獎門人感謝祭終極篇 有片重溫大結局 5 大重點 3組嘉賓陣容澎湃
獎門人最後一集大結局 3大組嘉賓陣容澎湃!
今集有3大嘉賓組合,就連觀眾席上的來賓也甚有看頭,三隊分別係:
1.「獎門人身體健康」隊的苗僑偉、葉子楣、謝天華、黃翠如、陳山聰、洪天明、朱晨麗和梁競徽
2.「中年好聲音 2」隊的古淖文、譚輝智、顏米羔、陳俞霏、林若盈、陳蒨葶和王玥
3.「福祿壽訓練學院」隊的王祖藍、李思捷、陳懿德、郭珮文、林妍、陶大衛、彭建豪、趙頌宜、伍韻婷、林樂熙、莫家淦、黃建東、周百恩、陳柏曦、鄭詠謙、湯卓堅、趙亮昭、吳兆麟、劉倬昕、麥嘉欣、蔡景行、黃潤成、馮彥中、梁山山、關嘉敏、郭浩皇和葉泓聲。
今集嘉賓人數眾多,現場氣氛十分熱鬧,早年已坐擁「最強 Body」銜頭的子楣姐,原來是首度參與《獎門人》,她甫出場即向大家撒嬌:「今晚好開心,我係第一次嚟獎門人,大家真係要手下留情!」
「開心無敵啜乒乓」58歲子楣忘情伸脷
首個遊戲「開心無敵啜乒乓」笑料十足,處女下海的子楣在啜乒乓波時忘情伸脷,十分落力;同樣有「最強 Body」之稱的郭珮文則貫徹天然呆本色,歎慢板慢動作啜乒乓,樣子搞笑。
郭珮文PE衫上陣男嘉賓即踴躍爭住出
之後上演 1Vs1對決,以 PE 衫亮相的郭珮文打頭陣率先上場,一眾男嘉賓即踴躍爭住出戰,三哥苗僑偉搞笑地說:「呢啲梗係等隊長嚟啦!」相反輪到陳懿德上場時,大家卻一面嫌棄。到子楣姐上陣時,與她對啜的祖藍開心搞笑謂:「子楣姐,我等咗 40幾年呀,就係等呢一刻!」
黃翠如負傷上陣高叫「推阿婆落山」
「開心無敵私人醒」中,負傷上陣的翠如 BB 搶盡焦點,其中一個題目「心儀對象做啲咩你會完全冇 feel」,翠如 BB 挑戰道德底線接連說出:「推阿婆落山」、「推阿公落山」和「推阿妹落山」,看不過眼的祖藍說:「你究竟係跌親隻腳定跌親個腦呢?」笑爆全場。
「開心無敵開口中」洪天明囝囝落場
「開心無敵開口中」戰況同樣激烈,一眾嘉賓玩到齊齊變 Cream 人,天明仔仔亦有落場玩埋一份,更大膽向獎門人掟 Cream!
「開心無敵爭櫈仔」洪天明 VS 陳蒨葶
46人一同上陣爭櫈仔,首回合大家已經玩到人疊人,場面非常墟冚。之後「遊戲魔人」洪天明與陳蒨葶上演1對1決戰,人仔細細的蒨葶表現異常兇狠,最終戰果又是如何呢?
最後一集大結局麥美恩爆喊答謝獎門人
王祖藍感性感激獎門人來到本季最後一集尾聲,獎門人與一眾獎老齊齊分享感受,獎門人說:「呢 29 年好多謝大家一直支持我哋。」感性的麥美恩爆喊說:「好多謝獎門人,《獎門人》係影響咗全球華人,我都係其中一個,好多謝可以畀我參與呢個節目。」
曾為獎老之一的祖藍亦感性地感激獎門人:「勾起咗好多回憶,記得當初我嚟到《獎門人》時,我係完全唔識講嘢,獎門人當時係特登度咗形體題畀我,畀我一步一步進入呢個節目,好多謝獎門人。」