http://nextplus.nextmedia.com/news/ent/20171220/564355
【全城憤怒】
鄭俊弘為了要令拉布拉多愛犬Riley可以受到「後底乸」何雁詩控制,竟然幫牠戴上一個布滿倒鈎鐵鏈的狗帶,這款狗帶在外國很多地方都禁用,而且愛護動物協會的醫生更強烈反對狗主使用這款釘帶,因為會對狗隻造成不必要傷害,甚至變成虐畜。
事件揭發後,全城插爆鄭俊弘惡行,但他始終毫無悔意,更同何雁詩一齊post文回應事件,死撐使用釘帶有理。
但原來鄭俊弘虐狗招數唔只釘帶一樣,本刊在去年三月,見過鄭俊弘帶Riley去數碼港放狗,當時Riley頸上出奇地有三條頸帶,比一般狗仔多。而其中一條黑色皮帶,由於同Riley毛色一樣,「黐地」睇唔清楚,所以當時未有發現有任何異樣。
【鬼祟電狗】
其間鄭俊弘同Riley行了去一處較少人的地方,見到Riley走了入欄杆外,鄭俊弘當時突然揭起T恤,原來他收埋了電擊頸箍遙控在衫內,見他攞住個遙控㩒了一下,Riley即刻fing頭,企圖想fing甩頸箍,同時鄭俊弘見到有人經過,立即鬼祟地將遙控放回入衫內,然後扮若無其事。
在公眾地方,Riley又不是做一些攻擊性行為,又或者亂吠,鄭俊弘都要電擊Riley,呢個行為真係點講都講唔通。