22/3啟用 國泰新貴賓室 「L」字型露台夠開揚

不論出門旅遊或公幹，安全又舒適嘅飛機旅程好重要，可以喺航班起飛前從容享受閒情逸致，當然就更加理想啦。黛安知道國泰航空喺香港國際機場嘅全新貴賓室「玲瓏堂」（The Deck），將於3月22日開幕啦。

國泰公關姐妹介紹，入面選用嘅設計師家具和照明設備，都考量咗實用性、舒適性及隱私度而精心挑選。同其他香港貴賓室唔同，玲瓏堂最大賣點係獨享一個「L」字型嘅開揚露台，乘客可以一邊食嘢，一邊望住機場停機坪及跑道上嘅飛機升降。

貴賓室設有休閒區，配備特別設計嘅「泰逸椅」以及8個淋浴間，臨上機前Relax一下人都醒神啲。主餐廳提供新鮮烹調嘅自助式國際美食，有黛安最愛嘅雲吞麵等亞洲美食，真係好期待啊！