Ian@MIRROR與袁澧林合作即拖手

等到啦!等到啦！Ian陳卓賢終於喺情人節，推出由自己親自作曲嘅新歌《留一天與你喘息》，MV喺夜晚首播，今次搵到Angela袁澧林做女主角，兩人飾演精神病人，第一場即刻拍拖手戲，Ian好感激對方嘅參與，令拍攝過程十分順利。首歌夠晒浪漫，不過Ian就解釋其實首歌唔一定講愛情，佢仲藉住新歌向Hellosss示愛，話無論世界發生緊咩事，有幾危險，都仲有大家嘅存在，真係好浪漫呀！而噚晚Ian都有突擊開live同大家一齊睇首播，佢隻狗狗雞髀都有出場，全程都好興奮！而噚日美國網站亦都公布Ian獲提名全球百大俊男選舉，一日收到咁多驚喜，今年嘅情人節Hellosss肯定勁難忘呀！