神耆小子丨鄭則士扮熊公仔「捉姦」嬲爆走人 樊亦敏劇透吳子冲有半裸場口

TVB新劇《神耆小子》飾演Rose姐嘅樊亦敏及「小鮮肉」吳子冲相處非常曖昧，令周邊嘅人懷疑二人關係，老闆「錢大海」鄭則士（Kent哥）更扮熊公仔去捉姦，目睹二人一齊現身宴會直情嬲爆走人。

鄭則士指拍攝當日氣溫38度，笑指減肥焗汗係OK，冼靖峰感謝Kent哥教咗好多嘢，Kent哥話同冼靖峰溝通得幾好，二人並冇代溝，而樊亦敏好興奮有小鮮肉在旁，佢希望吳子冲拍戲有進步，吳子冲坦言拍攝氣氛好開心，令佢冇咩壓力，樊亦敏亦劇透吳子冲接下落嚟嘅半裸場口好有賣點。