獎門人｜郭佩文疑遭梁競徽鹹豬手被「胸襲」後即時雙手護胸網友促男方道歉！

By Macy Sun on 14 May 2024

《獎門人感謝祭終極篇》日前播出本季最後一集，獎門人曾志偉率領歷屆獎老大晒冷，包括錢嘉樂、林曉峰、阮兆祥、金剛、麥美恩、林秀怡和林正峰。然而當日節目播出後，就被網友指出嘉賓之一的新一代「性感擔當」郭珮文(Juliana)，玩爭櫈仔時疑遭梁競徽鹹豬手「胸襲」，引起熱議！

Photo from TVB 圖片

Photo from 郭佩文IG

Photo from 梁競徽微博

在日前《獎門人感謝祭終極篇》「開心無敵爭櫈仔」的遊戲環節中，郭珮文與梁競徽等另外5位藝人進行比賽，直到剩下最後3張櫈仔時，就有網友發現畫面中梁競徽在爭櫈仔期間，左手拍到Juliana的胸部，但梁競徽未有即時縮開手，而Juliana卻立即用手撥開，並掩胸坐在地上，露出尷尬笑容不知所措，而梁競徽最後成功搶到櫈仔。

Photo from 節目截圖

有網民看到畫面，都替Juliana大感不值，甚至有網民把該畫面以慢動作播出，見到梁競徽的確有兩度用手拍落對方胸部直言梁競徽是「鹹豬手」，「即時用手擋，抽水抽到咁X明顯。」、「好唔自然隻手d動作」，更有網民認為梁競徽應該是清楚知道身旁的是Juliana，理應特別提高警覺，並認為梁競徽應要向Juliana道歉。

Photo from 節目截圖

不過同時亦有人認為梁競徽此次只是無心之失，「一定係唔小心」、「一定係唔小心，畀隔離嗰條友推咗落去。」、「玩得呢啲game就預左啦」、「個男人失緊重心都唔知佢隻手掂到啲乜野，咸乜鬼豬手。只能說意外」

Photo from TVB圖片

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

開心無敵獎門人｜兩對前度尷尬同場！王浩信蔡思貝再同框！胡定欣要同前男友馬國明啜乒乓波？

2 Mar 2023

TVB《獎門人Ladies First 感謝祭》日前拍攝請嚟《廉政狙擊》及《隱形戰隊》兩隊演員作為嘉賓，不過當中就衍生出兩對關係尷尬嘅「前任」同場，王浩信同前緋聞女友蔡思貝同隊同框，胡定欣仲要同前男友馬國明玩game，搞到佢要諗橋拆招！

Photo from TVB 娛樂新聞台 YouTube

《獎門人》又再返場

年頭宣布停播嘅《開心無敵獎門人》，繼早前農曆新年期間與「鄰住買」推出《獎門人新春感謝祭》大賺後，今次再就婦女節添食一集《獎門人Ladies First 感謝祭》，日前拍攝就請嚟《廉政狙擊》及即將播出嘅《隱形戰隊》演員對戰，《廉政狙擊》有王浩信、黃宗澤、吳卓羲、胡定欣、蔡思貝，而《隱形戰隊》就有馬國明、陳山聰、劉佩月、劉穎鏇等人。《獎門人》返場，觀眾固然開心，仲有得為兩套劇宣傳。不過唔知係有心定無意，今次兩隊演員人馬齊集就造就咗兩對關係尷尬嘅「前任」喺當中，分別係同隊嘅王浩信同曾經嘅緋聞女友蔡思貝，以及馬國明、胡定欣呢對昔日戀人。

Photo from TVB 娛樂新聞台 YouTube

同框王浩信同蔡思貝極力避嫌

去年被傳與太太陳自瑤離婚嘅王浩信，即使已成人夫，婚後仍緋聞不斷，被指偷食黃心穎、江嘉敏等圈中人士，其中一個就是蔡思貝，有指二人因劇集《踩過界》撻著，當時兩人被爆於VIP房撐枱腳打邊爐，又被拍到王浩信踩到女方家中過夜，雖王浩信事後否認並得到太太護夫，但有指陳自瑤對蔡思貝極為不滿，私下要求日後有飯局聚會嘅話就唔好同時請蔡思貝，又向監製明言，唔好同對方喺同一套劇出現！事隔多年，今次王浩信同蔡思貝再次同劇、同框，昨晚錄影前，無線新聞台於後台直播，鏡頭中二人未有眼神、肢體接觸，分開男、女兩組受訪，即使係同隊嘉賓合照中間亦隔咗個人，影完相即刻分開兩邊走。

Photo from TVB 娛樂新聞台 YouTube

胡定欣要同前男友馬國明啜乒乓波？

不過，相較同隊嘅王浩信、蔡思貝，馬國明、胡定欣呢對舊情人就冇咁好彩，兩人因舞蹈真人Show《舞動奇跡》結緣，2009年公開戀情嘅馬國明、胡定欣，當時拍拖好高調咁一齊返工放工，不過有指胡定欣嫌馬國明份人太悶，所以拍拖1年多就分開。雖說兩人再見亦是朋友，就算同場都零尷尬，但今次《獎門人》喺「開心無敵啜乒乓遊戲」中，胡定欣被安排同舊愛馬國明鬥啜乒乓波，胡定欣當刻就好警醒咁擺手拒絕，要求換人，最後由吳家樂頂替馬國明，成個情景真係隔住個mon都覺得尷尬！