《金雞》陳奕迅零包袱演出 唱完《明年今日》去演嫖客小鋼炮
撰文:許育民
出版:更新:
今晚(19/8)重播由吳君如主演的《金雞》(2002),電影有大量巨星客串,其中當時得令的陳奕迅(Eason)都有客串一角。電影開場不久,他就以嫖客身份「小鋼炮」搵金雞尋歡,爆笑的造型及無包袱的演繹,令電影開場不久已笑翻天,大家又睇睇呢個咁有特色的E先生演技。
《金雞》(2002)由吳君如主演,並請來群星去拱照自己,她飾演一個身經百戰,由夜總會做到骨場,再到一樓一的鳳姐阿金,至於戲中客串的男星,除了曾志偉是做賊,其餘通統都是飾演嫖客,梁家輝是個嫖都要嫖得合符經濟原則的陳教授,Eason都不例外,他飾演一個掛念前度女友小白豬,從而希望在妓女阿金身上尋回點點慰藉的宅男,小鋼炮。
【每當變幻時】11年前楊千嬅陳奕迅 演繹另一《後來的我們》結局
要欣賞Eason的專業態度,先了解他當時本業,唱歌的狀況。電影時值2002年拍攝,Eason當時正在唱緊大熱作《明年今日》、電影在聖誕上畫時,他就推出首《Lonely Christmas》,浪漫到不能。換轉其他歌手,想保險點,還是不拍吧,慶幸Eason照演可也。
+2
電影宣傳時已強調會有大量巨星客串,劉德華、曾志偉、梁家輝、杜汶澤、胡軍等,Eason是隱藏沒有公開的,然後入場不久,他便率先俾個驚喜大家。宅男造型的他,將前度的角色投射到阿金身上,二人卿卿我我打得火熱,都是一氣呵成好入肉。這個小鋼炮角色,由造型到演繹上的發揮都去到盡,而且眼見一位歌神可以如此冇包袱,看得令人興奮開心。其實包袱,往往都係自己畀自己,今時今日的觀眾,唔通會以為你真係小鋼炮咩!