◆ 陳瀅與愛犬Kumo客串演出。
◆ 周嘉洛同Kumo好老友。

香港文匯報訊（記者 梁靜儀）前晚播出一集的《寵愛Pet Pet》最大驚喜位，絕對是陳瀅與愛犬Kumo客串演出，雖只是閃現數秒，但已令觀眾十分有驚喜。說到陳瀅閃現客串，監製Andy透露：「佢知道我拍《寵愛》之後，就一直好想自己嘅愛犬可以有份出鏡，嗰時佢又開緊第二部劇，最後諗到喺呢場戲安排佢做一個客人，滿足佢嘅心願。」拍攝現場Kumo非常黐周嘉洛，嘉洛更將Kumo放在膊頭上跳舞，現場其他演員見嘉洛同Kumo鬼咁老友不禁說：「點解隻隻（動物）都咁鍾意你嘅？」當日除了陳瀅，張振朗亦有到場探班。

至於林夏薇與周嘉洛組成的「薇洛CP」相當入屋，繼薇薇早前在社交網上載的洗頭搞笑片勁吸逾百萬觀看次數後，二人再次合體出擊大晒好「舞」功，薇薇於社交網晒出孖嘉洛跳舞片段，身材Fit爆的薇薇以緊身小背心上陣大晒纖腰，而向來玩得的嘉洛則大晒狂野電臀舞，十分搞鬼。