鶴臣爺爺有料　將繼續執教水晶宮

足球博彩神器，每日重心提供盡在《彩報》：http://win.on.cc/football/　

季中回巢救亡嘅水晶宮看守領隊鶴臣，三扒兩撥就幫球隊解除降班威脅，護級成功，近日同會方談判後即將達成協議，來季繼續執教，8月將滿76歲嘅鶴臣亦將刷新英超最老主帥紀錄。

鶴臣前季卸任水晶宮主帥一職，改由韋拉接手，今季球隊捲入降班漩渦，鶴臣再度臨急受命出山接手，頭3仗即連續擊敗李斯特城、列斯聯同修咸頓3支護級對手，近5仗再取2勝1和，火速解除降班危機。

水晶宮原本只係邀請鶴臣出手執教10場，佢暫時身份仲係看守領隊，但由於成績實在太好，呢段時間伊比爾治伊斯交出好表現，而且鶴臣爺爺過去同韋費特沙夏合作無間，佢繼續留任，對沙夏續約都有幫助。