唔惊得罪人！恰戴祖仪者如恰曾乐彤

歌手曾乐彤担任TVB娱乐新闻台节目《StarTalk》嘉宾，接受主播许文轩专访，大谈以成长为主题的新碟《Inner Child》感受。其中一首新歌《躲不开的一课》由曾乐彤亲自填词，她表示：“之前都有尝试为自己嘅Demo填词，不过最终未有采用而被打沉，之后同好友洪嘉豪倾偈，佢提出不如帮佢试填Demo，最后真系冇谂过佢同佢公司会采用，自此之后对填词有番信心，公司唱片部嘅同事都鼓励我今次试吓自己填词。（其实洪嘉豪系你填词上嘅恩人？） 系呀！佢叫我跳海都去，好大嘅人情！”

曾乐彤与多位同年出道的新人成为好友，其中包括洪嘉豪和戴祖仪：“戴祖仪真系咩都知，又试过一齐去旅行，不论圣诞、除夕、年三十晚、情人节都系同佢过。朋友对我来嚟讲好重要，因为朋友系一世，我会觉得如果朋友发生啲咩事，我会唔开心过同男朋友分手。如果工作上佢畀人恰，我会唔锺意恰佢嘅人，我会对住嗰个人冇礼貌，就系见到佢唔点头。”她又说有想过跟戴祖仪合唱，但要找个合适时机。