38歲男歌手林奕匡,2017年與太太李靄璣Rikko結婚,二人相識廿年依然甜甜蜜蜜,經常一起工作外遊,近日更宣布即將迎接金龍BB!
登入 瀏覽本網站,可獲取積分換領專屬優惠
點擊查看專屬優惠
Phil和Rikko宣布有喜
Phil和Rikko宣布將步入人生另一新階段!
.準媽媽Rikko:「金龍BB報喜!相識20年相愛第198個月結婚6年,非常感恩喺我倆認為最最最理想既時候收到呢份上天恩賜既愛情結晶 」
.
.林奕匡亦晒出BB的超聲波照片:「New member of the family!!非常開心同感恩,收到一份最珍貴嘅禮物,冇諗過今年可以有一個龍BB,We look forward to you coming into this world. There will be many challenges to come, but we will do everything we can to give you all the love in the world..
過五關斬六將 一開始就Long D
愛妻號林奕匡以soulmate形容Rikko,十多年戀愛路,過五關斬六將,愛得不容易。2004年Phil參加DJ訓練班時認識Rikko,第一印象覺得這個女孩好叻、好自信,而自己中文不好又薯,後來交換了MSN,愈來愈好傾,2007年開始拍拖。
拍拖不久,Rikko決定回流香港做主播,與大學還沒畢業的Phil進行遠距離戀愛。到後期Phil回港做歌手,身邊不少朋友都話「你男友入娛樂圈,佢唔紅你又死,佢紅你又死」。情路挑戰重重。
感激太太不離不棄 陪伴走過人生低潮:我唔可以辜負佢
Rikko回港後,加入TVB並獲得主持《體育世界》以及財經節目的機會,前途大好,反觀Phil當時未簽唱片公司,銀行戶口曾一度得返雙位數,加上當時有不少才俊追求Rikko,Phil覺得女友大可以騎牛搵馬,但Rikko一直默默支持Phil,甚至退出幕前,轉做寫字樓工,工時長之餘,著得靚少少,又被人閒言閒語,受過不少苦頭。
Phil見Rikko為他犧牲那麼多,而自己歌唱事業處於不進不退的狀態,好低落,但Rikko一句說話,令Phil感動一生:「如果下張專輯都唔成功,我哋可以一齊返加拿大重新開始,我可以同你一齊捱!」呢番話,令Phil放低壓力,爆出《高山低谷》一曲,人氣爆燈。Phil一直感激這個女仔對自己咁好,唔可以辜負佢,唯有盡好男友責任,做新人時都表明自己有女朋友,出街拍拖從來都不會避忌。
100分老公
Phil愛錫Rikko,將最好給最好。之前老婆整親,Phil立即放下手頭工作,陪老婆睇醫生。又例如辛苦的家務工作,洗廁所、刷浴缸、廚房清潔等,Phil都會自動自覺負責。每逢大時大節,二人都會收到眾多品牌禮物,屋企執極都係咁亂,Phil許下承諾,目標係要賺多啲錢,換間大屋,可以讓老婆擺放所有物品!好sweet呀!
老婆是最好的
在Phil人生最低潮時,沒錢返加拿大探屋企人。細心的Rikko知道Phil思鄉愁重,而Phil又成日話爸爸煮的麻婆豆腐係全世界最好吃的,於是Rikko請求Phil爸教她,這樣就可以在香港煮給Phil吃。咁有愛,Phil都超感動,更大讚老婆廚藝,全香港,Rikko所煮的麻婆豆腐比任何餐廳都煮得好味!