賭王千金何超蓮、丁子高、Donald及少爺占昨日在旺角出席「Kiehl's挑戰無極限」首播會，四人之前到新西蘭拍攝真人騷。超蓮因帶了五條香蕉被禁進入新西蘭境內，要被扣留兼罰了數百新西蘭元，她說：「係工人姐姐幫我執入篋，我完全唔知，罰咗幾百蚊，佢都係好心嘅，但係唔明點解要擺香蕉。」
超蓮剛到台灣工作兼散心，因舅母剛過身，但心情已經平復：「舅母係肺癌併發症，82歲，佢係同我哋一齊住嘅，同我好close，好錫我，因為我哋都下巴位置都有粒癦，佢成日都話因為錫我所以傳咗畀我。」而提到胞弟猷啟跟44吋長腿內地女友拍拖，超蓮戥弟弟開心，她說：「佢都靚仔，吸引靚女係正常。」超蓮則謂自己沒有心情拍拖。
採訪：羅慧敏
攝影：葉君海