本日日本：札幌酒店 開房4個鐘食Lunch
20200318
東網電視
更多新聞短片
去札幌東急REI酒店食Lunch，便可以佔用酒店標準單人房4粒鐘，認真超值！（互聯網）
出於對疫症嘅考慮，今時今日大家對出外用餐都有所顧忌吧，畢竟專家都呼籲唔好喺人多嘅地方聚集！咁想品嘗街外廚師手勢、又唔想喺人多嘅環境下用餐嘅朋友，係咪只有包廂或食外賣兩個方法呢？答案原來係No！
話說日本札幌東急REI酒店為慶祝40周年，最近就推出咗個名為「在房間食午餐11-3」嘅Plan，簡單講就係酒店開間房畀你喺房內用餐，逗留時間由朝早11點至下午3點一共4個小時，食品方面由酒店廚師炮製三款便當任君選擇，分別有十勝牛扒及炸知床雞便當、採用上富良野產地養豬炮製嘅豬扒咖喱飯及採用澳洲牛嘅燒烤里脊肉便當，用料揼本兼口味豐富。
而用餐嘅房間則係標準單人房，所有設施齊全（當中包括附有加濕功能嘅空氣清新機），另外張床闊度達140cm，食飽飯後眠一眠確係爽到痹。收費方面，每人盛惠4,000日圓，便當於Check In後30分鐘會送上房，就算你晏咗Check In，Check Out時間亦會順延，真係好貼心呢！