近日正喺內地拍攝電影嘅熊黛林，10號度過42歲生日，身在內地嘅佢原本已經做好準備要孤伶伶度過，點知老公郭可頌就同孖女一齊為Lynn送上驚喜，遙距送上一束101支粉紅色玫瑰花，寓意太太是101分好老婆，而兩女亦親手繪畫了生日咭賀媽媽生日。

而公司老闆Kim亦同一班同事以視像形式為勧慶祝，結果今年生日比過往更加熱鬧。其實郭可頌一早已經將準備好嘅生日咭寄到內地俾工作人員，到正日生日先才送上俾阿Lynn；而老闆Kim、同事好友等亦送上鮮花同蛋糕驚喜，阿Lynn收到大家心意後感動不已。

之後又喺社交平台發放多張照片，仲寫道：「本來以為今年生日會好冷清，結果比平時更熱鬧，希望疫情早日結束，咁樣就唔使同BB、家人分開咁耐，亦都唔會錯過bb的嘅成長經歷，多謝老公和公司畀我的驚喜，好開心！」

Lynn今次為拍戲將離港約三個月，難怪會十分掛念一對孖女喇，而煞科後佢亦會順道返家鄉南京探望家人。

#態黛林 #生日 #42歲 #郭可頌 #101朵玫瑰