देख ले (मुन्नाभाई एमबीबीएस), सजना वे सजना (चमेली), बीड़ी जलइले जिगर से पिया (ओमकारा), साकी (मुसाफिर) ,डांस पे चांस ( रब ने बना दी जोड़ी), क्रेजी किया रे (रेस), शीला की जवानी (तीस मार खां) सारखी हीट गाणी ऐकली की डोळ्यांसमोर येते त्याची गायिका सुनिधि चौहान. बॉलिवूडची शकीरा असंही सुनिधिला म्हटलं जातं.
दूरदर्शनपासून सुरुवात करुन नंतर मेरी आवाज सुनो या रिअलिटी शोमधून सुनिधि पुढे आली. वयाच्या 11 व्या वर्षी सुनिधिनं दीवानी लडकी देखो हे गाणं गायलं होतं. तिनं तिच्या आतापर्यंतच्या करिअरमध्ये 2000 हून अधिक गाणी गायली आहेत. केवळ हिंदी नाही तर पंजाबी, कन्नड, बंगाली आणि भोजपुरी भाषांमध्येही सुनिधिनं गाणी गायली आहेत.
प्रोफेसनल आयुष्यात सुनिधिला सक्सेस मिळालं मात्र वैयक्तिक आयुष्यात अजूनही सुनिधि स्थिरावली नाही. वयाच्या 18व्या वर्षी सुनिधि प्रेमात पडली आणि कुटुंबाच्या विरोधात जात तिनं धर्म बदलून लग्न केलं.
कोरियोग्राफर, डायरेक्टर आणि अभिनेता बॉबी खानबरोबर सुनिधिनं लग्न केलं. पण वर्षभरात दोघांचा डिवोर्स झाला. आई वडिलांच्या विरोधात जाऊन बॉबी खानबरोबर लग्न करुन सुनिधि पस्तावली.
सुनिधिनं 2002 साली डिवोर्सनंतर तिचा संपूर्ण फोकस करिअरकडे वळवला. 19व्या वर्षी लग्न मोडल्यानंतर 2021 साली सुनिधि पुन्हा एकदा प्रेमात पडली.
24 एप्रिल 2012 साली सुनिधि चौहाननं म्युझिक कंपोझर हितेशबरोबर दुसरं लग्न केलं. दोघांना आता एक मुलगाही आहे. बॉबीबरोबर लग्न करणं ही माझ्या आयुष्यातील सगळ्यात मोठी चुक होती असं सुनिधिनं एका मुलाखतीत सांगितलं होतं.