【Viu】英皇電影《金手指》今晚舉行首映禮，梁朝偉、劉德華、任達華、方中信、阿Sa蔡卓妍、何啟華、陳家樂等盛裝出席，各位巨星嘅Fans迫滿3層商場，這邊廂華仔嘅Fans大叫「華仔好靚仔」，震撼全場！好彩「何啟華一哥」都唔弱，一班羊群霸咗有利位置，企正偉仔燈牌隔離，威威豬㗎！Dee哥透露飾演富二代，但係已事隔3年，連角色姓咩都唔記得喇！至於被指搶鏡呢？佢就笑言可能因為嗰期太肥啫，認真鬼馬！
至於阿Sa就分享同偉仔拍嘅激情戲，已經畀「梁太」劉嘉玲過目，點知梁太嫌唔夠激，坐喺台下嘅嘉玲姐，仲全程充當攝影師，幫老公影相同拍片，老拍檔華仔當然專登cue畀梁太影先啦！
此外，飾演華仔太太嘅周家怡，自爆得到呢位「老公天花板」令佢返唔到轉頭，仲話自己一定嫁唔出㗎喇，笑Cry呀！
