70
0
1
港鐵尖沙咀/尖東站 B2 出口, 步行約4分鐘
繼續閱讀
電話號碼
52799003
開飯介紹
位於尖沙咀H8的港式火鍋店，環境闊落，提供多元化高質火鍋食材，例如，牛肉、時令海鮮，還有刺身拼盤。而湯底種類更有十多款，任君選擇。
繼續閱讀
營業時間
今日營業
17:00 - 02:00
星期一至日
17:00 - 02:00
公眾假期
17:00 - 02:00
公眾假期前夕
17:00 - 02:00
*最後落單時間: 01:30
以上資料只供參考, 請與餐廳確認詳情
有關獎賞計劃
食家推介
今次真係捉住11月的尾巴😂同11月之星食個生日飯，天氣涼涼地打邊爐絕對係聚會既第一選擇。朋友1號話最近去過尖沙咀厚福街一間上樓火鍋店質素不錯，叫 @mr_hotpot_h8 「火鍋先生」，人數多的話仲有VIP房可以訂，不過今次得5個人就正常咁訂位好了！「火鍋先生」唔計二間VIP 房大約8-10枱座位，為免白行都建議先訂座，裝修風格有點似酒吧，其中二張仲係卡位，枱與枱之間空間都夠闊，坐得比較舒服😌壽星仔女話想食刺身，店員推介左象拔蚌同唔記得咩魚😂象拔蚌好大盤，夠新鮮好甜好爽口，不消10分鐘已經落哂我地個肚！另外既魚刺身都好爽都幾唔錯，師傅刀工都幾好件件平均，而且晶瑩剔透！另外加錢將魚頭去炸變成小食，又幾唔錯喎！另外我地都叫左半打生蠔🦪，未開始打邊爐已經飽左一半🤣食完刺身就當然到鍋底上枱時間，我地選擇店家推薦最受歡迎頭三甲既其中一款，「花膠竹笙瑤柱冬瓜雞鍋」😂 滋補系列，除左花膠竹笙都係一大亮點，好少見到咁大條仲要咁多，雞湯底好濃郁冬瓜入哂味❤️打邊爐點可以無牛肉，除非你唔食牛架啫⋯⋯五個人叫碟雙拼加多條牛橋🤣岩岩好，再加碟小食咸蛋黃魚片頭，完美終結！*設有加一服務費
繼續閱讀
香港人普遍愛打邊爐，我亦不例外。之前來過這家火鍋店印象中不錯，決定和朋友再來試試！首先湯底選了店員推薦的火焰椰子雞鍋～強烈的酒香味，加上整整2個椰青水，在烈火表演後，水滾後熄火5分鐘，先飲湯，後吃雞。湯是清甜好味，雞是嫩滑酒香！再來是重頭戲牛肉！本人吃火鍋其實主打吃牛肉！這裡牛肉竟然有部位選擇！😍吊龍，雪花，肥胼～ 最後我選了雪花！原來雪花就是頸脊位呢～ 這肉味跟油脂感我覺得剛剛好😋再來點了肥鵝腸，白松露蟹肉餃，菜福籃肥鵝腸仲有白色果啲肥肥🙃 我個人黎講最鐘意！ 白松露蟹肉餃勁好食！可能因為我鐘意松露系列！🤓跟住就飽左，2個人食唔到咁多野⋯淨係食晒啲雞其實都半飽左⋯😂整體黎講我覺得好好食！ 下次試埋其他湯底先！
繼續閱讀
上菜慢，等左好耐都未有野食，寫紙落錯單，野食黎錯，人手嚴重不足，場面非常混亂🙃食物質量正常不過不失，份量少 ，冇驚喜。飲品酒水唔夠。以後唔會再去，非常失望的一餐
繼續閱讀
大家都知尖沙咀係我經常出沒嘅地方😜～ 要係呢頭食好西絕對難唔到我～ 今日朋友就話想打邊爐～ 即刻帶佢去H8見下我先生😆話說呢位先生係我嘅新歡～ 講緊既係✨火鍋先生呀！呢度同一般火鍋店，感覺好唔同～ 座位闊落、色調優雅，店面雖不算很大也設有VIP房，一大班朋友想Private d都ok! 我自己特別鍾意佢摩登時尚嘅餐具～ 顏色好girly ☺️我哋不約而同都話好耐好耐冇食過沙嗲鍋😆～ 個🍲懷舊沙嗲鍋一嚟到就勁香，未開始食都feel到好惹味！叫完湯底、見到有🦪時令生蠔，仲要$18隻咁抵！即刻order返半打先🤗老實講~ 生蠔真係性價比高，size適中、爽口兼海水味濃👍🏻好，烚烚下時間到了！🐮薄切牛舌食慣肥牛，今日轉下口味食牛舌～ 果然無揀錯～ 牛舌入口軟嫩、啖啖肉香～🐑紐西蘭草飼羊肉卷肉質細嫩，羶味香濃。同蒙古羊略有不同～🐷豬頸肉平時打邊爐好少叫豬頸肉，但佢絕對係沙嗲鍋嘅best friend!!!! 肥瘦均勻、肉質爽嫩！ 有種食串燒沙嗲豬頸肉咁嘅感覺😆~🦐手打蝦丸新鮮手打，彈牙鮮味！ 好味丫！🍜讚岐手打鳥冬烏冬口感細滑，浸埋沙嗲湯一齊食好鬼正🤤🥢炸響鈴鮮炸響鈴絕對係我至愛！🤭索埋沙嗲湯底邪惡到爆！🥬MR. 菜福籃有唐生菜，娃娃菜，西洋菜～ 油膩中加小小fresh😂飲品方面叫咗Hoegaarden同烏龍茶😁 如果有熱茶飲就更加好！ 侍應親切有禮、又會主動換碟都值得一讚呢～
繼續閱讀
‼️❤️ 記得CLICK我PROFILE關注我呀 ❤️‼️.🥘 H̾e̾a̾r̾t̾y̾ ̾H̾o̾t̾p̾o̾t̾ ̾F̾e̾a̾s̾t̾ @ 🌟 火鍋先生《👽食神大媽打邊爐》.💁♀️ 圖片展示美食為：美顏養生豆乳白鍋 HKD 148美國安格斯牛板腱 HKD 108鹿兒島極黑豚肉片 HKD 98爆脆鯇魚片 HKD 68手打蝦滑 HKD 88爆汁JUICY牛丸 HKD 68子薑皮蛋 HKD 38炸響鈴 HKD 48MR菜福藍 HKD 68SOL HKD 30花臉啤酒 HKD 40.👽 大媽最鍾意約朋友打邊爐吹水聚會！要約齊朋友仔打邊爐就一定要揀地理位置超方便，座位闊落坐得舒服嘅餐廳，尤其夏天熱辣辣一定要冷氣開得好足，呢間餐廳就絕對係好選擇啦！.🌞 等緊上湯底嘅時候，先來一款清涼前菜「子薑皮蛋」。皮蛋一咬就知原材料好優質，加上子薑嘅香味，超級開胃。.🥘 夏天熱辣辣最怕湯底杰撻撻，呢個「美顏養生豆乳白鍋」就好適合，一啲都唔油膩，仲有靚靚木瓜花花，加上有好多豆腐喺入面㗎，湯底好清甜好香濃！.🐂 牛肉就當然係打邊爐嘅重點，要叫就叫好味嘅，呢個「美國安格斯牛板腱」性價比超高，油花分布平均，完全無筋，咬落非常之嫩口！.🐷 另一款優質肉肉就係「鹿兒島極黑豚肉片」，同樣肉質滑嫩，絕無騷味，好新鮮。.🐟 咁清甜嘅湯底，就當然要嗌魚魚！「爆脆鯇魚片」魚肉好新鮮，煮熟之後魚皮邊嘅口感好好，同埋睇得出師傅刀工好好。.🍡 肉肉以外，最緊要嘅咁就當然係丸類啦！但一定要優質，先唔會辜負咁靚嘅湯底㗎嘛！「爆汁JUICY牛丸」真係名副其實一口咬落去就爆汁，肉汁淋漓，好滋味。.🦐 仲有「手打蝦滑」，蝦味濃郁，非常有鮮味，超級彈牙，同一般機打完全唔彈牙無料到嘅頓時高下立見。.🥠 咁多靚材料，湯底咁濃郁，當然要整份超級索湯嘅「炸響鈴」！呢度好明顯係新鮮炸起，外皮超酥脆，香脆可口，正到不得了！.🥬 因為湯底濃吖嘛，所以呢就一定要叫D非常之索湯嘅菜！叫多個「MR菜福藍」，有皇帝菜、娃娃菜、同埋生菜。又健康，又暖胃。吸盡所有濃湯精華再一啖食落肚，超滿足呀，為呢一餐畫上一個非常完美嘅句號。.🍺 打邊爐點可以唔叫啤酒？店員推介呢度做緊推廣嘅招牌啤酒「SOL」同「花臉啤酒」。清涼解渴，麥味香濃，超級消暑，絕配！.🌟 大媽覺得呢間邊爐店位置方便，食材優質，價錢絕對係物有所值！最緊要係坐得超級舒服，冷氣超級足，好爽！放工約齊D朋友仔黎吹水打邊爐就最啱喇！.📍 尖沙咀厚福街8號H8 11樓☎️ +(852)6221-1521.‼️❤️ 記得CLICK我PROFILE關注我呀 ❤️‼️.💯 最真實的美食點評 ❤️ 歡迎報料 ❤️.꧁𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌꧂.
繼續閱讀