影片
營業時間
今日營業
08:00 - 22:30
星期一至日
08:00 - 22:30
以上資料只供參考, 請與餐廳確認詳情
許久沒有跟這位好朋友見面，難得平日佢得閒，所以就去左呢間茗苑嘆嘆下午茶， 傾下偈!這間名苑地方不算太大， 但旁邊一邊有窗，所以採光道很高，觀感很開揚。 下午茶要準時兩點鐘才可入座， 時段是由下午兩點至三時半(最遲可以坐四時離場)。下午茶$8一位茶位，點餐紙都算多選擇，有不同的孖寶配搭，平均都是三十幾至四十幾蚊一set， 好抵食! 我哋兩個人點咗3個孖寶餐，有香茜牛肉腸、棉花雞 、叉燒包(3個)、菜苗餃(3隻)、上湯浸鮮竹卷、蜂蜜小米糕。 款款都是即叫即蒸，好新鮮，熱辣辣，味道又不錯!今次去名苑飲下午茶，真是有意外驚喜! 款款點心都好好味! 特別是個蜂蜜小米糕，是小妹特別推介， 因為以前未食過，食落口甜甜地、脆脆地、軟軟地，幾得意!有時間大家都不妨去去葵興KCC名苑酒家嘆嘆茶，食下點心，這地點也是個不錯之選!
繼續閱讀
本來想去果間茶樓咁啱轉手停業，就行去附近試試呢間實際上服務真係唔太好，見我地兩個好似唔想招呼咁，想坐入啲又話冇枱，明明當時啱啱11點得幾枱客。正想走人時佢又話入面可以俾枱我地叫咗一個套餐因為散叫都唔平，結果都有驚喜！個芝麻芋蓉夾餅擺得好有心思，有4舊食落外脆內軟；碟欖角炒飯色香味都唔錯；牛肉腸粉外皮軟韌度適中但個涵就一般；仲有糯米釀雞翼賣相靚，食錯都唔差，略嫌糯米太軟（個人口味😛）總括而言賣相真係落足心思，位置喺商廈內埋單時見有人等位，應該都多office 棒場客，但稍微調整吓服務態度應該更好了😀
繼續閱讀
以前假日都嚟過名苑呢間酒樓飲茶，當時全場爆滿！今次星期五晚8pm左右嚟到，竟然只得三、四枱客！🙈😬😎見到餐牌有個$388嘅海鮮套餐、有三種海鮮、真係好抵呀！😆😍🤣豉油皇煎海生蝦🦐每一隻都好大隻，好濃嘅豉油味，正呀！😋😆金蒜銀絲蒸元貝有四大隻，蒜香味很濃，好好味道！😎🤗最正就係蒸魚，非常新鮮，肉質又嫩滑！😍😍😋18週年仲全單八折呢！真係平靚正呢！😍😍😎值得再去一次！👍
繼續閱讀
由於當晚同印尼姐姐慶祝生日所以決定去附近酒樓食晚飯。剛巧遇上酒樓做緊18週年5折優惠 ‧ 平時閒日得幾枱人，點知當晚都幾FULL。不過到最後好難得一餐晚飯6道菜式居然冇一樣係正常先講味道:1. 潤燒石歧乳鴿 - 食落第一啖以為自己味覺有問題，再食多2啖以為自己再中左COVID搞到咩味覺都冇哂. 咩味都食唔出!2.即燒黃金脆皮雞 - 原來個廚師將應該落係乳鴿既鹽落埋落隻雞既時候，果種咸味絕對令你上哂頭!3.荷花梗翡翠炒六頭鮑魚 - 本身以為唔多唔少都有1﹑2粒細細粒既完整鮑魚既時候， 真係太天真! 係得幾塊1蚊銀大細既"鮑魚片"咋，仲要鮑魚片同D荷蘭豆炒埋一齊都可以得鮑魚片有少少味之外荷蘭豆係冇味! 個廚師簡直係高手!4.蜂蜜柚子明蝦球 - 呢一味呢俾返D甜頭你嘆下. 當你食咗冇味同咸既2道菜之後，滿滿既柚子醬浸過D蝦球，食1啖都還可以食多幾咪甜到你牙都軟!5.蟲草花蒸海花斑件 - 新鮮到你仲食到有D海水味仲同D魚鱗充滿係口腔到6.黑椒蔥爆牛柳粒 - D牛唔止WELL DONE咁簡單, 完全係OVERCOOK, 冇D牙力都搞唔掂再講服務:當時已同店長反應各樣菜式既問題，但佢既反應就係同你講第2樣野完全唔處理問題。到之後切蛋糕既時候店長就走黎話要收切餅費$100 仲話平時係唔會收, 依家做緊優惠所以要收!! 呢個係公司政策咁話! 重點係佢收左我錢但又唔幫我切個CAKE先好野! 最後要自己切返個CAKE店長仲話: 公司都俾左5折優惠啦!已經好平! 簡直荒謬 咩叫平時係唔收切餅費而依家優惠就要收?? 一間公司咁樣做生意真係勵害真係冇下次呀!
繼續閱讀
今早打算去飲茶，等咗一陣職員先派飛，花園飛之後一路都唔叫飛，似呢啲人一直係咁入去。我再問門口嘅職員，佢就安排51號枱，跟住再問佢，居然發脾氣唔畀我哋入坐，繼續畀其他人入去坐，嬲到震搵經理投訴，又幫唔到手。根本就完全冇服務，態度又惡劣，居然話我自己唔入坐，咁樣做嘢都得，真係第一次。一定要劣評，飲茶都未試過係咁樣樣，直頭當你冇到，完全唔知咩係服務，咁樣去屈個客都有，都唔知點解仲可以生存，呢個真係一個非常不愉快的經驗。
繼續閱讀