【Viu】林峯、劉俊謙、Philip伍允龍同胡子彤今日出席《城寨福利委員會落區答謝見面會》,同800位Fans近距離接觸,圍觀巿民仲迫爆3層商場,認真犀利!
子彤坦言今日畢生難忘,估唔到自己有機會出席Fans見面會;林峯仲爆Philip反問大家到底拍咗套咩電影,可以有咁大迴響,4子仲預告票房破億有咩福利,最年輕嘅子彤明顯被Trap,畀各位大佬起鬨叫佢含奶嘴、著BB衫謝票,事關佢已經升呢為「小可愛」同「子彤BB」喇!
至於榮升「劉老公」嘅劉謙,大方回應「真劉太」蔡思韵嘅大愛,接受一眾「劉太太」,仲預告有「老公福利」喎!
講到Philip舊愛鍾嘉欣都有捧場,仲話想合作拍打戲,「Alfred」林峯就做塘邊鶴話好想睇「常在心」同Philip合作喇,仲認同Philip係筍盤,3子又再起鬨迫伍允龍公開擇偶條件,最後一項真係笑出聲!想知就睇足本訪問喇!
【Viu】日本人氣AV女優河北彩伽嚟香港舉行首個粉絲見面會,以「Our Wedding 」為主題,佢穿上好pure白色lace裙,與現場約150位近乎清一色「新郎哥」結婚,真係好夢幻!司儀即場教彩伽BB哼姜濤名曲《蒙著嘴說愛你》,雖然唔係好識,但把聲咁甜,加上儍氣遮面,粉絲點會唔冧。
彩伽透露一向享受me time,但最近出席閨密婚禮後,令佢對結婚有憧憬。原來較早前,彩伽身邊有位幾好男士出現,可惜無疾而終。機會嚟嘞飛雲,彩伽即場列出三大擇偶條件,想知係乜?睇片有答案。
其實彩伽對香港男仔印象都唔錯,之前佢同ROVER嘅亨仔、Kim、希晉同埋KC、TSOUL拍過《沖繩任你點》,話覺得呢幾個香港男仔好溫柔,而其中一位仲係佢理想型添,嘩,係邊個呢?!
【Viu】古天樂、任達華、謝君豪、內地演員此沙、袁富華(Ben)、楊偉倫(阿卵)同Amy Lo盧慧敏等今日出席新片《偵戰》拜神儀式,三大影帝古仔、華哥同君豪哥合作,除咗打到飛起外,仲笑到爆嘴,席間君豪哥推介「平甩功」養生;華哥就hard sell每晚食兩粒健康食品,笑到古仔都讚叻呀!
講到《九龍城寨之圍城》已經衝破8千萬票房,榮登香港電影史上華語片票房第二名,古仔直言希望登上冠軍寶座,華哥同君豪都有買飛入場支持呀!佢仲話「前傳」同「終章」已經寫緊劇本,亦會加入新角色,仲講返喺康城影展點解眼濕濕添,風趣到爆!
至於Amy Lo首次擔任女主角緊張兼興奮,最開心係同一眾影帝有對手戲;此沙就大讚由細睇到大嘅影帝sss保養得宜,甚至比以前更型!此外,Ben哥同阿卵喺片中演探員,要畀人「探嚟探去」,搞到周身花晒,笑住爭做「探花」!想笑餐飽就睇足本訪問啦!
【viu】《第六屆KKBOX香港風雲榜》會展舉行,MIRROR、COLLAR、陳蕾、洪嘉豪、MC張天賦、Dear Jane、Jay Fung等,輪住上台show quali唱爆舞台!
【viu】COLLAR今晚牛仔look現身《第六屆 KKBOX 香港風雲榜》,表演完六缺一返後台,隊長Gao表示芯駖喺唱第一首歌《Back In The Game》嗰陣唔小心整親腰部舊患,所以芯駖係全程負傷演出!Gao代報平安謂芯駖一落台即接受治療,並無大礙,叫大家放心!
【viu】林峯呢期憑電影《九龍城寨之圍城》嘅「陳洛軍」一角,人氣再度急升!今日佢出席汽車品牌活動吸引大批fans嚟撐場,個個都爭住想同阿峯selfie呀!
【viu】恭喜小肥又開騷啦!計埋今次,已經係小肥第三次喺麥花臣舉行演唱會,確實係「麥花臣之王」無誤!而呢次個騷名就勁啦!叫做「小肥『完全變態』演唱會」,係點變態法?同埋又係邊方面嘅變態?喺入正題之前,就聽聽小肥有咩「變態」黑歷史先啦!
【Viu】因偷拍3名女性的內衣照以及性愛場面而被起訴的崔姓男偶像成員遭求刑3年。即睇Viu《K1韓娛專訪》!
【Now.com】台灣男星炎亞綸去年被網紅耀樂指控強逼性交和偷拍私密影片,當地司法部門其後起訴炎亞綸製造少年性交行為之電子訊號罪,以及違反《個人資料保護法》的兩罪,合共三項罪名。一審判決結果在昨天(30日)出爐,炎亞綸被判監7個月有期徒刑,緩刑3年,可易科罰金。
【Viu】鄭金鈴早前在社交平台發文分享自己曾到訪勝利夜店「Burning Sun」的經歷。 即睇Viu《K1韓娛專訪》!
【viu】前天文台台長林超英同獨立音樂人 Luna Is A Bep,最近合作推出《超英歌》,MV將於6月5號「世界環境日」推出,宣揚環保訊息!由台長轉做樂壇新人嘅超英哥,大呻Rap好難;Luna Is A Bep就大讚超英哥係好學生,活到老學到老!講到歌詞中有超英哥金句:「唔好再問我有冇開冷氣,如果我開冷氣我會通知你!」Luna Is A Bep自爆獲超英哥送風扇,喂呀!小編都想要呀!
【Viu】吳永洙因在2017年時性騷擾一名劇團女成員而被起訴,日前一審結果出爐,吳永洙性騷擾罪成。即睇Viu《K1韓娛專訪》!
【viu】Rosa韋羅莎、「老闆仔」黄梓樂呢對「母子」今日孖住出活動,佢哋話自金像獎後就冇見過面,Rosa指梓樂又成熟咗!至於梓樂就冧讚「媽咪」後生咗,要改口叫「Rosa姐姐」,搞到Rosa勁開心,呢位12歲小子把口真係勁呀!
【viu】薛家燕今日出席保健產品活動,同老友記分享養生之道,席間自爆試過叫錯3個仔女名,連3歲孫仔都學佢嗌大姑姐做「珊珊」,巧打耳呀!家燕姐透露稍後會去馬來西亞拍電影,飾演特務,笑言要搵「王九」伍允龍訓練武功,識玩喎!雖然新片有小鮮肉同場,但家燕姐謝絕拍親熱戲,唔想好似「何伯、河馬」咁Open,仲講笑話:「越嚟越三級喎!太放喇!收歛啲啦!」
【viu】DJ阿正黃正宜今日出席代言活動,笑話代言費係超開心,大讚品牌搵佢勁有眼光呀!佢又透露近日悟出一個新道理,就係「財少身子弱」,所以呢位「小甜心」呼籲各位客戶多多搵佢開工,保佢身體keep住健康!
【Viu】女團Secret出身的宋枝恩在上年12月認愛平日靠輪椅代步的半癱YouTuber朴偉,更宣布將在10月9日結婚。前日(27日)朴偉上傳了與Secret成員的合照而引起關注。即睇Viu《K1韓娛專訪》!
【viu】Edan呂爵安@MIRROR連續3年代言身體護理品牌,今日香噴噴出event會爵屎!唔知兒登沖涼會沖邊part先呢?會唔會好似Anson Lo咁分享浸浴片?佢喺活動期間開心share咗dream girl味,莫非香味係擇偶條件之一?Edan指平時都好鍾意噴香水,但自爆點都會有「臭」嘅時候,邊位「鏡仔」承受佢啲臭味最多?邊位「鏡仔」又最鍾意噴香水?
【viu】Cecilia蔡思韵、Alex林德信、Elva倪晨曦、台星隋棠、泰星Tor齊齊出event,個個都model身材勁fit!講到電影《九龍城寨之圍城》登華語電影總票房第2位,Cecilia指有信心登頂做No.1!電影早前宣布開拍前傳同後續兩套,Cecilia有機喺前傳部分同「老公」郭富城談情?佢心急話仲未收到消息,希望可以參演,更自稱好打得,可以做打女咁話!不過佢笑話唔想再摑古天樂,打完嗰巴之後淆晒底,承受唔住古天樂讚佢係戲中「最打得」嘅美譽!
【viu】台灣女星隋棠久未喺香港露面,呢次快閃兩日出席品牌活動,今晚就飛返台灣開工,佢搞笑話要好好享受冇小朋友喺身邊嘅自由空氣!隋棠透露嚟緊會挑戰做打女,依家進行緊魔鬼式特訓,身上少不了有瘀傷!佢再劇透角色成日都會成身「血」,笑話有日拍完冇沖涼就直奔屋企,嚇到囡囡匿埋喊!
【Viu】YouTube頻道「脫飯收容所」製作大量抹黑影片,日前經營者因被提告而出庭,現真身被媒體拍下。即睇Viu《K1韓娛專訪》!
1 | 2 | 3 | 4 | 5 | 6 | 7 | 8 | 9 | 下一頁 |