遲post好過唔post😎 分享番5月12日嘅母親節大餐，選擇咗位於尖東嘅千禧新世界香港酒店自助餐-Cafe East，曾被飲食界KOL Alfred評為「最好嘅自助餐」，一於黎試試佢😆 晚餐自助餐時間為六點半至九點半，因為節日關係當晚沒有做任何折扣優惠，如果係酒店會員平時會有買二送一優惠。 先講service，員工服務態度...好而且有禮👍🏻當晚人手尚算充足，收碟速度都快。 跟著講吓環境，俗語有話「麻雀雖小 五臟俱全」正正可以形容佢哋嘅buffet table，雖然攞食物嘅地方一眼睇晒，但是都清晰知道凍盤區、中西式熱葷等等區域。 至於食物，質素不過不失，可以話係重質不重量，最正係甜品區😍款式花多眼亂，細細件可以攞多幾款開心share😝 黎到重頭戲，適逢母親節出面啲餐廳可能會送枝花🌷比媽媽們，但係佢哋竟然為每一枱客人影即影即有📷並附上心意卡(聽講佢哋啲卡張張款式都唔同，全人手繪製🫶🏻真係要比個like👍🏻)今個母親節真係好難忘🫰🏻 總結： 性價比極高，整體貴精不貴多，值得再嚟。更多
整體都不錯算了！馬可波羅自助午餐有4種雞肉任選，而東咖啡廳則有4種魚（蒸煎焗等），各有千秋！最欣賞的是蒸魚。薄印度餅太油了！沒有西餐或披薩！馬可波羅有。可惜的是沒有粥品！有中西式湯，不錯！有牛柳，燒肉。有粉麵食，可惜沒有魚片魚蛋！有蟹，壽司，生魚片，有沙律！也有新鮮熱菜芯，好！東咖啡館有炸雞，豬扒等。有甜點，雪糕。最受歡迎的甜點...是燉馬鈴薯、蘋果醬塔、夠熱、皮脆及柳橙慕斯蛋糕！太多朱古力蛋糕，太沉悶了，多麼不好的！其他CAKES & BERRIES CAKE就沒有，而marco polo沒有，多款式，值得讚！ 午助午餐價錢還算可以，一個月後會帶朋友去東邊的咖啡館再重複一遍，希望有改善！馬可波羅和東方千禧咖啡館值得再去，不錯！ 週邊環境、衛生及服務態度都很好！更多
早幾日同朋友一齊去左呢間餐廳食Lunch Buffet，我自己就第一次去，我朋友之前去過既，今次特登介紹我同幾個朋友一齊泥食坐低傾下計聚下餐。 野食都唔多講啦款式都算幾多(以lunch buffet泥講)，好味既...d野食唔會話太濃太淡。😋 職員服務態度好好👍🏻，一叫就有人應答，都幾有禮貌收碟都快，不過有時會快到我手...拎住食緊個包就已經收左隻吉碟(其實我隻碟仲想要，不過佢拎起左我就費事叫人放反底，自己出去再拎過隻新既算)😂 同埋一入坐職員就好主動咁同我地講今餐buffet係包左一d汽水橙汁啤酒可以任飲要唔要泥一杯先(可能見我地係度抹汗)，飲品都好快送上枱。 Overall服務算係幾好唔錯既👍🏻，唔似其他一d酒店餐廳無乜人手收碟，擺到成枱都係又呼天不應叫地不聞咁。呢樣千禧做得幾好。 不過唔知係咪呢間酒店好著重環保呢，我真係一路食一路出汗，唔係好覺得有冷氣咁，問職員可唔可以較大少少冷氣佢話酒店係中央冷氣無得較🥲，餐廳設計係開揚既，通風可能係幾好，不過呢幾日天氣好鬼死熱，地址又唔算超級近地鐵站，行到過泥其實真係好熱...身水身汗，諗住酒店冷氣會涼d，點知都係食到一身汗。🥵唔敢諗坐近窗邊d人會有咩感覺！ 少少建議啦...我見出面街外既一d餐廳唔夠冷氣都可能會裝反一座郁得既吹風機，我仲見到有職員企埋一邊偷偷地拎紙巾抹汗，見到都戥佢地辛苦。(因為佢地制服係長肘衫加件圍裙) Buffet係算幾抵食既，聽講呢排都仲做緊買2送1優惠，不過要首先電話要Download個App做member 先有呢個優惠囉。 咁我朋友自己已經係member啦！我自己都有興趣Join既，佢話Join左member之後，酒店內其他餐廳都會有唔同既優惠member都可以享用到，不過Join完之後，職員同我講原來要48小時先正式生效，其實都幾搞笑，點解唔係一入哂資料就已經證明做到member呢??仲要經過d乜野審核??🤔平時上網買野or平台登記果d都係一入data就已經開通架啦...呢個真係諗唔明😅 整體泥講餐廳服務同食物都幾好既，環境就麻麻地喇。咁我都會介紹朋友去試下既。不過我會建議食Dinner可能會好少少，因為無太陽可能會涼少少咁啦(未試過唔知) 今次小教訓，天氣熱去食Lunch buffet唔好prefer酒店會有好涼好夠冷氣，記得自己帶定把扇或者風扇仔去食！至少唔洗食到成身汗。更多
[三訪Café East，甜品依然出色🥰] 趁住爸爸👨🏻🦱生日，又可以有藉口食餐好🤭 上年試過佢地的午市自助餐，今年年頭又食過早餐Buffet, 真心覺得唔錯，今年再戰睇下質素有冇變先😉 中午自助餐平日每位$4️⃣3️⃣8️⃣（公眾假期除外），「嘗薈」（免費入會）享買二送一（或每位7️⃣5️⃣折）優惠，由中午1...2點食到2點半 一家3️⃣口剛剛好可以享用到買二送一😌 餐廳環境清幽，座位寬敞舒適 佢地每一款食物都有名牌架❤️ 提供食物種類豐富 有沙律🥗，冷盤前菜，凍海鮮🦐🦀，Cold Cut 🧀, 馬來肉骨茶，刺身，點心，中式湯粉麵🍜，印度菜，爐端燒，天婦羅，中式小菜，燒味，西式熱食，鐵板燒，中西湯品🫕，甜品🍮，水果等 🔹沙律菜，冷盤前菜及水果： 沙律菜新鮮，羽衣甘藍尤其突出 冷盤試左酸辣鳳爪，鳳爪好厚肉夠爽口，惟味道偏酸😹 水果有西瓜，哈蜜瓜同菠蘿；菠蘿水份夠而且幾甜 🔹凍海鮮： 識食麵包蟹就只食蟹蓋😎蟹膏甘甜鮮味🤤 蟹鉗夠大隻厚肉，肉質爽口蟹味夠 凍蝦口感唔錯，惟蝦味欠奉😛 仲提供小龍蝦 🔹 Cold Cut: 只試了幾款芝士，有Smoked Cheese, Brie, Blue Cheese同Emmental 恕我唔太識欣賞，感覺幾款芝士都不合口味🫣 仲有幾款Salami, 冇左煙三文魚😢 🔹刺身： 提供三文魚，吞拿魚，希靈魚同玉子 三文魚鮮味一般，口感偏腍 希靈魚新鮮冇腥味，魚籽粒粒分明👍🏻 🔹點心 魚翅餃，排骨同鳳爪質素皆一般 另提供奶黃包 🔹印度菜 白汁雞肉水準一般，肉質偏乾 辣羊肉辣味夠，惟羊味不突出 印度烤餅加了蒜香，口感同味道俱佳🫶🏻 🔹爐端燒： 牛柳串牛味一般，肉質有嚼勁，醃料偏甜 多春魚質素正常，燒得夠香口👍🏻 另有雞翼，秋葵，雞肉等 🔹中式小菜： 比目魚夠滑，有淡淡的魚香 芥蘭及荷蘭豆新鮮，味道恰到好處 牛柳牛味不錯有嚼勁 蝦球夠爽口但蝦味較淡薄🫢 蟹鉗入味，肉質唔霉 🔹燒味： 叉燒非常有驚喜，蜜汁夠香，肉質夠嫩又有嚼勁😋 雞同燒鴨皆水準以上，燒鴨好香 🔹西式熱食： 酸甜豬頸肉夠入味，肉質爽口 芝士蒜香雞柳又係好夠味，不錯👏🏻 牛柳夠牛味也有口感 即燒脆皮燒肉表皮香脆，惟肉質偏"鞋"而且唔夠入味 🔹鐵板燒： 三文魚燒得香口，油脂感極豐 和牛牛柳則較遜色，牛味一般，肉質偏乾🫤 🔹湯品： 菠菜湯菜味濃，質地creamy 🔹甜品： 差不多所有甜品我都試哂，係咪好恐怖🤣（每件都同媽咪一半既😆） 佢地的甜品全部細細件真係可以試好多款🥰 Movenpick 雪糕有3️⃣款味，Haagen Dazs 有5️⃣-6️⃣款味 我食左⬇️ 🔺柚子慕絲蜂蜜蛋白杏仁蛋糕 🔺椰子菠蘿慕絲 🔺焙茶黑豆磅蛋糕 🔺朱古力芝麻慕絲 🔺栗子蛋糕 🔺烏龍茶奶蓋杯 🔺冬瓜茶啫喱 🔺鮮果撻 🔺芒果布甸 🔺朱古力櫻桃意大利奶凍 🔺日式厥餅 🔺窩夫 🔺即製芒果吉士班戟 🔺鮮奶蛋白 🔺焦糖燉蛋 🔺蘋果金寶 🔺藍莓芝士蛋糕 🔺芒果慕絲 🔺朱古力撻 🔺Movenpick Espresso Croquant 🔺Haagen Dazs Matcha Green Tea 其實都冇乜邊款特別差🥳 如果講唔推介有⬇️ 窩夫偏硬，冇乜香味，算最差的一款 焙茶黑豆磅蛋糕，口感偏乾 鮮果撻，唔特別 芒果布甸質地唔夠挺身 芒果慕絲偏甜 Matcha 雪糕抹茶味好淡 最驚艷係⬇️ 椰子菠蘿慕絲，超香的椰絲味 烏龍茶奶蓋杯，茶味極濃同芝士好夾 日式厥餅，口感煙韌甜度適中 鮮奶蛋白，夠香又唔甜 即製班戟，pancake 勁香蛋味，連餡料一齊食極滿足 Espresso 雪糕，超級香濃咖啡味，質地夠滑 整體用餐體驗滿意，食物種類豐富，質素以Buffet 黎講算唔錯，冇邊樣係特別差 甜品款色夠多，質素上佳🥹 員工服務態度屬合理水平 每人平均都係$3️⃣2️⃣1️⃣，以5️⃣星級酒店黎講算抵食 黎緊兩日要節制下咯😮💨更多
很久未嚐過這麼豐富的自助晚餐：美味的焗龍蝦、各色各款的甜品。雖然面對疫情，但難得一次與朋友放寬心情去品嚐美點，所以理不了這麼多！
bellbell877您好，謝謝您分享是次美好的餐饗體驗。能夠得到閣下的讚賞及對餐廳食品質素的良好評價，我們感到十分榮幸。我們期待歡迎您重臨，再次為您帶來稱心難忘的體驗。謝謝，總經理，韋哲仁
9/8（二）平日食晚餐自助餐，想盛讚酒店餐廳願意派足夠員工服務顧客，員工主動、態度好及有禮，不論各部廚師或侍應，因很多酒店buffet都唔夠人手，甜品、冷盤、熱盤都係放得一個人，食客要等好耐先可取食物，但這裡真的做得好👍，甜品部有3至4個廚師，冷盤有兩三個，熱盤最多廚師。這裡會不斷refill，令大家安心，不會見到食客搶住取食...物。Dinner buffet雖然沒有生蠔，但有源源不絕的龍蝦，另熱食及甜品很好吃，推介甜品。更多
700460您好，謝謝您分享是次美好的自助餐餐饗體驗。我們很高興得悉閣下對餐廳食物質素及員工服務留下良好印象。再一次謝謝您的讚賞，我們期待歡迎您重臨。總經理，韋哲仁
Café East (尖沙咀) 📍 尖沙咀麼地道72號千禧新世界香港酒店1樓 久違了的自助餐，今次黎到位於尖沙咀千禧新世界酒店🏨Staycation package 包雙人用自助早餐🥣、自助午餐、房內下午茶🫖同一晚住宿，都係人均1000 蚊，十分抵玩😍。 Cafe East 環境闊落，座位相隔算幾開，枱與台之間有一定距...離，食得安心。 沙律🥗：新鮮雜菜生菜、蕃茄仔、粒粒飽滿粟米🌽粒，仲有超健康羽衣甘藍🥬、仲有紅菜頭同藜麥、已調好味既蟹肉吞拿魚蝴蝶粉，整體好高質。 刺身：三文魚🍣、希靈魚、吞拿魚、非常優質新鮮，至少有四款刺身，仲可以有酸姜配搭，不錯👍🏽。 中式粉面有車仔面、唔夠飽可即場享用自選配料車仔面，仲有山竹牛肉、燉湯，老人家都啱食。 海鮮類：非常彈牙海蝦、比較細粒嘅清甜青口、仲有好少見到既小龍蝦🦞隻隻都鮮甜爆膏😍面包蟹略嫌細隻，但鉗位都實肉，是但食幾款都好回本😆 印度🇮🇳區：牛油🧈雞肉配蒜蓉烤包，媲美坊間正宗印度咖喱🍛，香辣惹味，重點係要試下姜味濃印度奶茶☕️好特別。 熟食區：廚師即場處理鐵板燒，和牛牛扒、三文魚🍣羊架，熱辣辣高質，仲有炸豬扒天婦羅🍤連烤羊髀都有，唔可以錯過嘅係職場切肉眼牛扒，肉味香濃，齒頰牛香！ 最驚喜竟然提供汽水🥤，橙汁任飲。 方面綠茶🍵芝士奶凍、窩夫🧇、芒果布甸、鮮果撻、黑森林卷等，樣樣甜品都好有心思，仲有哈根達斯雪糕🍦，必食維記榴連味雪糕🍦，啖啖榴連香，不得了。 總結： 非常抵食自助午餐 性價比極高 唯海鮮款式可再多點 地方不大 整體貴精不貴多 #尖沙咀#千禧新世界酒店🏨#西餐廳#自助午餐#窩夫🧇#奶凍#性價比高#貴精不貴多#汽水橙汁任飲#精緻甜品🍮更多
新年喺千禧新世界酒店同家人staycation，剛好package包自助午餐及早餐，知道佢哋嘅自助餐好評如潮，今次特登嚟試吓。由於防疫關係，每枱食客旁邊都有透明膠板擋住，而且將自助餐廳對面餐廳的位置也開放比食客坐，用餐環境非常優雅寬敞。 自助午餐非常豐富，今次以韓式食品做主題，種類繁多，有多款刺身如吞拿魚、三文魚、迷你刺身丼，...海鮮有麵包蟹蟹蓋、小龍蝦、青口，但係蟹蓋要特登問餐廳師傅攞先有。 鮑魚雞湯真材實料，真係食到鮑魚㗎！ 好多食客排晒長龍，爭住食即燒韓式和牛及羊架，仲有多款風乾火腿、芝士及煙三文魚，其中餐廳整嘅各款法式麵包最出色，佢哋嘅麵包師傅好有水準👍🏻👍🏻👍🏻 餐廳有專門做印度菜嘅師傅，自助餐區嘅印度咖喱同薄餅都唔錯，最有特色嘅係印度奶茶，又甜又辣又香又滑有玉桂香，一試難忘，好特別😋😋😋 餐廳嘅甜品有質素，有好多選擇，抹茶慕絲表面有一層奶蓋，輕飄飄的，又唔會太甜，其他餐廳都未見過呢款甜品，還有抹茶芝士蛋糕、幾款Häagen-Dazs雪糕、乳酪雪糕機，及榴槤雪糕等，水果亦都非常新鮮，餐飲如可樂、果汁等也是任點任叫的，熱嘅餐茶就只有一杯。這個午餐自助餐原價都係每人$300幾，整個自助餐環境、食物質素、種類都係上乘，係高CP值嘅自助餐，好想下次再去食😋 但第二日食佢嘅自助早餐，明顯失色，種類比起其他酒店嘅自助早餐少好多，有日式煎魚，但係就冇米飯，印度食物也沒有了，連早餐常見嘅朱古力類蛋糕也沒有，真的有點失望，雖然如此，但麵包仍然非常好吃，可惜早餐時間由早上7點到10點，好早完結，要早啲起身食。更多
這已不是第一次到這吃自助晚餐, 由於價錢合理, 及食品種類豐富, 所以再次選擇這裡. 由於疫情關係, 枱跟枱之間, 有足夠之距離, 令大家不用太貼近. 至於食品, 大多是合適不同人選擇, 一定吃飽飽離開. 員工方面, 也是很有禮貌, 令整個晚上都很開心
LAWWU您好，感謝閣下抽空與我們分享用餐體驗。我們很高興得悉閣下對我們的餐廳食品質量及服務留下良好印象，並希望再次歡迎您重臨，為您提供更稱心的美饌體驗。謝謝，總經理，博瑟
自助晚餐買2送1計返每人約$400，便宜而且食物的質素很好。中湯，天婦羅，伯爵奶茶凍尤其令人滿足。順帶一提自助餐大堂的服務員Gigi的服務態度很好和盡心。食完燒螺後女兒想把桌上的螺殼拿回家收藏作記念，服務員Gigi幫忙問相關的負責人後並特意清洗乾淨並用紙袋包好奉上，實在是意外的驚喜。
Jason您好，感謝您分享是次美好的餐饗體驗。我們很高興知悉您們歡度了充滿驚喜的自助晚餐，並已向餐廳同事傳達閣下的表揚。再次感謝您的讚賞及分享，我們期待很快歡迎閣下重臨。謝謝，總經理，博瑟。
