葉振棠開騷向80年代金曲致敬：希望觀眾有驚喜！

歌手葉振棠即將於不同地區舉行5場演唱會，邀得好友「黑妹」李麗霞擔任嘉賓。二人今日（22日）進行綵排，葉振棠透露這次演唱會將會向八十年代經典金曲致敬：「我揀咗7個唔同風格嘅歌手作品嚟演繹，希望能令觀眾有驚喜。」

已有3年沒登台的黑妹笑指覺得「口痕」，故打趣葉振棠「一叫就到」。談到女兒葉穎秋參加《中年好聲音》，她笑說：「佢嘅嘢唔關我事、哈哈！（佢話係你唔畀佢參加比賽）係㗎，當年我真係唔俾，咁依家佢都嫁咗，孫都有兩個，咁佢鍾意點就點，圓佢個夢啦！」綵排期間黑妹遲到，她連聲道歉並解釋：「因為我搬新屋要拜神，搬咗出大埔，平時真係唔會咁。」