新聞女王|重溫結局夜台前幕後感想 阿佘唔夠喉山聰辛苦到嘔 台慶重頭劇《新聞女王》日前連播兩集大結局,台前幕後仲齊齊去到 上葡京綜合度假村 一齊睇直播,用盡精力拍攝演出嘅一眾演員,見到劇集大受觀眾歡迎,加上故事感人,並肩演出嘅大家邊睇亦邊落淚。 而成日講笑嘅總經理 曾志偉 亦都話,劇中大家嘅喊戲都非常真摯,唔知係咪因為報酬唔夠高嘅緣故,仲話希望合作得咁好嘅大家將來再次合作。至於由頭帶到尾嘅 Man姐 佘詩曼 Charmaine Sheh 同大結局表現突出嘅 陳山聰(Joel 1002) 仲有 譚俊彥 Shaun Tam ,就希望有機會開拍續篇,但係就要寄望監製同編劇嘅努力喇。 同Man姐鬥到難分難解嘅 馬國明 ,結局因為擔心好對手遭遇不測而難過落淚,識英雄重英雄嘅一場,原來完全係監製提示下嘅幻想演出,而新婚嘅 何依婷 呢日就狠心話舊愛係壞男人一名,連馬明都話佐治冇鬼用呀。 至於離開新聞界加入政府嘅 高海寧 最終同舊同事 林正峰 成為一對,呢日高Ling就解構呢一對嘅感情發展喇。而 王敏奕 同 吳業坤 呢對CP,最後「生離死別」一場令人舒一口氣,坤哥就話多謝呢位拍檔嘅好默契喇。 至於幕後功臣 鍾樹佳 同 關文深 對續篇會唔會出現,就話一切言之過早,亦對觀眾支持劇集非常感謝呀。 #新聞女王 #台慶劇 #佘詩曼 #曾志偉 #陳山聰 #譚俊彥 #馬國明 #何依婷 #高海寧 #林正峰 #王敏奕 #吳業坤 #鍾樹佳 #關文深