潘瑋柏被嘲肥到冇頸 　嬲爆連環出Po：有人腦子有問題

台灣天王潘瑋柏因戲劇《麻辣鮮師》打開知名度，之後轉戰歌壇嘅佢成績同樣亮眼，而近期喺內地舉行《狂愛巡迴演唱會》嘅佢，就被網友認為「愈來愈大隻」，甚至連頸都冇埋，對此潘瑋柏亦高EQ自嘲回應，不過隨着事件愈演愈烈，日前潘瑋柏竟然罕見動怒，喺社交網暴怒道：「有些人真的腦子有點問題…以後別怪我不客氣了！」、「很好笑嗎？你很幽默嗎？」雖然事後已經刪走相關Po文，但仍然被唔少網友截圖分享。

事實上，向來出名好脾氣嘅潘瑋柏，早前開騷雖然被網友指成個人唔止腫咗成圈，甚至連頸都冇埋，而潘瑋柏亦幽默回應暴肥傳聞：「感謝大家對潘瑋柏『厚』的厚愛！」