想嚟好耐 因為佢個好grand加少少復古嘅裝修 再加上想試比人pub到好勁嘅Grissini同Tiramisu 但食完覺得食物只係平平 少失望 𝟱 𝗖𝗼𝘂𝗿𝘀𝗲𝘀 𝗗𝗶𝗻𝗻𝗲𝗿 𝗦𝗲𝘁($𝟴𝟴𝟬 𝗽𝗽) 🤍𝗚𝗿𝗶𝘀𝘀𝗶𝗻𝗶 | 𝗥𝗮𝘁𝗶𝗻𝗴: 𝟵/𝟭...𝟬 果然係用嚟做餐廳名嘅食物 真係 好 好 食 一坐低職員會放咗三條新鮮出爐嘅喺枱 會辣手嗰種 外脆內軟 咬落去係脆到有聲嘅麵包條 最後我哋兩個人食咗六條😂 🤍𝗖𝗮𝗽𝗼𝗰𝗼𝗹𝗹𝗼 𝗛𝗮𝗺 | 𝗥𝗮𝘁𝗶𝗻𝗴:𝟴/𝟭𝟬 聽聞通常用豬肩肉整 脂肪比例比較多 食落油脂香比較多 比較腍 鹹鹹香香 🤍𝗕𝘂𝗿𝗿𝗮𝘁𝗮 𝗔𝗿𝘁𝗶𝗰𝗵𝗼𝗸𝗲 𝘀𝗮𝗹𝗮𝗱 | 𝗥𝗮𝘁𝗶𝗻𝗴: 𝟴/𝟭𝟬 Burrata入口超級creamy 但比較淡奶香 整體配搭都夾 好食 唯獨有啲乾番茄喺入面自己唔太鍾意 🤍𝗠𝗮𝗿𝗶𝗻𝗮𝘁𝗲𝗱 𝗮𝗻𝗰𝗵𝗼v𝗶𝗲𝘀 | 𝗥𝗮𝘁𝗶𝗻𝗴: 𝟳.𝟱/𝟭𝟬 用檸檬 薄荷 辣椒醃製鳳尾魚 入口微辣 酸味開胃 魚嘅口感比較蓉(?) 🤍𝗬𝗲𝗹𝗹𝗼𝘄𝘁𝗮𝗶𝗹 𝗰𝗮𝗿𝗽𝗮𝗰𝗰𝗶𝗼, 𝗲𝗴𝗴𝗽𝗹𝗮𝗻𝘁 | 𝗥𝗮𝘁𝗶𝗻𝗴: 𝟴.𝟱/𝟭𝟬 全晚比較驚喜嘅一道 幾特別嘅配搭 微微烤過嘅茄子薄片 茄子香會更出 配油甘魚刺身 唔算太肥美但都食到魚香 調味都係酸酸地少少辣 同樣係開胃嘅冷盤前菜 🤍𝗦𝗽𝗮𝗴𝗵𝗲𝘁𝘁𝗶, 𝗔𝘁𝗹𝗮𝗻𝘁𝗶𝗰 𝗹𝗼𝗯𝘀𝘁𝗲𝗿 | 𝗥𝗮𝘁𝗶𝗻𝗴: 𝟳/𝟭𝟬 龍蝦意粉 但主要係番茄味 只有微弱龍蝦味 意粉口感普通 唔算好彈牙 總結就係一碟普通嘅意粉 🤍𝗥𝗼𝗮𝘀𝘁𝗲𝗱 𝗽𝗼𝗿𝗸 𝘁𝗲𝗻𝗱𝗲𝗿𝗹𝗼𝗶𝗻 | 𝗥𝗮𝘁𝗶𝗻𝗴: 𝟳.𝟱/𝟭𝟬 烤豬里脊肉卷 配咗啲蘋果泥同瑞士甜菜 淋上紅酒汁 肉似慢煮嗰種口感 肉味還好 偏鹹少少 同甜菜一齊食就啱啱好 但蘋果泥喺到係完全唔知做乜 🤍𝗧𝗶𝗿𝗮𝗺𝗶𝘀𝘂 | 𝗥𝗮𝘁𝗶𝗻𝗴: 𝟳.𝟱/𝟭𝟬 期待已久 聽聞係全港數一數二嘅Tiramisu 視覺上亦好滿足 係一大碗到𢳂一大羹比你 Mascarpone cheese真係好香滑 手指餅濕潤度啱啱好 咖啡味都幾夠 但! 個酒味真係太濃 濃到苦 有啲”kok”喉 自己真係唔ok咁樣 都係比較鍾意兩者平衡嘅tiramisu多啲🥲 總括覺得唔worth埋單每人$900幾 基本上都冇一碟係會嘩 好好食 咁樣 會寧願比貴多少少 食啲真係有水準之作嘅fine dining更多