 - 小編仲叫咗正宗日本稻庭烏冬 （$38），同埋好多魚滑同丸，味道質感非常好👍🏻想食既西客可以試埋 - 成餐加加埋埋每人差唔多$400，價錢偏貴，可能小編得5個朋友仔又乜都想試下，味道同環境都係小編下年會再約朋友黎食既，各位西客唔洗驚會曬quota啦🫶🏻 - 📍火鍋隨意門 環境：🌸🌸🌸🌸 味道：🌸🌸🌸🌸 服務：🌸🌸🌸 -更多
喺餐廳門口就見到侍應一身機師衣著打扮，帶我哋去到餐廳較入位置坐低，我同朋友就好似穿梭左 隨意門 一樣，驚覺自己去咗土耳其！餐廳四周牆紙係土耳其熱氣球熱門場景，色彩鮮艷嘅圖騰藝術融入喺咕臣、器具、屏風等當中，仲用上土耳其獨特嘅馬賽克燈！喺度打邊爐真係賞心悅目！食物質素幾唔錯、擺盤又靚，飲品器皿、用杯，仲好有特色，非常適合打卡！ ...————————————————————————- ➺➺黑白滷水鴨血濃湯鍋$228 黑滷水味道特別濃郁，加入咗花椒、八角、桂皮、香茅等20幾種香料，仲有好多片彈牙完整嘅鴨血。白滷水用鹽調味，同樣加入咗10幾種香料，仲有大大件嘅豬肚絲！淥過食物吸晒滷水味，唔使醮調味料都夠晒味！ ➺➺日本廣島蠔$98 特大新鮮生蠔，隻隻都脹卜卜好肥美，多汁又鮮甜！ ➺➺手切A4和牛（細)$328 8大塊靚和牛，同樣擺盤都非常精美！牛肉雪花密度高，脂肪比例均勻，食落軟腍腍，又重牛味！ ➺➺墨汁芝心墨魚丸(4粒)$68 爽口彈牙，淥完入邊嘅芝士溶晒，一咬啲醬流晒出嚟，熱辣辣，冬天食更加正！ ➺➺珊瑚拼桂花蚌$148 鮮甜爽脆，用嚟打邊爐會食到佢本身原汁原味！ ➺➺鹹蛋黃炒響鈴$78 大大條非常香脆，喺其他火鍋店食過好味，呢間都有就再encore，一層厚厚嘅咸蛋蓉鋪喺上面，味道好突出，個人覺得比原味多分滋味！ ➺➺娃娃菜$42 特別吸湯汁，本身又鮮甜，所以打邊爐必叫！ ➺➺足料竹蔗茅根$68 好甜，份量多，重點係個容器好特別，係一個圓軲轆球體，接駁水龍頭位，可以自己開關斟嘢飲，有得打卡有得玩！ ➺➺土耳其檸檬花茶$48/土耳其藍莓花茶$48 食咗好多嘢飽飽諗住飲杯花茶消吓濟，隻杯、匙羹、杯墊，靚到好似藝術品咁，兩杯嘢飲都冇糖，但係有好濃烈嘅檸檬同藍莓味，結合埋茶味，飲落個人好舒服，感覺成餐好完滿！ ➺➺醬介$25 **加一服務收費更多
火鍋店都可以打卡📸?! 香港人嘅創意就係咁意想不到🤔，火鍋店分別分為4個不同🌐國家主題餐區，包括 中國、日本、法國、土耳其，今次特別為咗🌌土耳其風而來，好magic好surprise🤩! 整個餐區都感受到滿滿嘅🎭異國風情，以熱氣球🎈升空作為牆身，一盞盞五光十色吊燈🔮、以至擺盤都別具土耳其風，非常igable😍!...! · 🐓花膠雞鍋（半隻雞） HKD$298 店員會幫手將🤩花膠剪開放入雞湯鍋內，花膠大約煮15分鐘就食得啦，係滿滿嘅骨膠原呀😍! 雞件約煮3分鐘即快快夾起佢，🐥雞肉嫩滑香鮮，湯頭金黃色好💛鮮甜，打邊爐前記得飲返啖雞湯🥣滋補下呀。 · 🍎蘋果木煙燻手切牛頸脊（細） HKD$298 完全估唔到牛肉都咁igable😻，店員會喺你面前現燒🔥蘋果木，煙燻💨視覺效果好吸引！經煙燻後嘅蘋果木香氣四溢😚，融入手切牛頸脊內，牛頸脊🐂多咗一分甘甜蘋果木香氣，又香又具咬口，推薦😋~ · 🐡新鮮蟶子皇 HKD$198 蟶子皇都幾大隻，肥厚肉彈😙，淥熟咗都keep到爽嫩口感👍🏻。 · 🐚珊瑚蚌拼桂花蚌 $148 好新鮮，色澤好靚☺! 口感爽彈。 · 🦑墨汁芝心墨魚丸 HKD$98 手打墨丸充滿口感🤤，咬開係半流心芝士汁🧀，仲食到粒粒墨魚肉。 · 🐟黑松露墨魚滑 & 手打蟹子蝦滑 HKD$128 煙燻視覺效果充滿仙氣🤗，手打滑爽口彈牙，幾款手打滑可以揀雙拼/三拼。 · 🌏足料竹蔗茅根 $68 用透明地球儀裝盛，好啱打卡🤩! 竹蔗茅根入口清甜，份量充足夠2個人share，打邊爐飲佢可以清清熱😌。 · 📍火鍋隨意門 銅鑼灣堅拿道西10號冠景樓1樓A室更多
今日去左間有隨意門既鋪頭，由機師店員帶我地周圍去😆😆 招牌花膠雞湯鍋 ($398) 一隻 勁大份既花膠扒，仲要有好幾件，店員細心幫我地剪開煮左花膠先，食完飲湯再落雞，湯底好濃好好味😋😋 本地牛頸脊 細份 ($268)🐮🐮 伊比利亞橡果豬 ($168)🐷🐷 豬頸肉 ($58)🐽🐽 肉類擺盤全部都好靚，仲有佢...地既名添，手切牛頸脊肉味夠濃好正，伊比利亞豬肥瘦均勻幾好食，豬頸肉就正常口味，擺得好靚既花花🌺🌹🌹 三拼魚滑 ($148) 蟹皇豚肉餃 ($78) 三併魚滑就可以試哂全部款，黑松露味夠香，瑤柱乾貝滑有絲絲瑤柱特別又好味，蟹子蝦滑同其他一樣咁彈牙😚😚 黃金雙併響鈴魚皮 ($98) 兩樣邪惡食物一齊加上香濃既咸蛋黃，整個都勁香勁脆，一上枱就忍唔住偷食魚皮了😛😛 蔬菜拼盤 ($78) 蔬菜款式夠多，食左咁多肉梗係要食返d 草啦🤣🤣 竹蓆茅根 ($68) 用地球儀裝既飲品好特別，咪睇佢細細個，都裝到好多杯，成枱人share 都夠哂😆😆更多
火鍋隨意門👻 有冷氣真係偉大發明 一年四季都可以打邊爐 黎到銅鑼灣依間隨意門 多野食到真係可以隨意揀 實啱你食🥰🥰 . 🔅 招牌花膠雞湯鍋 HKD 398 招牌就當然要試吓啦 佢啲花膠超級大塊 店員會幫我哋將花膠剪開 一件件放入個鍋入邊 提我哋食完花膠之後先再落雞 啲花膠好多骨膠原好漿口🤩 🔅手切本地牛頸脊HKD... 298 大大盤嘅牛頸脊 啲雪花紋好靚又擺得好好 放入鍋唔使10秒就轉晒色食得 好濃嘅牛肉味好正啊🤤 🔅依比利亞橡果豬 HKD 168 橡果豬肉片一樣都擺得好靚 薄薄地咁易熟又唔會韌 咁嘅價錢有咁多塊好抵食 🔅豬頸肉 HKD 58 連豬頸肉都擺咗花形 真係好有心機 食都食得開心啲 豬頸肉都幾爽口唔錯唔錯 🔅魚滑三併 HKD 148 黑松露墨魚滑 瑤柱干貝滑 手打蟹子蝦滑 三併可以試晒三隻味又抵食 啲滑好彈牙又夠足料 特別鍾意個黑松露 好香好重味😉 🔅黃金雙併響鈴魚皮 HKD 98 其他地方食唔到嘅響鈴魚皮 佢哋加咗鹹蛋黃落去炸 新鮮炸好 拎嚟打邊爐真係一流 🔅蟹皇豚肉餃 HKD 78 🔅雜菜拼盤 HKD 78 🔅竹蓆茅根 HKD 68 . 整體黎講: 高質火鍋 靚料好味😚 . 🎈 火鍋隨意門 (銅鑼灣) 銅鑼灣堅拿道西10號冠景樓1樓A室更多
