希斯力爭7連勝 要同安仔齊心同行

剛戰跑馬地夜賽，希斯馬房「成才」打疊取勝，更為練者創下連續6日取勝紀錄。

明日(25日)沙田日賽，希斯只派兩駒上陣，分別「包裝大獎」以及「齊心同行」，但兩駒皆有餐士，不能小看。「齊心同行」上仗跑四班同程賽事，被捧成1.9倍大熱，最後更在潘頓胯下輕鬆取勝，賽後獲加10分，需升上三班出戰。

今仗「齊心同行」列陣第3場三班1200米草地，排4檔起步，由於潘頓造不到116磅，今仗換上田泰安執韁。希斯接受訪問時，表示「齊心同行」上場贏馬姿態具說服力，牠該場抽11檔起步，但出閘後能迅速貼欄領放，前速飛快末段有勁。希斯更表示，對「齊心同行」寄望甚殷，雖然今仗要面臨強手，但牠晨操狀態對辦，今仗負輕磅上陣，當然有力一爭。