14
2
0
電話號碼
27001690
營業時間
今日營業
12:00 - 22:00
星期一至日
12:00 - 22:00
*最後落單時間 9點
以上資料只供參考, 請與餐廳確認詳情
湯：周打蜆湯 -用新鮮蜆煮的，湯好好味，蜆味十足😋頭盤：脆炸魷魚鬚配個醬汁好特別美味 - 炸漿夠薄目香酥鬆軟。蟹肉他他多士 - 蕃茄味濃郁，配自家製酸種麵包，好得👍🏻露絲瑪利煮蜆 - 蜆肉好鮮甜彈牙，仲有海水味，唔住要飲埋個湯🥹主菜：
烤風乾黃油雞配自家製蔥油醬 – 原來要用3日來風乾一隻雞，（所以最好先預訂）食過佢真係返唔倒轉頭，皮脆肉滑，一D都唔鞋，成隻雞連最鞋嘅雞胸都係鮮嫩肉滑又多汁，每個部位都好入味，未試過的一定要試試！😉慢煮北海道豬配山楂蘋果醬 -肉質嫩滑又不乾，豬肉慢煮得剛剛好，好juice,配埋山楂蘋果醬夠清爽，D配菜都好好味,清曬！阿根廷紅蝦蒜片辣椒手工意粉 - 紅蝦磪實爽口彈牙，個手工意粉好出色，軟硬適中有彈牙，蒜片辣椒夠惹味飲品：
牛油果鳳梨沙冰 - 必飲鎮店之寶！因為太smooth完全唔覺得係沙冰！鳳梨帶出牛油果嘅清新，好滿足！甜品：
慢煮法式焦糖燉蛋 - 普通蛋同蘭王蛋各有千秋，但我較喜愛蘭王蛋，蛋香同口感都好豐富且size大D，出面未必食到。比利時朱古力心太軟 - 朱古力味香濃甜度好適合怕肥的女士，配埋vaillna雪糕一齊食，感覺好正。新鮮雲呢拿芝士蛋糕 -食到新鮮雲呢拿嘅香味，有質感適中唔厚實。期間限定 - 朱古力Mousse - 80% dark chocolate mousse係好濃濃朱古力香味難以抵抗，唔甜而朱古力味濃唔苦！做此甜品的廚司好有實力！值得推介的，好用心做的低調餐廳👍🏻
繼續閱讀
終於到我試啦！！睇谷友介紹知道L1fe cafe老闆前幾個月喺何文田重開餐廳，以前食過幾次L1fe cafe覺得好好味，知道老闆開新餐廳立即bookmark定，終於今個月有朋友生日，就趁呢個機會去試下。餐廳環境非常好，極開揚又舒服，有好好嘅空間感，而且餐廳冇限時間，可以慢慢同朋友舒服享受聚餐。食物主打係fusion菜式，比起出面其他餐廳好少見，有特式之餘都好好味。一行4人預先訂枱，亦預先 “叫雞” 🤣，因雞雞烤燒需時最少 30分鐘。開揚玻璃窗廚房，睇晒廚房運作，最正係睇到隻雞喺個爐度慢燒，勁期待。另外幾款都好有特色。Overall係一個好好嘅用餐體驗，一定會再有下次！
繼續閱讀
好耐冇食過一間我咁想打食評嘅餐廳，因為朋友回港探親，推薦我哋嚟哩度食嘢同慶祝生日，冇諗過咁有驚喜！蘑菇湯飲得出每一啖都係蘑菇，好濃郁好味道！墨西哥雞翼應該係即叫即整，因為上枱係熱到放唔到入口🤣雞翼炸得啱啱好，皮脆，入面仲有雞汁，香辣惹味。三文魚他他哩個係menu上面嘅secret dish嚟，有機會係其他野，要問大廚先知當日係乜。由於自己對他他情有獨鍾，諗都冇諗就order，三文魚大大粒絕不欺場，加埋個醬食落好開胃，會想一件接一件咁食。慢煮北海道豬出街真係好怕食豬，一係怕”鞋”二係怕”搔”，不過喺朋友嘅大力推薦下就試下啦。豬肉非常軟稔，我最怕嘅兩樣野都冇，果然冇介紹錯。蘭王cream brûlée哩度嘅cream brûlée分兩個版本，我哋揀咗食蘭王蛋，因為出面應該係食唔到嘅。味道非常特別，比起普通版本更有蛋香，一試難忘。心太軟朱古力流心相當成功，軟滑而且濃厚朱古力味，但係成碟最吸精嘅係眼珠咁大粒嘅藍莓，由於唔食莓類怕酸，但係大到忍唔住食咗粒，好甜好好味！海鹽伯爵茶戚風蛋糕蛋糕鬆軟，滿滿伯爵茶香，加埋海鹽嘅味道好特別，花瓣用咗食用花，非常揼本，手字仲好靚👍🏻多謝朋友推介，全程食得出大廚嘅用心，用餐完畢大廚仲有出嚟了解返啲嘢啱唔啱食，細問之下原來大廚係會親力親為購買食材同揀生果，真係非常難得。環境方面冇影到相，但係就非常闊落舒服，仲有室外地方，方便吸煙人士。餐廳仲有包場服務，經常都會有生日、結婚等等嘅包場。
繼續閱讀
呢間餐廳出名無味精，食材新鮮時令，而且每款菜式都由大廚精心設計，唔會同其他餐廳撞款不特止，而且餐廳不時轉換新菜式，絕對唔會食到悶！我好耐之前已經想食呢間餐廳，不過因為人在外地，所以今次返黎香港一個月，決定唔放過佢，以下嘅相係幫襯2次夾埋嘅合集！佢地由頭盤，湯，主菜，餐飲到甜品都會有廚師精選，即係hidden menu，所以除左menu嘅野，當然要試d唔係時時有嘅野啦！呢度有室內同室外位，室內空間感十足，每張枱距離有1米半以上，完全唔會覺得逼夾，坐得好舒服，滿足倒一家大細，又滿足倒二人世界。室外位好開揚，絕對滿足倒食煙同想chill嘅客人，不特止，仲有一個長形空地俾小朋友任跑都唔係問題，整個場地大小都適合包場開party，annual dinner，各種event.
再黎不得不讚員工同老闆，普通西餐廳嘅價錢，但酒店級(因為廚師老闆真係酒店級)嘅服務態度，佢地非常細心，員工喺每道菜嘅前後都會留意餐桌情況，安排好需要餐具同清理枱面，等客人食得舒服唔會呢咁HEA，如果唔太忙，廚師老闆仲會親自出黎關心客人對食物嘅滿意度，希望從意見中提高食物水準。多謝你睇晒我個食評，一間由內到外再到返內都咁高水準同有heart嘅餐廳，我真心推薦俾大家！Enjoy and Cheers!
繼續閱讀
大滿足好食有質素西餐每道菜配搭得好好，fusion 得呢黎味道又好夾雖然地點唔就腳唔近地鐵站仲要行斜路上，但都值得再去食水果茶🍍🍎🍊🦀個湯好多蟹肉🌹超香玫瑰味牛油🤔個人覺得牛油可以加番d d咸味就更好🧂🥖好似油炸鬼個舊包係自家製ga🦑好食炸魷魚鬚🦑個醬酸酸辣辣🐖慢煮北海道豬🍝咸魚陳皮意粉好得意既配搭好好食味道好夾🍮好creamy 味道好濃🍫朱古力心太軟超濃朱古力🤔心可以再軟d就好
繼續閱讀