暗瘡大作戰 ~ (3/4 普通暗瘡藥)
Erylik只可以在晚上用. 所以, 早上, 我就會用一般的暗瘡藥. 以下幾款, 我一早都在blog 介紹過:
Zensation Anti-Blemish Lotion
這PRODUCT, 我由2010年開始用, 直到現在, 都對佢不離不棄. 佢可以防止傷口發炎, 收乾一啲已蒲面的暗瘡. 佢亦都係我嘅 “遮瑕膏” ~ 因佢本身又小小粉肉色…可以粗略蓋住暗瘡的紅印.
Nexcare 暗瘡貼
都話我唔識清膿頭…時時清到唔湯唔水, 就在同一個位又發過. 有時清咗暗瘡, 我都會貼吓佢, 等佢”吸”乾淨啲膿. 如清咗啲瘡, 我會先用佢 “吸” 2-3個鐘, 之後mit 咗佢先搽 erylik. 去到後期, 我有時夜晚唔搽 erylik, 就會在有需要位置, 貼Nexcare 過夜.
Sampar Prodigal Pen
是這回爆瘡後的新發現.
下巴位, 唔單只唔用得cream, 連toner 我都避開. 這枝 prodigal pen, 彷彿造了我下巴的 “toner” + “serum”
其實佢係由多種精華油製成, 但佢唔油的…感覺上似水多啲. 當中有薰衣草, rosemary, 肉桂之類, 可以抗炎, 治療暗瘡, 令黑頭溶解和減淡暗瘡印.
我每天早,晚洗完面就會用佢搽晒成個下巴…因初時又脫皮, 又有傷口, 所以會喇的. 但後來沒又傷口後, 就唔會喇. 之後待一會才上zensation or erylik.
覺得用咗佢 + zensation 的話, 會令暗瘡痊癒速度加快. 而用咗佢再用erylik 的話, 第2朝, 皮膚會冇咁乾.
我暗瘡初期, 真係好閉翳……成個下巴都係印…..本來, 我不惜功本, 意圖用 cdp la cream 去印 (以我過往經驗, 去暗瘡印最有效的會是蝸牛精華…..但如果你不惜功本, 就用la cream, 因去得更快)……結果可能la cream 的滋潤成份, 令我啲瘡即時出多幾粒. 所以, 我連蝸牛精華 (都係潤的嘛) 都唔敢用.
雖然Sampar Prodigal Pen 的去印力冇la cream 咁快, 但都有不錯的成效….最好係, 佢可以keep 住去印的同時, 冇再刺激皮膚去生新的瘡瘡嘛.
家吓, 下巴只有印, 冇乜瘡了 (望到家鄉la)……但我都唔多敢一吓用番正常的skincare…..我都係搽 prodigal pen + tatcha Indigo Soothing Renewal Treatmen (晚上, 因佢有啲色) or Fleurance Nature Gel Aloe Vera (早上)……令皮膚進一步 “冷靜”下來, 先逐漸比番啲 “好嘢” 佢哋食 (用番正常的skincare)
雖然prodigal pen 得6ml….但好”com” 用…..這兩個月, 我天天早晚都用….到現在, 都仲有一半.
