農家意粉

營業中

休息中

好欣賞老闆對經營餐廳及煮食嘅熱誠，食完覺得食物唔係傳聞中咁差劣我同男朋友分別叫咗一個$168嘅餐，入邊有紅酒汁牛脷鵝肝配Prime grade牛扒，包湯，小食，飲品，甜品。男朋友個意粉係prime grade 牛扒配牛肝菌汁，佢加左錢要一個忌廉湯。以下係好食嘅地方- prime grade牛扒好淋、大塊、好抵食- 大啡菇鵝肝好香- 牛肝菌汁同紅酒汁美味- 忌廉湯芝士味濃不錯以下係要改善嘅地方- 餐廳因為煎牛扒 有一浸唔好既味道，枱亦都有啲唔乾淨, 成間鋪啲物品表面都有一浸油，如果環境衛生再有改善會令顧客感覺更舒適- $168餐跟餐湯、小食、主菜、飲品及甜品，正常人食lunch未必食到咁多嘢食，小食（煎蝦）、湯（牛肉湯）及甜品（蛋卷）其實唔好食，建議可以cut咗佢

上一次來農埸餐廳已相隔了一段時間，趁星期六晚上有空再來吃晚餐。這次點了牛魔王套餐，黑牛肝菌翡翠螺拼龍蝦+12安士美國肉眼。（套餐連湯，小食，意粉，甜品，飲品）今天只有老板一個人在店工作，我們到店的時候其他客人還沒到，所以他叫我們先坐一會，可以慢慢用心煮給我們吃。首先來了羅宋湯，老板介紹沒添加味精和鹽的，果然有住家湯的味道。再來是主菜，份量很大，上桌的時候‘嘩’了一聲。大約吃了2/3，剩下的肉眼扒就打包回家吃。整體來說，老板很有心經營店舖，晚餐味道很不錯，之後也會再來！

當年小店係上水既時候都唔太差，而且知道某KOL ge負評，決定再去試下。試完之後決定出post 為店家平反一下。晚餐去食，點左牛扒7安士配鵝肝，黑椒汁。牛扒叫5成熟，出黎就熟左小小變左7成。牛扒十分大件，本身肉味唔錯。煎既處理都唔錯。黑椒汁個人認為偏淡，但有別於茶餐廳既味精汁，對於唔太好味精既我係好事。鵝肝十分推介！口感、味道及大小都十分吸引！另一個餐叫左羊架12安左配香草汁。整體不過不失。羊亦都煎烘左小小。所以看來餐廳烹飪牛扒比較在行。湯同飲品都要另嗌，價錢尚可接受。湯有白紅選擇。叫在白湯（香草忌廉湯）係好飲既，帶甜有粟米味。跟餐只有意粉，夠林，煙靭到適中。配菜係雜菜+粟米，（大量西芹，非常健康），個人都幾鍾意但如果唔食西芹既朋友應該幾難搞。不過建議餐廳可以大眾化啲，跟餐加入薯條同飯，多一點選擇。當日落單時有70%客人係餐廳，等左20-25分鐘，都算還好啦。但換角度，餐廳每一個餐都用心準備，唔係茶餐廳半熟再翻熱上碟。值得一提係店員既態度係貼心，不時問我地需要，老闆又會每枱客問味道如何。總結而言，呢間係定位扒房既小店，小本經營可能令上菜速度同食物款式有局限，但我總結佢係用心經營，咁既價

之前見個余乜X來吃, 踩到人地一文不值咁, 特意同老友來試一下。下午二時到來, 店內算整整潔潔啦。阿姐拎了手寫的單章比我地睇,我點了$168的牛一號餐。很快地,姐姐已拎來餐湯, 湯內有西芹、紅蘿蔔及少少牛肉碎 , 湯係無乜落鹽, 但有材料味道,我覺得不錯。小食有雞翼配少少西芹及蕃茄。等了十多分鐘,主餐也到了。牛一號餐,整錯了牛二號餐,算啦照吃。有牛肉眼扒,鵝肝,牛脷, 全部味道都不咸,幾好的。講真$168,連凍檸茶,其實整體不錯,平平實實的!可以返吃。另外,還有姐姐很親切的服務。

師傅用心制作，用靚牛要講伏，sorry,呢間未夠班！大把餐廳差過佢！俾鬆肉粉，垃圾肉，車2羹味精落去就話好好食🤷🏻‍♀️真係揞住半邊咀笑今日係唔知情既情況去食，正正叫左牛肋骨，羊架同豬手，坦白講，完全無問題！要講出色，唔係。性價比高，係。肉湯，店家有提供鹽同胡椒，落左係會提味，不過我無落，飲原始既味道店員親切幫我地斟水，添汁。好有禮貌！網上言論不可盡信，自己試最真實！要講難聽說話，有幾難？你的行為如此，你的人生如此。

見到好多對農場餐廳偏激的言論，老公決定帶我親身試一試我就本住去食個西餐嘅心態去，反而幾驚喜😊我地大概12:45左右到嘅，一坐底老闆已經過嚟打個招呼，同場有另一個客人早過我地等緊堂食，我因為想2:00前離開，所以都好快落左單。老闆有溫提，可能要等耐少少喎其實等左大概15分鐘就已經有野食，賣相一啲都唔差！呢份雞扒係老公嘅，個sauce係好味個種濃，蕃茄嘅酸酸地配小小辣，雞肉唔鞋，係煎香咗有少少脆邊…食到一半老公發現sauce裏面仲有半隻大啡菇！咁嘅價錢真係好驚喜。配菜都好正，勁足料，薯仔夠粉好新鮮🎩偷聽到老闆講本來應該想用粟米蓉，但個人建議粟米粒賣相應該會好啲😝輪到我份薄牛扒！真心我覺得係多過五成熟嘅，但想講一啲都唔薄！絕對大件夾抵食。我最欣賞係個蒜蓉汁，老闆好有heart真係有好多新鮮蒜蓉。老實說，我覺得老闆係好有heart💗好有熱誠好有執著。其實👉🏻一個咁嘅價錢，配一個咁嘅分量👈🏻，真係好有良心嘅一間餐廳！我敢講我今餐係好味嘅，當然有可進步🆙嘅位置i.e.牛扒偏韌，凍奶茶太甜不過平心而論，一個伯伯一腳踢做到咁多已經好唔簡單，如果有心支持又唔想食到一肚氣，建議望一望店內食客進度，咁你就預

中午刻意去吃這黃店，大約1240-1245入去吧，叫了一個午餐，上了湯和飲品，但到1315-1320也未上菜，我說我不等了（因為要趕回公司），那個厨師（老闆）就說你不等就算，其實還有兩三分鐘。我問是否真的兩三分鐘，我說如果要客人等比較久，應該事先告訴客人。他隨即發脾氣，態度十分惡劣，問我幾時到，「你講吖」，我心在想：這是餐廳的責任，我沒有理會他，還見到那個女侍應搖搖頭，好像是我不對那樣⋯⋯黃店幾好食都好，服務差、對客人不禮貌，只會令自己生意不好，也會影響人對黃店觀感。希望店方好好檢討吧！

記得以前細細個好鍾意去農場餐廳食飯，自從佢結業之後，都好念念不忘佢嘅質素，呢間農家意粉就係以前農場餐廳嘅老闆開嘅，由以前大型連鎖餐廳到而家得返一間小店，當中變咗好多，唯一不變嘅係都係咁好食香草白菌帶子煎魚柳 $58洋蔥黑毛豬併極級簿牛扒 $68咁大跌又多背面，都只係二十幾$60 ，絕對係抵食之選， 牛扒同黑毛豬都係抵食之選，夠厚夠大塊，有肉汁鮮嫩，唔係一般嘅頹扒另外佢嘅蘑菇汁洋蔥汁，都好夠味，但又唔會太鹹，好食整體來講又平又好食，有機會一定要來懷緬下😋😋

間唔時去開黃金行街都會過黎食Auntie熱情好客好食又抵食，已且餐牌選擇都唔少(我仲未試晒🤣)今次食紅酒鵝肝配9安士黑椒汁肉眼扒套餐(5成熟)都係$128咋。有意粉仲包湯，甜品同飲品，呢個價錢邊度搵😆如果你鐘意羊扒既話佢都有，配芥末汁最正👍Uncle仲俾左啲牛尾我地試，重牛香而且炆到入口即化😍份量方面女仔1個人食唔晒，建議同多啲朋友黎試，其他小食(牛脷，雞扒，魚)都好高汁PS:佢仲有罐裝蛋捲賣，可以食扒加錢換或直接買都得，唔會太甜，口痕食兩條岩晒

自問千幾二千的牛扒我都食過，不過呢到百幾蚊有咁嘅質素，高性價比。值得推薦。主菜是肉眼扒意粉，加了兩片鵝肝，多了四十元，個汁好似另加了五元，忌廉湯唔錯，可以任飲。再加了個凍檸茶，共213元。真心覺得不貴

廿幾年了，今晚終於完成了這個心願。遙遠的從前，好多時我們一家人都會一齊食農場餐廳，一聽到話有得去農場餐廳食，我都會覺得好開心。當年知道農場餐廳突然結業，心裡有如情天霹靂，少左一個一家人食飯的地方。之前，知道老闆在上水熟食市場重新開業，但最後結埋業都係有唔同嘅理由而去唔到，真係後悔無的起心肝去食。最近睇youtube，我先知道原來老闆在深水埗再次捲土重來，今次我決定點都要去食！好在皇天不負有心人，今晚我終於都來到了，雖然只得我一個來。一打開趟門，入到去，其實已經覺得環境比較𣲷，空氣中瀰漫著油煙，但係都無阻我食農場餐廳的決心。老闆好nice同細心，話有啲未用過的碟可以隨便攞走，牛肉湯原汁原味，如果覺得淡可以自己落鹽同胡椒粉。牛肉湯好濃郁，感覺落足料，但如老闆所說，真的無添加調味，但我決定原汁原味飲晒佢。9oz Prime 級肉眼扒意粉配黑椒汁，可以揀幾多成熟，因為唔係鐵板，所以我揀7成熟。一路鋸扒，一路回憶過去的種種，覺得特別好食。老闆，多謝你俾個機會我回憶美好的時光，祝你每遇到難題，都可以大事化小，化險為夷，大步檻過，逢凶化吉。21-5-2021

牛酒汁牛脷意粉 勁多汁 任何紅酒配牛脷絕配有足料羅宋湯 大大份又好味 咁抵食仲想點 真心而論 老闆擺盤冇咁精細 環境裝潢冇咁靚 但食物貿素好過千幾蚊steakhouse 如果將尼到食物放上露天扒房 咁就prefect 池 當然食物點都重要過環境另外忌廉魚柳都好好味 配白酒一流 下次要食鵝肝 先+40 only

相信老細嘅背景都唔洗多講係佢最光輝嘅時候未食過老細有住份打不死精神加上最近斷斷續續出現係新聞媒體出現就知係mkt高手已夠晒值得嚟一試餐廳內部實行務實主義張張都係褶枱加褶櫈另有幾個吧台位仲放滿好多調味料/醬包裝做埋零售一嚟叫咗碗湯上枱，以為係一般嘅紅/白湯，原來唔係就咁睇有啲雜菜咁仲要用個中藥碗 有趣飲落好很油 心諗 得菜點整到咁油甜又唔甜 酸又唔酸 伏咗 但都係唔浪費為原則飲埋落去飲到底有舊肉片，咬落好怪，好似成舊肥肉不如正正經經整個紅白湯算然後叫咗 9oz prime肉眼意粉配洋蔥汁上枱又係一滴冷汗配菜係蕃薯 蕃茄 同粟米（影唔到，係右上角）蕃薯好奇怪都算，粟米竟然係罐頭粟米羹嚟蕃茄係正常嘅最後食晒牛扒同意粉就算牛扒肉質係ok ge 但用咗好多黑椒去醃搞到唔係好覺有洋蔥汁...另外 食食下 侍應姐姐同每枱食客推薦罐頭水蜜桃...好有禮貌嘅，唔係乜問題其實深水埗好多好嘢食如果選擇嚟嘅話 真係要心理上打定個底

去黃金路過就順便去埋牛扒抵食意粉一般，同茶餐廳既差唔多想食扒又唔想食貴野就黎呢間其實最想食係塊鵝肝去食有一半係支持老闆因為以前農家意粉真係唔錯算係多謝農家意粉比我的美好回憶

晚上諗住食素年，結果排晒隊咁打開和你eat, 貪近就簡左呢間黃店，幾難食我都食過，但惡夢就開始了首先我叫左一份雞沙津($18) 同燒雞意粉($98)由落order到上沙津等左一小時有多，都算了個雞沙津塊雞 唔熟的 我估得5成熟，唔緊要，人多自然求奇，無所謂，我志在支持黃店，叫佢再搞搞佢。等多15分鐘左右，果塊唔熟既雞同我份主食放埋一齊上，唔緊要。結果，我份主食(所謂既燒雞) 都係唔x熟的！！！！同埋所謂既燒雞根本就係雞扒，咁點解我唔叫雞扒？？？佢過程既態度我唔多講了(有興趣自己去感受下). 第三次，終於搞番掂，我係唔知佢發脾氣定點，d雞外表全部變晒炭！！係炭咁黑。唉，我都算，真心好肚餓，諗住食完唔死就ok點知！！！個雞外表變晒炭咁諗住穩陣啦，結果都係唔x熟(得7成左右), 信我，唔係冰鮮果種紅，係完全生肉！！！！結果，真係搞唔掂，食晒d意粉就走人。出到門口轉灣即嘔，番到屋企嘔左兩次！！總結，我都算比較食得開，今次都英勇賴野。黃店真係唔係大晒的，有興趣自己都感受下，講完！