石詠莉爆老公鄧健泓膽固醇超標：要幫佢控制下飲食

石詠莉今日為心臟健康活動擔任嘉賓，她自言一向都好關注自己心臟以及身體健康，在接受《香港01》訪問時表示：「因為我天生體質比較弱，成日都會踎低起身見頭暈，又會手腳冰冷，所以我好注重自己的身體健康，會從飲食同運動方面着手。我每日都起碼做一個鐘運動，好堅持，食嘢就少糖少鹽少油。」而身材fit爆的她卻不會節食減肥，亦不贊成大家用呢個方法：「太鍾意食嘢喇，同埋咁樣唔健康，而且都唔會維久。」

問到她會否為生B特地調理身體，她說：「生BB就順其自然，我覺得現時嘅身體健康狀況有80分，ok嘅。」不過她老公鄧健泓就似乎不太健康喇，石詠莉透露：「最近老公做咗身體檢查，發現佢膽固醇超咗少少標，所以我要幫佢控制一下佢嘅飲食。佢嘅飲食由我負責主理，要盡我做太太嘅責任，就算佢要開工，我都會煮嘢食畀佢帶返工食。」她又強調定期驗身真的好重要：「我由20歲開始已經年年驗身，有咩事都可以早啲知道，大家唔好怕。」