（獨媒報導）本地品牌Chickeeduck位於銅鑼灣怡和街的最後一間「藝術生活百貨」今（30日）結業，網店亦一同停運，代表有33年歷史的Chickeeduck正式落幕。店舖由11時半開門至黃昏期間不斷「打蛇餅」，門外更數度出現人龍，隊尾延至街上，有顧客花了兩個多小時才成功入内購物。有不時在店當義工的熟客概嘆結業是「改變唔到事實」，但不希望品牌將來在港重開：「走咗唔好返轉頭，呢個香港真係容納唔到。」
網店同時停運
品牌創辦人周小龍前年曾指，公司多間廠房持續受騷擾，宣布撤出香港市場並陸續關有實體店，最後一間童裝實體店於去年7月結業。Chickeeduck在港原有三間「藝術生活百貨」，繼天后、荃灣店在去年11月及今年4月結業後，品牌上月初在Facebook宣布，僅餘位於銅鑼灣廣安大廈1樓的分店將於6月30日結束營運，同時停止營運網店。周亦有在Facebook發帖，形容結業是「極其艱難的決定」，但因供應鏈被切斷或被騷擾，無意讓同事掙扎下去，感謝顧客33年以來的支持，「俾我再揀多一次（明知有今日嘅結業後果），我都一樣係會咁樣做。」
周小龍Facebook截圖
開店至黃昏人龍不斷 顧客拿衣架「打卡」留念
店鋪今日的營業時間延長個半鐘至晚上10時，《獨媒》記者早上11時許到場，未及營業時間已有近15人在店外的樓梯等候。臨近午飯時段人流漸增，逾40名市民擠在目測不足三百呎的店裡，圍繞貨架「打蛇餅」，店員一度進行人流管制安排，著顧客在門外等候，人龍一度延伸至街上，至黃昏仍不斷。
今日店內不少衣襪款式低至半價發售，除男女裝及僅餘的童裝衣物外，貨架亦出售與社運有關的書籍，包括《陳健民獄中書簡》，飾物、防水貼紙、日用品等。品牌為答謝顧客支持，亦向顧客派發扭成「Chickeeduck」字樣的金屬衣架，不少人購物後拿起衣架「打卡」留念。
市民：結業歸因於政治打壓
過去送別了荃灣及天后分店的劉小姐和張小姐因反修例運動而開始幫襯Chickeeduck，劉說自己在Chickeeduck已花費逾3,000元。她們對Chickeeduck及其他黃店接二連三倒閉感到唏噓，惟指仍會堅持幫襯黃店，「人當然要有堅持先有動力……雖然依家係條隙到搵路走，沮喪得嚟都要掙扎㗎。」
居於九龍的謝女士花了兩個多小時排隊，卻發現心頭好已賣斷，只好購買裇衫及襪子，總值約數百元。她稱讚Chickeeduck童裝衣物的質料優質，「我個女細細個就著……上次有個親戚生咗龍鳳胎，我都係到（天后店）買咗啲小朋友衫送俾佢。」她又慶幸自己尚算早到，由排隊至選購僅花兩個多小時，「我2點幾到，（4點）依家到嘅話仲多人呀！」
謝女士
對於Chickeeduck去全線停業，謝女士指明顯歸因於政治打壓，認為很是可惜：「佢啲嘢幾有意思，鼓勵香港人要加油」。她寄語港人要堅守良知，「係咩環境、咩困難都好，大家都要堅持公義良知，係一定無錯，世界嘅香港人都要堅持。」
由熟客到任義工：香港容納唔到Chickeeduck
24歲的Kate曾於荃灣分店做義工，在分店結業後便轉到銅鑼灣店幫忙，雖然有全職工作，但她一有空便會抽空到店，協助解答顧客問題及整理貨品等。兩年前起成為Chickeeduck的熟客的她笑言，自己「打開個衣櫃全部都係Chickeeduck嘅嘢」，曾一周到店内「打躉」三四日，每次長達數小時，熟悉店舖運作，很自然就幫忙打點。
Kate
她形容Chickeeduck結業是「改變唔到事實」，只感唏噓，自己只能夠「襯仲有呢樣嘢，幫得幾多就得幾多，唔好等到執咗先嚟後悔」。被問會否想Chickeeduck將來在港重開，她果斷否認：「我哋始終都會買你嘅產品，但走咗唔好返轉頭，呢個香港真係容納唔到。」
