每一部電視劇，要好睇，就緊係要主角同奸角鬥智鬥力，令到劇情夠緊湊有張力，而喺家庭劇或宮廷戲中，所謂嘅奸角往往都會係「奸妃」、「二房」、「二奶」、「情婦」等嘅角色，呢一類角色，通常都會被人叫做「狐狸精」，「狐狸精」要做得出色，仲要令到觀眾讚賞就真係唔係咁易，話晒都係一啲神憎鬼厭嘅角色，而圈中唔少出名做「狐狸精」，又令人覺得演得夠晒到肉嘅演員。
湯盈盈
今年42歲嘅湯盈盈，同老公錢嘉樂有兩個得意嘅囡囡，一家生活幸福美滿，雖然近年湯盈盈喺劇集中少咗做奸角，但係當年《封神榜》中嘅柳琵琶真係令人印象深刻，諗笛起佢嘅演技，確係睇到觀眾好緊張。
高海寧
30歲嘅高海寧，2008年參加過香港小姐，雖然落選咗，但係都成功加入大台，一開始因為佢嘅外形關係，多數都係做情婦、女殺手咁，而其中2012年嘅《拳王》，佢扮演情婦仲同李施嬅兩女共侍鄭子誠。
劉佩玥
2013年參選港姐獲得季軍嘅劉佩玥今年28歲，可以話係最近慢慢喺大台起步嘅花旦之一，第一套戲《四個女仔三個BAR》就係四大女主角之一，喺上年《幕後玩家》之中演黃宗澤情婦，仲逼到正印龔嘉欣抑鬱自殺。
李佳芯
34歲李佳芯不嬲都被網民封為「女神」，不過因為佢真係太靚嘅關係，自有線過檔到大台之後大多都係飾演奸妃、情婦等，喺《巨輪II》入面，被「鷲哥」吳岱融一巴車落去加一句「臭雞！」真係歷歷在目，最近佢喺《踩過界》中，終於洗底做「踩界」法官，被大眾一致讚揚。
from:
http://hk.apple.nextmedia ... 170921/20159851
