明福俠黎明又有新搞作！Leon繼去年與麥浚龍合唱《忘記和記》之後，相隔半年多，終推出新歌《顧家》，讓歌迷再有機會欣賞他的歌聲。 新歌宣傳大玩驚喜，除了在合唱版本有神秘女聲出現之外，Leon更在個人社交網站透露與3位男星合作。
登入 瀏覽本網站，可獲取積分換領專屬優惠
點擊查看專屬優惠
沉寂一時的Leon最近終於「蒲頭」，除了早前亮相TVB節目引起集郵潮，近日頻頻更新社交網站，為新作宣傳。
黎明率先預告，大家將會看到他和三大男星合作的作品。
Leon最新合作的三大男星包括陳柏宇、林海峰和契爺胡楓，未知他們是否會在黎明新歌《顧家》MV中出現呢？無獨有偶四位給印外界的印象都是「顧家」好男人。
黎明一併推出新歌《顧家》兩個版本，並呼籲歌迷到各大音樂平台欣賞細聽。當中合唱版本令人驚喜，再度出現神祕女聲，有理由相信Leon有計劃再推薦女新人在樂壇發展，如早期的衛蘭和JW般。
黎明唔止係天王，仲係那些年嘅廣告天王！去年麥浚龍天大面子請到Leon合唱新歌《忘記和記》，令樂迷充滿驚喜同時亦勾起大家對這位天王嘅集體回憶。黎明90年代拍過唔少手提電話廣告，紅了不少擔當女主角的「阿May」 ，亦紅了不少經典廣告對白。「要贏人先要贏自己」、「Can I have your number」……大家還記得多少出自Leon口的撩妹金句？
新歌《忘記和記》向90年代廣告歌致敬
麥浚龍一直都很想創作一首屬於九十年代、充滿本地風格的歌曲：「節拍強勁、高能量的慢歌，這種方向的曲式在近年市場上幾乎絕跡。」
聽一下《忘記和記》這首新歌的旋律，難免會想起Leon想當年一些膾灸人口的手提電話廣告歌。連Juno也是這樣說的：「當收到DEMO後，我很記得聽到4分20秒時，我突然想起一個人，有一種很強烈的感覺，這個部分屬於他，於是便立即向雷頌德索取他的聯絡方法，而他便是黎明。」
在這次合作之前，麥浚龍與黎明素未謀面。內斂的他之所以敢「膽粗粗」致電黎明，全因對創作的一份堅持和追求：「Leon和Juno，於大眾看來可說是『大纜都扯唔埋』的兩位，合作會有什麼火花呢？光是想到這裡已經很期待；加上今次參與創作的單位，包括雷頌德和黃偉文，大家的熱情、力量和投入度都很高，這次合作讓我有心跳冒汗的感覺，很罕有，很珍貴，希望大家喜歡。」
Juno與Leon電話通話錄音來自真實情景
Juno與Leon電話通話內容
Juno ：「喂，唔該Leon啊。」
Leon ：「喂，係。Juno?」
Juno：「係呀。你好，唔好意思打攪你。你方唔方便？」
Leon：「唔打攪。 請講。」
Juno ：「我有首新歌想搵你。」
Leon：「聽三次而入腦嘅話再講。」
Juno：「好。」
Leon：「首歌講咩？」
Juno：「「忘記」和「記」」。
Leon：「「「忘記」和「記」，呢啲嘢有時唔到我地選擇。」
Juno：「聽完之後仲記得的話，打俾我。」
Leon：「十二小時內覆你。」
Juno 在新歌推出前，在Instagram率先分享了一段佢同Leon嘅電話對話錄音。編輯本來也以為這是宣傳搞作，後來才知道這的確是當日Juno膽粗粗致電天王的真實情境。
收到麥浚龍的邀請後，黎明在12小時內便答應合作。「雖然沒有見過面，但腦海對他（Juno）有好多印象。我認為他是一個很有獨特性創意的人，感覺互相穿插於對方的世界中，都是一種學習。Juno很詳盡地解釋故事，以及希望在市場表達什麼訊息。其實我相信很多人會憑一種直覺去抉擇，和確認一首歌是否動聽。就好似我第一次回答一樣，聽三次，我覺得好便會做。」
原來對於黎明來說，除了重要事情要講三次，重要的歌也要聽三次，大家學到了嗎？
黎明、「和記」不解之綠
麥浚龍的新歌想表達的是「忘記」和「記」，不過歌名字面卻包含着大家對「Leon」和「和記」的集體回憶。
90至千禧年代Leon為和記電拍下的一連串廣告，可以說是經典中的經典，大家一定會記得。想當年紅了不少擔當女主角的「阿May」，亦紅了不少經典廣告對白，以下這幾句出自Leon口的撩妹金句你又記不記得呢？
黎明經典廣告對白#1:「阿May，你點呀？」
「阿May」到底係邊位，仲有冇人記得？就好似一講起「阿寶」你會諗起葉念琛，一講起「阿May」你就會諗起Leon一樣。「阿May」係Leon 90年電話廣告嘅女主角，同「阿寶」一樣可以係任何人。唔少新面孔都因為阿May一角爆紅，可惜並唔包括呢位元組級「阿May」（梁渝飾）。片中阿May因為整親腳去唔到Leon演唱會，不過卻驚喜換來與偶像通電話的機會。
黎明經典廣告對白#2:「有緣嘅我地會再見」
「阿May」今次換成童愛玲。想當年嚟講呢個廣告真係好高質，而且睇得出廣告商相當揼本，拍到成部愛情、動作 微電影一樣。
黎明經典廣告對白#3:「我好忙，陪唔到你，希望你Understand」
Leon好忙冇時間陪阿May（陳浥萍飾）, 不過好彩有call機，一個留言阿May就understand原來男朋友係好掛住自己㗎！
黎明經典廣告對白#4:「有緣嘅我地實會見到面，有啲嘢我想你安排下」
未曾相見，Leon就同阿May（陳婉兒飾）flirt 來flirt去，現今男女玩交友App都可以試下用呢句金句。
黎明經典廣告對白#5:「要赢人，先要赢到自己」
想到Leon同其餘三大天王惡鬥多年，呢句經典對白出自佢把口寧舍有意思。女主角楊采妮好省鏡，不過編輯更留意當年做佢細佬嘅小鮮肉版馮德倫。
Leon憤怒中又帶點愛，相信好多女粉絲睇廣告嗰時都忍唔住跟住混血女主角Lee Ann甜笑。
黎明經典廣告對白#7:「Just to say hi」
Leon 同邊個say hi？原來係全智賢 ！ 女神個樣同而家比無咩大改變，係少女嗰時多陣清純味啫。
黎明經典廣告對白#8:「Can I have you number?」
呢句簡直係「抄牌」金句！相信當年有唔少男士一度認為用英文問人攞電話成功機會係會大啲。
呢個廣告紅極一時，影帝張家輝都曾經喺電影入面惡搞。