星玄｜方力申追女從未失手　自嘲個底太花致婚事無期

今日係5月16日農曆四月初九，是日最旺生肖係猴，財運及事業運不錯，易從投資中獲利。「猴仔」 方力申（小方）今年可謂瓣瓣掂，先係2月飛到多哈出戰，世界先進游泳錦標賽，勇奪銀牌。之後又喺新劇《逆天奇案2》，飾演天才物理學教授，罕有飾演反派嘅佢，演出令人眼前一亮，而下個月又去到，佛山舉行首個內地個人演唱會，果然財運及事業運都唔錯。

早前現身劇集大結局活動嘅小方，受訪時笑言雖然喺劇中追求薇薇不遂，但現實中追女仔從未「食檸檬」，因每次有十成把握才會行動。現時與女友葉萱處於蜜月期嘅佢，自嘲受過往嘅緋聞影響，至今仍未能贏得女友信任，深明對方需要更多的時間去了解，所以未認真同女友相討結婚。

今日幸運星係金牛座，與情人共處，能夠無所不談，感覺好到極。性感火辣人妻楊洛婷（Rabeea）就係金牛座，佢同老公Tim不時都喺社交網上放閃，繼早前佢哋一家人去泰國旅遊之後，Rabeea又再放低仔女，同老公一齊去上環，食好嘢兼享受二人世界，咁甜蜜又恩愛，感覺當然好到極啦。