日韓台歐租Wifi蛋大比拼！聲稱4G上網都可能有隱憂！

雖然經過深水埗會見到好多一插即用、價錢又平的數據Sim Card，但Wifi蛋仍然是好多港人「返鄉下」時上網的首選。價錢方面，幾間供應商的差別不大，基本日費而言就以Crazy Egg同Wifi Egg最平，只需要$22/日。

不過，如果大家選擇去二、三線城市深度遊的話，要留意當地網絡未必好完善，平Plan可能會影響速度。例如爽Wifi就提供「市區首選」同「偏遠地區」兩種選擇，價錢相差接近一倍($28 VS $48)，要小心選擇啊。

快閃台灣，租Wifi蛋可算是最抵用，基本上所有Wifi蛋都為當地提供無限上網。Crazy Egg的基本收費算是平絕幾間主要的Wifi蛋供應商，每日只需要$13 。

以WifiBB為例，有兩個Plan可揀：用遠傳電訊的要$35/日，用其他電訊商提供的網絡就平$10，網絡質素當然一分錢一分貨啦。

韓流大熱，去韓國旅遊的港人人數近年迅速攀升！值得一提的是，韓國近年的科技發展十分強勁，隨時超越日本。所以當地的互聯網絡十分完善，遊韓時不需要太擔心網絡的質素。

絕大部份Wifi蛋都用韓國LG U+的4G網絡(除了WifiBB，日費$25的輕量版Wifi蛋並非用LG U+，如果要選用LG U+就要$35/日)，下載速度最快去到73 mbps。唯獨係維訊數據的Wifi蛋聲稱最快可以去到100mbps，而價錢亦是最貴。

歐洲國家太多，網絡的質素亦都比較參差，所以租Wifi蛋的玩法比較複雜。在考慮價錢之前，先要留意Wifi蛋可能有數據用量限制。例如WifiEgg每日首500mb是行4G，及後就要限速至3G；爽Wifi 、維訊數據就聲稱無限4G。

另外，租Wifi蛋時要小心睇清楚覆蓋範圍是否已經覆蓋你的目的地，以免租了Wifi蛋都得物無所用啦。考慮完以上兩點，最後才應考慮價錢。

1. 以上列出的價錢都係基本的日費比較，單比拚基本日費未必反映到邊間Wifi蛋最抵用。例如大部分供應商都會提供Early Bird優惠，如果已經好早決定行程，都建議盡早落單；另外亦都建議多留意信用卡優惠或者買幾送一等等，唔同卡付款加上Early Bird, 可以平好多！

2. 如果旅行去得長，租Wifi蛋唔好只睇價錢，要留意埋隻蛋的覆蓋範圍同速度，同埋有沒有公平用量限制。根據在香港使用數據上網的經驗，被限速之後，上網速度可以差天共地。