【有片：藍絲到林卓廷街站搗亂及送衣紙】 小編：今日我地嘅粉嶺街站發生左啲不愉快事件，事源有班藍絲大叔帶埋攝製隊黎到我地嘅粉嶺街站，喺度大吵大鬧，又問埋啲「林卓廷721搞亂元朗，點解你仲要支持佢」呢啲顛倒是非黑白嘅問題，最後仲試圖送一包衣紙俾我地，當然我地無收到啦。（特別鳴謝 Chow Hiu Laam Felix 周曉嵐 及陳旭明議員今天來幫忙） 黎到街站第四日，其實每日都有零零星星嘅藍絲黎「表達意見」，小編已經見怪不怪。只係顧及到全體成員嘅安全，我地團隊今晚會再傾下點樣應變呢啲威脅，傾下站點嘅安排，同埋點樣保障到各位前來支持嘅市民。 其實我地擺街站都係想收心意卡俾阿廷（四日來收左三千幾張），啲藍絲連心意卡站都唔放過... 不過我地團隊會秉承阿廷嘅意志，決不退縮，繼續擺落去。 另外好多謝四日來街坊嘅支持，小編呢幾日都同不少網民喺街站傾過計，多謝你地特登黎撐阿廷場。 聽日我地會繼續喺銅鑼灣擺站，但地點會改為SOGO門口，有興趣黎寫信嘅話可以1-6PM黎，希望見到你地啦🥰 又，剛剛收左站，晏少少再同大家介紹Table TV （Youtube）嘅新搞作👋🏻 最後繼續不厭其煩作出小小嘅呼籲：現值艱難時刻，阿廷身負多宗案件，希望大家可以換個方式繼續挺起阿廷： 1️⃣課金支持林卓廷Patreon https://www.patreon.com/cheuktinglam (已新增年費付款選項） 2️⃣免費訂閱Youtube Channel 「林卓廷Table TV」 https://www.youtube.com/c/林卓廷TableTV 感謝大家並送上抱抱🫂