更多
2019-05-27
1589 瀏覽
打工仔搵「食」艱難，尤其是中環嘅打工仔，閒閒哋食個lunch都要成百蚊😿但勝在選擇夠多，中菜西餐應有盡有。但如果好似我呢啲喺半山嘅朋友，真係揀都無得你揀😂 有一日，同事好似發現新大陸咁同我講，原來堅道明愛大廈入面，有間隱世嘅明愛餐廳！我諗好多人都同我一樣，只知道明愛係一間NGO，而唔知道明愛係有餐廳嘅！就係咁，我哋兩個就一齊嚟到明愛餐廳探秘👀餐廳喺大廈3樓，唔係地舖，所以食客唔算多，唔會好嘈冤巴閉，方便同同事食飯、午餐會、朋友聚腳談心😍我揀咗限量供應嘅西冷牛扒配黑椒汁（$118加一），首先上餐湯同餐包，餐湯係曼哈頓海鮮周打湯，味道唔錯，而且真係好多料，所以飲完餐湯加食埋個包，已經飽飽哋喇😂之後上主菜，個牛扒賣相ok，不過黑椒汁都幾辣，有啲後悔落order嗰陣無轉汁...肉質方面，對得住價錢，係有啲位比較多筋，但整體嚟講都算唔錯了👍同事就叫咗意式海鮮寬條麵（$98加一），佢俾咗啲我試，我覺得好食過我嗰個😂 佢啲汁好高質，唔似一般餐廳嗰啲得個酸字，所以都幾開胃，而且仲有大大隻青口、大大隻蝦😋 真心覺得好抵食👍 同事都話味道唔錯，但啲蝦嘅質感略嫌太爽，呢點有啲扣分~食完個主菜，我哋兩個都飽到
有一日，同事好似發現新大陸咁同我講，原來堅道明愛大廈入面，有間隱世嘅明愛餐廳！我諗好多人都同我一樣，只知道明愛係一間NGO，而唔知道明愛係有餐廳嘅！就係咁，我哋兩個就一齊嚟到明愛餐廳探秘👀
餐廳喺大廈3樓，唔係地舖，所以食客唔算多，唔會好嘈冤巴閉，方便同同事食飯、午餐會、朋友聚腳談心😍
我揀咗限量供應嘅西冷牛扒配黑椒汁（$118加一），首先上餐湯同餐包，餐湯係曼哈頓海鮮周打湯，味道唔錯，而且真係好多料，所以飲完餐湯加食埋個包，已經飽飽哋喇😂
77 瀏覽
0 讚好
0 留言
72 瀏覽
0 讚好
0 留言
之後上主菜，個牛扒賣相ok，不過黑椒汁都幾辣，有啲後悔落order嗰陣無轉汁...肉質方面，對得住價錢，係有啲位比較多筋，但整體嚟講都算唔錯了👍
西冷牛扒配黑椒汁
56 瀏覽
0 讚好
0 留言
同事就叫咗意式海鮮寬條麵（$98加一），佢俾咗啲我試，我覺得好食過我嗰個😂 佢啲汁好高質，唔似一般餐廳嗰啲得個酸字，所以都幾開胃，而且仲有大大隻青口、大大隻蝦😋 真心覺得好抵食👍 同事都話味道唔錯，但啲蝦嘅質感略嫌太爽，呢點有啲扣分~
意式海鮮寬條麵
49 瀏覽
0 讚好
0 留言
食完個主菜，我哋兩個都飽到上心口，原來仲有個跟餐甜品－－咖啡味Mousse，雖然已經好飽，但食落唔會好膩，三兩啖又食咗落肚😂
咖啡味mousse
37 瀏覽
0 讚好
0 留言
整體而言，明愛餐廳係值得推介嘅，如果大家都喺半山打工，不妨一試👍
張貼
