時常喜歡去太子一帶HAPPY HOUR, 今次經過尖沙咀見到間叫彌敦右岸, 有2層, 樓下是半室外, 有個開放式酒吧, 好有氣氛, 樓上是餐廳, 酒吧同歌台, 應該有現場表演. 菜單都好豐富, 有扒, 意粉, 甜品. 美國特級封門牛扒 叫咗7成熟, 啲肉質都仲好嫰, 應該件扒都幾高質. 配菜中有個大蒜, 烤煮得好惹味. ... 卡邦尼意粉 份量不是太大, 芝士粉散在灰黑色嘅碟, 感覺擺碟有心思, 奶油味跟脆卜卜嘅 煙肉好夾.更多

彌敦左岸出名氣氛一流，樓高兩層環境各有特色，樓下為一般酒吧而上層則適合舒適地享用晚餐，而且如非受疫情影響的話更會有現場樂隊表演；食物方面質素滿意，但環境衛生則有待改善。 香烤腸拼盤 ($208) 包括幾款不同種類的香腸，配上捲心菜沙律及薯角，適合作為佐酒小食。 香煎鵝肝多士 ($138) 鵝肝肥美厚切，口感軟滑豐腴，入口油香...四溢，麵包盡吸鵝油香氣，配以無花果醬甜而不膩。 雞肉墨西哥烤餅 ($158) 配以酸忌廉、牛油果醬及番茄莎莎，薄餅烘得微脆而芝士、雞肉等餡料豐富，而除了雞肉之外亦有牛肉可供選擇。 至尊比薩 ($188) 用上雞肉、鮮蝦、西班牙豬肉腸、Mozzarella芝士、白蘑菇、黑橄欖等作為配料，批底邊位焦脆並帶法包般的韌度，惟配料份量偏少主要以芝士為重。 鮮魷魚自家製手造寬條麵 ($158) 麵質煙韌富口感，帕馬臣芝士忌廉汁濃郁稠密能夠充分裹住每根麵條，除了魷魚之外更有煙肉更添鹹香。 鮮海膽蟹肉手造寬條麵 ($258) 面層舖上原瓣海膽刺身，但檸檬忌廉汁當中並沒有加入海膽，即使拌入海膽刺身後整體海膽味亦不如預期中濃厚，個人認為如果改以海膽忌廉汁相信會更上一層數。 THE菠蘿冰 ($78) 將菠蘿汁、薄荷糖漿及檸檬汁加入梳打水清爽解渴。 Meh Spring ($78) 以玫瑰糖漿、荔枝糖漿、檸檬汁及紅莓汁調配而成，酸甜馥郁。更多

餐廳都幾大，用餐時播住英文歌，另設有live band stage，可惜當日無表演，但整體氣氛都幾啱一班朋友Chill吓熱鬧吓😌 🍞香煎鵝肝多士無花果醬（$188/ 3pcs） 鵝肝多士份量比一般餐廳大件，呢個價錢配呢個size一啲都唔貴🤩鵝肝煎得好香，連同無花果醬一齊食唔會覺得膩，反而好好食😋 🍢串燒拼盤（$38...8） 串燒有12款，包括白鱔、虎蝦、三文魚、帶子、牛肉、黑毛豬五花腩、雞翼、辣肉腸、白肉腸、粟米、雞髀菇及翠玉瓜，另配泰式生蝦汁、沙嗲汁及泰式羅望子醬；拼盤賣相吸引，每款串燒都熱辣香口，三款醬汁都比較辣，但串燒本身都夠味，即使唔蘸醬汁都可以👍🏻 🍹THE菠蘿冰（$78） 以菠蘿汁、薄荷糖漿、青檸汁及梳打水調配，入口菠蘿味較重，帶少少清涼薄荷味，味道唔會太甜，感覺清爽解渴😋 🍹Meh Spring（$78） 呢杯加入咗玫瑰花瓣，賣相幾靚，入口玫瑰味較重，其次飲到有荔枝味，兩者都幾夾，味道比另一杯甜，整體都唔錯😌更多

彌敦左岸 地址: 尖沙咀赫德道5-9號德裕中心地下及1樓 電話: 23691333 ==================== 出街食就是要食自己唔想花時間精神做的菜式，考功夫廚藝更加值得食。 性格要大堆頭,生日食飯就是儀式感呀！$388 串燒拼盤有好多野食，因為點左飲品，想輕鬆食一路談天，一串串會更自在，串燒鱔,蝦，三文魚...，牛肉，豬腩，辣肉腸,雞肉，粟米，翠玉瓜。跟埋3個dipping sauce 令人享受不同地方風味。聽住music 又可食到唔到串燒，人多推薦點的，保証大伙人食得開心暢快。 串燒幾香，我自己就食了不小肉串同腸，而海鮮類就合男朋友心水。 $138 半份ribs己經好大條，炸薯仔仲粗身大大條，岩追求粗身口感架人。個汁是畫龍點睛，酸甜中含有焦香味，有bbq 明火燒架風味。 Mocktail 一杯好香rose ,甜架女生都入到口。另一杯菠蘿飲，比較夏日，兩杯都岩女生及不太愛酒精架人。更多

約朋友到尖東的酒吧happy hour，這間彌敦左岸感覺開陽，而且食物選擇多。 入到去的氣氛好好，有種酒吧的感覺，但又帶點浪漫溫馨，不會太hardcore。可以見到除了情侶，也有一家大細來吃晚餐的，絕對冇問題。 . 美式煙燻醬燒西班牙黑毛豬肋骨 $138 是細份的，我以為真的很細份，結果有一整排豬肋骨，而且又有薯條及沙律，超級豐...富的，一個人沒有可能吃得完，絕對不細份！豬肋骨切開有6塊，適合happy share，肉質嫩滑，好意咬得開方便吃用，煙熏味特別。 . Hand-pulled pizza 煙三文魚芝士Pizza $168 我以為Pizza是一開四的那種細size，但原來超大！餅底很香脆，芝士超多cheesy好食，在酒吧這種價錢吃到這種質素，真的令人驚喜。 . 米蘭式燴牛仔膝·蕃紅花意大利飯 $228 這個飯絕對可以當牛扒吃，牛肉份量很多，牛味香濃，有少少筋口感好好，意大利飯也燴得很出色。 . 我和朋友都想過一個輕鬆的晚上，所以點了沒有酒精的mocktail。除了賣相靚，味道也調和得很清新自然。 . 又有情調，食物價錢又抵，絕對可以再encore。更多

記得上次黎已經係3年前，餐廳無咩點變過，上次好欣賞既低温慢煮三文魚‧香芒木瓜藜麥沙律同低温慢煮豬件都仲有。因為疫情既關係明顯少左人，但都見到有唔少人黎慶祝生日。 因為好肚餓既關係同2 個都係芝士控，我地放棄左望落好抵食既黑海龍，轉戰芝士盛宴。 墨西哥香辣牛肉芝士焗粟米片(配忌廉‧牛油果醬‧蕃茄莎莎) 芝士控既第一擊，粟米片配...芝士已經好好味，芝士多到可以拉絲。酸忌廉‧牛油果醬‧蕃茄莎莎可以中和芝士粟米片既油膩感，加埋肚餓真係食唔停。 藍芝士野菌比薩 真係芝士控既第二擊，本身我朋友都怕藍芝士味太濃，但真係比巴馬臣果D 更香，無太強既芝士味，同菠菜係PERFECT MATCH，真係足料到不得了，一次過食左三件，比必勝客好食百倍，但價錢一樣，非常大份。 烤黑松露菌醬海鱸魚柳‧貓耳粉 今晚係炭水化合物夜，為左平衡下，叫左海鱸魚柳，相對清淡。第一次食貓耳粉，比較厚身有口感，配埋個黑松露菌醬汁，唔咸但好濃郁既味道，令本身只有口感既貓耳粉更加好味。 爆漿芝士蛋糕‧自家制開心果雪糕 真係芝士控既第三擊，爆漿芝士蛋糕唔洗講都好芝士，係好食，creamy 又cheesy, 但一食都覺得到頂，好彩配個勁好食既開心果雪糕，第二個胃出左黎。唔知點形容，就是CHEESE得起。 Ginger & Tonic 好鍾意呢一個mocktail 好清新，食咁多油膩食物，去油膩感一流，但飲到最後就有少少淡 Meh spring 呢一杯係打卡一流既Mocktail, 好靚，但個人覺得偏甜，配辣既食物會好好。 可惜餐廳開到10pm，咁舒適既環境想再坐耐d。聽聞下個月會開夜少少，好期待。更多

星期五收工度度餐廳都多人, 難得揀間都多位既酒吧~ 雖然係酒吧但都多小食揀; 疫情關係煲live band , 但暗黑的氣氛依舊不錯 🎶Whisky Sour @$ 108 第一口飲落口的確係好酸好酸!! (//∇//)成個酒杯邊都係酸粒, 不過之後連帶入口既whisky就覺幾開胃 🎶Margarita @$108 ... 朋友點的, 味道較清新 🎶Baked Potato Skins Full @$88 唔係太肚餓就點左小食, 但薯皮比想像中飽好多! 幾香脆而好少有薯仔連皮咁食(＾ｰ^); 加埋點啲忌廉醬食落口唔會太溜~ 🎶Iberico Ham Pizza @$168 Pizza泥講最鐘意 prama ham pizza~ 薄餅底薄批得泥唔會太硬身, 加埋prama ham 咁食每碟食落口既size都岩岩好~ 整體泥講, 呢間酒吧好適合放工泥吹個水但野食又唔差(*´꒳`*)更多