阿仙奴秘密武器？14歲新星獲提升上一隊操練

阿仙奴將於周六(4日)晚英超主場對般尼茅夫，球隊近日操練多咗1位陌生面孔，就係年僅14歲嘅U18青年軍球員麥斯唐文。呢位小朋友可以獲得領隊阿迪達垂青，證明並非池中物，備受睇好將來可以成為兵工廠靈魂人物。

麥斯唐文可以勝任進攻中場及翼鋒，雖然只係14歲，但身材高大，即使同一隊球員操練，體型都唔輸蝕。麥斯唐文踢U18賽事，更加大超班，早前對富咸U18，佢貢獻4次助攻，協助阿仙奴U18大勝5比2。

阿仙奴U18青年軍主帥韋舒亞曾經表示，麥斯唐文將會成為球壇冒起速度最快嘅新星，有能力「跳級」升上一隊比賽。麥斯唐文現時可以同一隊操練，距離踢英超又行近一步。