香港沙田萬怡酒店自助餐 Courtyard by Marriott Hong Kong ST｜MoMo Cafe｜自助午餐、自助晚餐

今次體驗真是價性比超高。klook訂購的中午自助餐。有任食即開生蠔雖然比較瘦，但新鮮同鮮甜，廚師態度非常友善，肉眼扒肉質嫩滑有牛肉味，京蔥海鮮湯有蝦、豆腐、石斑同帶子非常鮮甜，煮麵食新加坡喇沙湯底非常鮮甜，三文魚一般，吞拿魚肥美新鮮同鮮甜 還有甜品好食 檸檬撻非常鮮味， Movenpick雪糕杯任食！這次體驗非常有驚喜，咁嘅價錢有這麼多的食品同咁好的服務態度，但只得咖啡、紅茶、奶茶任飲，若有果汁及汽水就更為完美。下次會再次光顧!

平時喺啲facebook page或者一啲網站，問親啲人沙田萬怡酒店自助餐好唔好食個個都話唔好去，咁啱遇到三百幾蚊一位，唔係咁貴就去試一試佢！首先講冷盤，麵包蟹的膏好好食長腳蟹就正常凍龍蝦質素好好，刺身叔叔非常之有禮貌，刺身都好新鮮，生蠔就比較瘦啲，最精彩嘅就係蒸龍蝦😂好食到痴咗線，仲係無限任攞不過好似喺我哋幫襯之後唔夠一個月佢已經冇咗蒸龍蝦😂😂😂羊架嗰啲都係正常發揮，佢有超大條嘅蒸沙巴龍躉擺喺度，都係嗰句啦正常發揮😂不得不提嘅係佢個甜品嗰啲細細舊嘅餅乾，真係好食到可以話我未試過遇到一間嘅餅乾咁好食😂movenpick雪糕任食👏👏不過呢到咗大概八點鐘左右凍海鮮就已經真係冇refill，所以真係唔好咁晏去，另外值得一食嘅就係佢嘅熱盤炒嘢，好有鑊氣，調味都好好，粉麵嗰啲就唔使嘥位去試喇😂如果去到記得記得一定要食我最尾嗰張相嗰種餅乾仔同埋窩夫，佢嘅甜品簡直稱得上係專業😂真係要為呢間酒店之前啲人話唔好食嘅評論平反一下！估計可能係換咗廚房師傅😂同埋佢嘅座位係非常好坐一啲都唔逼👍

餐廳食物環境價錢樣樣都好 侍應收碟好快所有嘢都做得 滿意。唯獨最差就係嗰個餐廳經理男仔嚟嘅戴眼鏡， 明明有後備生日牌嘅蛋糕擺左係甜品位置到，開口問佢想要1個，佢態度好串咁樣話冇book就冇了，唔畀我， 最後甜品 姐姐等佢行開咗就畀我，值得一讚。 嗰個餐廳經理九點鐘啲客未走曬，就走去燒鵝當嗰度又自己切燒鴨髀食，又去麵檔自己煮粉 食，好似佢自己屋企咁。但係啲客都未走晒，未清場，態度差到暈，酒店真係要考慮下 清去啲害群之馬。

鐵路沿線位置佳，食物種類多元化質素不錯，物超所值。海鮮湯飯很鮮味，內有花膠小元貝鮑片蜆肉等等。基本魚生種類中，還有大大粒的帆立貝。餐廳內裝橫簡約中優雅，不同形式座位寬闊舒適。餐碟更換很快，服務人員誠懇服務態度，特別是經理梁先生，上次在電話中訂枱外，今次更幫忙安排臨時生日小蛋糕。整體感覺不錯，下次會再來享用美食。

輕鬆預訂並在酒店餐廳輕鬆兌換。工作日非常擁擠。特別是我們喜歡各種各樣的甜點！

見到有快閃買一送一，幾抵食，雖然係星期五，但人數不算多，空間感十足，坐得幾舒服。但人手唔算太多，間中都要叫人過黎執枱。每人附送一隻龍蝦，幾鮮甜美味😋。生蠔大小參差，唔算肥美。刺身反而新鮮幾好食。熱食方面，羊架比較出色，另外仲有雞蛋仔同竽圓都幾好味。雪糕有movenpick，口味幾多，總括而言，值得一試！

是次在情人節的節日中仍然能以50 percent 價格享用自助午餐，非常優惠。 食物種類非常多、 沙律、 魚生 、 壽司、 生蠔等。 海鮮湯、 麵檔、甜品種類繁多，仲有 豆腐花 、雞蛋仔等。 幾類中式點心 如燒賣、珍珠雞、 奶黃包。 牛柳、豬柳、熱盆。 冷、熱茶、 檸檬茶、咖啡等。 多款水果及雪糕。值得 推介。

食物的選擇很多，味道鮮美又新鮮。工作人員很友好，樂於助人。酒店場地很容易找到。我肯定會向我的朋友推薦這項活動。