整容變臉早已不是女星專利！據了解，一直被稱山寨劉華的陳展鵬（煎 Pan），去年零酬勞為美容院新店開張做嘉賓，還身先示卒，幫襯打造雙眼皮、隆出鷹鼻；再打埋蘋果肌、 Botox。貪得滯，打多咗，令煎 Pan已由老翻劉華變豬頭。

14′

太重手

我變，我變，我變變變！陳展鵬 08年重投無綫，由配角做起，六年間由二打六攀上一線小生，樣貌亦愈來愈變化多端，已年屆 36歲的他，今個月中出席新劇《叛逃》宣傳活動時，臉頰飽滿近乎零皺紋的豬頭樣，驚爆！

13′
硬膠臉去年開始打針防皺的煎 Pan，已出現硬膠臉。

11′

07′

03′

山寨版劉華

煎 Pan樣子亦正亦邪，出道時被指有劉華影子。

唔識做

入行接近廿年的陳展鵬，由亞視二打六捱到被無綫力捧，成為上位小生劇接劇，經歷重重困難。
「煎 Pan喺個圈碌咗咁耐，唔多唔少都有啲實力，不過佢唔係咁識做人，好似喺無綫同蕭正楠同組同一個經理人，不過待遇就好有分別。佢冇人哋咁識氹人，係蝕底啲！但至少都有珍姐（曾勵珍）睇佢，可以劇接劇咁拍；而家播緊套《叛逃》煎 Pan個角色好重，擺明俾機會幫佢再上。公司都冇乜人可以再捧，佢自己都知要好好把握，唔可以再嘥時間同機會。」一名無綫人說。

正在播映的《叛逃》，煎 Pan因有曾勵珍撐腰，所以戲份一加再加，先後與陳茵媺及蒙嘉慧有感情線。

去年播出的《巨輪》，由煎 Pan及蕭正楠孭飛，口碑不俗。

追唔到

機會擺在眼前！為了坐穩一線小生位置，煎 Pan亦緊貼娛圈潮流，進行變臉增運。為此，他更將美容院老闆娘 Kristy當成水泡。
「煎 Pan個樣亦正亦邪，入行已經俾人話有啲似劉華，等咗咁多年終於上到位，佢話要好好把握，近呢一年，佢識咗開美容院嘅 Kristy，個樣幾好亦同佢好啱 key，煎 Pan都追咗對方一陣，不過 Kristy就唔多受，不過煎 Pan都冇放棄，仲成日做義工，又幫襯對方整完呢度執嗰度。」知情者說。

煎 Pan冧爆美容院老闆娘，去年 Miss Beauty開張，煎 Pan不收酬勞撐場兼剪綵，之後更在該店打針變臉。

不拖不欠

去年十二月， Kristy旗下的 MissBeauty開張，煎 Pan義務做剪綵嘉賓外，還親自做白老鼠，接受「改建」。
「開張嗰日煎 Pan雖然遲到，不過佢冇收錢都算係咁喇， Kristy都好多謝佢！之後煎 Pan仲做埋客仔，釘咗兩針雙眼皮，隆高咗個鷹鼻，兩頰打咗蘋果肌，再打埋 Botox。
「 Kristy唔想欠煎 Pan人情，所以冇收佢錢，當打個和不拖不欠。點知煎 Pan見打咗針觀眾緣好似好咗，又多咗好多女粉絲，所以佢就 keep住嚟；但最近可能重手咗，早排做新劇宣傳活動都未散腫，成個豬頭咁，差啲認唔出佢。」知情者說。

一直有傳煎 Pan與鍾嘉欣拍劇而撻着，兩位主角否認，並表示大家只屬好友。

女性緣甚好的煎 Pan，與貝安琪有過霧水情緣。

剛與唐詩詠合作《大藥坊》的煎 Pan，傳與女方撻着，他沒有直接否認傳聞，並指將來的事冇人知作回應。

姚佳雯是煎 Pan入行以來唯一承認拍拖的女朋友，雖然兩人已分手，但仍保持朋友關係。

今年三月初，《巨輪》中主要演員到馬來西亞雲頂開演唱會，令曾是歌手的煎 Pan有機會一展歌藝。

因陳茵媺大肚，所以未能與煎 Pan嚟到馬來西亞宣傳劇集《單戀雙城》，改由林夏薇、洪永城、黃翠如及楊明等人伴住煎 Pan出席宣傳活動。

自稱水腫無整容

陳展鵬、吳卓羲昨日到元朗大棠野戰場宣傳劇集《叛逃》，展鵬否認整容，解釋只是水腫，他說：「拍完《大藥坊》後患病，那天宣傳狂流鼻水。我被寫無所謂，但不要影響別人，那位老闆娘是我認識很久的朋友。」陳展鵬相信認識他長時間的朋友會分辨到他有無整容，至於日後是否考慮整容日後再算，可能到時吃一粒藥已能年輕20年。他又勸喻普通人不要冒險去整容。

吳卓羲亦不覺陳展鵬整容，覺得對方愈來愈靚仔，可能只是水腫。他本身不會考慮整容，平時敷面膜都少，個人崇尚天然，但笑言不排除老了會打1、2針，現在不需要。