樂壇天王黎明（Leon）不僅創造不老神話，更不斷自我省悟求新求進步。5日，黎明在其社交網頁發長文，指聽返舊版《夏日傾情》，尾音不停震「震過貓王」，讓人難受。並致歉歌迷「辛苦了你們的支持」。自醒後的黎明從新錄製《夏日傾情》，並錄多首《越夜越有機》，拎走入面嘅槍聲，望新版本可以帶點「和平氣氛」。黎天王溫柔清新聲線30年不變，令聽眾感動不已，紛紛致謝這份新年禮物「感到窩心」。至於「新歌推出後即衝上iTunes No.1」，確原來係粉絲擺烏龍撳錯舊版本。
當年聽返《夏日傾情》舊版 自己都被嚇親
5日深夜，Leon在其社交網頁發長文，同歌迷致歉。他表示，《夏日傾情》一曲是他初出道不久錄製的一首歌，自己都很久沒有聽過。即便開演唱會或彩排時唱，因為好熟都無需攞返當年嘅CD版嚟聽。
「但喺舊年有一次坐人哋車，個人突然播出《夏日傾情》當年版，我一聽之下，即刻醒悟，什麼叫做：『力拔山兮氣蓋世』？唉！聽返當日自己唱的版本，真係震過貓王，不停震，句句尾個隻字都震，我意思係啲震音～～」他直言，聽返連自己都無法忍受，並令其「恍然大悟」。
「鍾意聽呢首歌嘅朋友，我辛苦了你們的支持，真係要講句，對不起！我愛你！為咗防止大家唔覺意再聽返當年的震音老土版，我覺得自己馬上需要重新錄製此曲。」
「必須面對已經過時」 新版《越夜越有機》望帶和平氣氛
Leon長文又交代了整個錄製新版的過程，「都經過重重困難去申請版權，最終如願重錄，做人畢竟要與時並進，當年情可以存在，但必須面對已經過時，所以重新唱過。」
他說，只錄一首，好似無謂，所以重新錄多首《越夜越有機》，「將編曲入邊嘅槍聲也拎走埋，等首歌可以帶點和平氣氛。」之後，金句王Leon再爆金句「鍾意定唔鍾意，對得住自己咪鍾意，又冇對唔住人。」
震音勾起一代人集體回憶 及收集實體CD的日子
Leon長文發出後，反響熱烈。一日之間已有近五萬點閱，並獲超過4,000個讚，2,500人轉發。有人表示鍾意最後嗰個「金句」。網友Ruby Lo表示，即刻攞番舊版來聽，並留言稱「真係字字唱得好聽，尾尾震得靚音。鍾意就鐘意。」
一位網友直言「九十年代中震音好流行，識震音當年係一種技能，中學歌唱比賽都是震住唱。」並多謝偶像Leon不斷求進步。
一位Lai姓網友留言：「當年都唔覺好震啫...忽然好懷念當年可以收集實體CD嘅日子...」
另有一位網友留言：「其實每個年代都有當時時興的唱法及曲調。90年代，邊個唔震住唱吖，震到天花板都跌落嚟先叫勁，所以不用太在意而接受唔到自己的過去。」並表示，好期待你的新年代版本，看到偶像不停求新求進步，直言「抵我支持咗你3X年。」
更有網友留言，「《夏日傾情》聽咗好多年都唔厭。真係好好聽」有人就解讀為，新版《夏日傾情》係Leon唱俾個女兒聽，「秒秒等待仲夏因為可以放暑假去旅行。」....。
粉絲擺烏龍舊版上榜首 黎明「唔好俾錯鼓勵」
黎明6日傍晚再於社交網站發文，稱此刻「心情非常複雜」，又覺得自己「際遇好奇特」。他說：「我係介紹我的重新唱《夏日傾情》&《越夜越有機》的新EP，但有人分享iTunes訊息俾我，話恭喜晒我，《夏日傾情》上左No.1但話我唱法同當年一樣。」《越夜越有機》上到第10位。
Leon直言：「我又點會唱到同當年一樣呢？一看之下原來No.1同第10位都係當年的版本，原來好多人撳錯咗啦，嗰個係我嘅陳年版，不是我的重新唱。」他呼籲大家「請唔好比錯鼓勵，唔好再撳當年嗰隻。」
Leon鼓勵大家要聽就聽《夏日傾情》新版本啦。@
------------------
請訂閱新官方YouTube頻道：
https://bit.ly/2XxPrsd
✅立即支持訂閱：
https://hk.epochtimes.com/subscribe
✅直接贊助大紀元：
https://www.epochtimeshk.org/sponsors
✅成為我們的Patron：
https://www.patreon.com/epochtimeshk
------------------
📰支持大紀元，購買日報：
https://www.epochtimeshk.org/stores
📊InfoG：
https://bit.ly/EpochTimesHK_InfoG
✒️名家專欄：
https://bit.ly/EpochTimesHK_Column
