拍劇演情聖 秋生自爆倒貼十幾萬

影帝黃秋生昨日到無綫電視城為新劇《梟雄》試造型，秋生否認劇酬收40萬一集，他又「發牢騷」自爆該劇北上拍外景他要倒貼十多萬元，同劇的湯鎮業笑言要安撫他。

黃秋生昨日與湯鎮業、黎耀祥、胡杏兒、蘇玉華及唐詩詠等到無綫為劇集《梟雄》試造型，秋生與湯鎮業及祥仔飾演上海大亨，但因爭「地盤」而內訌，監製王心慰形容該劇的投資額比《烈火雄心》超出數倍；秋生昨日以一身白色唐裝衫戴帽亮相，猶如「葉問」上身，劇中飾演情聖的他自詡風流，周旋在蘇玉華及胡杏兒兩位女子中間。問到跟兩人可有親熱戲份？秋生直言該年代是發乎情止乎禮，最多只是挽手。

對於有傳秋生今次的劇酬高達40萬一集，他笑說：「黐綫，TVB點畀40萬一集，30集加埋就有40萬。」秋生隨即一輪嘴表示劇集要返地拍外景，酒店連食宿三個月要補貼十多萬，他說：「就算唔倒貼都只係打個和，我唔係要歎世界，歎世界就唔拍劇啦，亦唔係擺款，係為咗休息得好啲恢復體力。」

湯鎮業昨日一拖三霸氣現身，他透露與陳煒、梁政珏及唐詩詠均有親熱戲，除了有咀戲外，還有床戲，他說：「我仲要強姦唐詩詠，有十幾年冇拍過呢啲戲，都唔知點算，都要同老婆備案。」對於秋生表示要貼錢演出？湯鎮業笑言：「等我安撫吓佢。（佢話30集加埋只得40萬酬勞？）仲少過我！」

祥仔奉旨癲過秋生

至於黎耀仔在劇中雖然感情專一，但性格十分火爆，他形容：「我係『癲狗』，能夠同出名癲的秋生做戲，我係奉旨癲過佢，希望能同秋生產生化學作用。」

採訪：林常恩

攝影：林良明

編輯：黃寶恩